އަސުރުމާ ދޯނީގެ އިތުރުން ދެ ދޯންޏަކަށް އިންޑިއާ ސިފައިން އެރި: ބޮޑުކަންނެލި މަސްވެރިންގެ ޔޫނިއަން

އިންޑިއާ ސިފައިން އެރި ކަމަށް ބުނާ އަސުރުމާ-3: ބީކޭއެމްޔޫން ބުނީ އެހެން ދެ ދޯންޏަކަށް ވެސް އެރި ކަމަށް -- ފޮޓޯ: މަސްވެރިން.ކޮމް

އިންޑިއާ ސިފައިން އެރި ކަމަށް ބުނާ އަސުރުމާ-3: ބީކޭއެމްޔޫން ބުނީ އެހެން ދެ ދޯންޏަކަށް ވެސް އެރި ކަމަށް -- ފޮޓޯ: މަސްވެރިން.ކޮމް

އަސުރުމާ-3 ގެ އިތުރުން އެ ސަރަހައްދުގައި މަސްވެރިކަން ކުރަމުންދިޔަ ދެ އުޅަނދަކަށް އިންޑިއާ ސިފައިން އެރި ކަމަށް ބޮޑުކަންނެލި މަސްވެރިންގެ ޔޫނިއަނުން ބުނެފި އެވެ.

އެ ޔޫނިއަންގެ އެކްސް އެކައުންޓުން ކުރި ޕޯސްޓެއްގައި ބުނެފައި ވަނީ އަސުރުމާ-3 ގެ އިތުރުން ނިރު-7 އާއި މާހޯރަ-3 އަށް ވެސް އިންޑިއާގެ ދެ ކޯސްޑުގާޑު އުޅަނދު ކައިރިކޮށް ސިފައިން އަރާފައިވާ ކަމުގެ މައުލޫމާތު ލިބިފައިވާ ކަމަށެވެ.

"އަސުރުމާ3، ނިރު7 އަދި މާހޯރަ3 މި ތިންދޯންޏަށްވެސް އިންޑއާގެ ދެ ކޯސްޓްގާޑް ކައިރިކޮށް ސިފައިން އެރިކަމަށް މަޢުލޫމާތުލިބޭ! އަދި ދޯނި ފަހަރަށް ސިފައިން އެރިއިރު އެމީހުން އަތުގައި ހަތިޔާރުހުރި ކަަމަށްވެސް މަޢޫމާތު ލިބޭ!" އެ ޔޫނިއަންގެ ޕޯސްޓުގައި ބުނެފައިވެ އެވެ.

Advertisement

އެމްއެންޑީއެފުން ބުނެފައި ވަނީ ރާއްޖޭގެ ކަނޑުގެ ސަރަހައްދުގައި ދަތުރުކުރަމުންދިޔަ ދޯންޏަކަށް އިންޑިއާ ސިފައިން އެރި ކަމުގެ މައުލޫމާތު ލިބުމާ ގުޅިގެން ކޯސްޓުގާޑުގެ އުޅަނދެއް އެ ސަރަހައްދަށް ދިއުމަށް ދަތުރު ކުރަމުންދާ ކަމަށެވެ.

އ.ދ މަހިބަދޫ އަސުރުމާ-3 އަކަށް އިންޑިއާ ސިފައިން އެރީ ހދ.ކުޅުފުށްޓާ ދިމާލުން ބޭރަށް ނުކުމެ އުޅެނިކޮށް ކަމަށް އެ ދޯނީގެ އޮޑިވެރިޔާ "އަދަދު" އަށް ބުންޏެވެ. އޭނާ ބުނީ އެ ދޯނި ބަލައި ފާސް ކުރުމުގައި އިންޑިއާގެ ދެ މަނަވަރު ހަރަކާތްތެރިވަމުން އަންނަ ކަމަށެވެ.

އިންޑިއާ ސިފައިން ސުވާލު ކުރަމުން ދަނީ ތުރާޔާ ބުރޭންޑުގެ ސެޓެލައިޓު ފޯނު ބޭނުން ކުރޭތޯ ކަމަށް އޭނާ ބުންޏެވެ. ނަމަވެސް އެ ދޯނީގައި އެ ބުރޭންޑުގެ ފޯނެއް ނުގެންގުޅޭ ކަމަށް އޭނާ ބުންޏެވެ.

"އެމީހުން ސުވާލުކޮށް ފާސް ވެސް ކުރާކަމަށް ކެޔޮޅު ބުނި. ތުރާޔާ ސެޓްލައިޓް ފޯނު އޮތްތޯ ސުވާލުކުރަނީ. އެކަމަކު ތުރާޔާ ފޯނު ރާއްޖޭގަ ބޭނުން ކުރުމަކީ މަނާ ކަމެއް ވެސް ނޫން. އެ ދޯނީގަ ނޯންނާނެ އޭގެ ފޯނެއް ވެސް. އެ ދޯނީގަ އިންނާނީ އުރީދޫއިން ހަރުކޮށްފައިން ޑިވައިސްއެއް،" އޭނާ ކިޔައިދިނެވެ.

އަސުރުމާ-3 ދޯންޏަށް އިންޑިއާ ސިފައިން އަރާފައި ވަނީ މިއަދުގެ މެންދުރުފަހު 2:30 ހާއިރު ކަމަށް އޮޑިވެރިޔާ ބުންޏެވެ. އެ ދޯންޏަށް އިންޑިއާ ސިފައިން އެރިއިރު، އެ ދޯނީގައި 18 ފަޅުވެރިން ތިބި ކަމަށް ވެސް އޭނާ ބުންޏެވެ.

"މިއަދު ދެގަޑި ބައިން ފެށިގެން ދޯންޏާ ގުޅެމުން ދަނީ، ދޯންޏާ ކޯސްޓުގާޑާ ގުޅުވާ ހަމަ ހުރިހާކަމެއް އަޅުގަނޑުމެން ކޮށްފިން މިހާރު. ދޯނިން ބުނީ އިންޑިއާގެ ދެ މަނަވަރު އެބަ އޮތޯ ދޯނި ކައިރީގަ. [ދޯންޏަށް] އަރާ އެމީހުން އެބަ އުޅޭ ދޯނި ތެރޭގައި،" އޭނާ ބުންޏެވެ.

އެ މަންޒަރު ފެންނަ ފޮޓޯތަކެއް ކަމަށްބުނެ ސޯޝަލް މީޑީއާގައި ދަނީ ފޮޓޯތަކެއް ދައުރުކުރަމުންނެވެ. ނަމަވެސް އެއީ މަހިބަދޫ އަސުރުމާ-3 ދޯނީގެ ފޮޓޯ ނޫންކަމަށް އެ ދޯނިން ވަނީ ބުނެފަ އެވެ.

އެ ދޯނީގެ ވެރިފަރާތުން ސޯޝަލްމީޑީއާގައި ހިންގާ އެކައުންޓަކުން ކުރި ޕޯސްޓެއްގައި ބުނީ މިއަދުގެ ހާދިސާގެ އެއްވެސް ފޮޓޯއެއް އަދި ވީޑިއޯއެއް ވެސް މިހައިތަނަށް ހިއްސާ ކޮށްފައި ނުވާނެ ކަމަށެވެ.

"މި ދޯނީގެ ފޮޓޯ ކަމަށް ބުނެ ދައުރު ކުރަމުންދާ ފޮޓޯތަކަކީ މިދޯނީގެ ފޮޓޯތަކެއް ނޫން ކަމަށް މައުލޫމާތައްޓަކައި ދަންނަވަން. މިއަދު ހިނގި ހާދިސާގެ އެއްވެސް ފޮޓޯއެއް އަދި ވީޑިއޯއެއް މިހާތަނަށް ހިއްސާކޮށްފައި ނުވާނެ." އެ ޕޯސްޓުގައި ބުނެފައިވެ އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox