ވޯލްޑް ކަޕަށް ފަހު ޗުއްޓީއެއް ނެތް، އެމްބާޕޭ ޕްރެކްޓިހަށް!

Dec 22, 2022, 3:02 AM
ވޯލްޑް ކަޕަށް ފަހު ޗުއްޓީއެއް ނެތް، އެމްބާޕޭ ޕްރެކްޓިހަށް!

ޕެރިސް (ޑިސެމްބަރު 22) - މިދިޔަ އާދިއްތަ ދުވަހު ފީފާ ވޯލްޑް ކަޕްގެ މި ފަަހަރުގެ މުބާރާތުގެ ފައިނަލުން ބަލިވި ފްރާންސް ޓީމުގައި ހިމެނޭ ތަރި ކީލިއަން އެމްބާޕޭ، ޗުއްޓީ އަށް ދިއުމުގެ ބަދަލުގައި ޕީއެސްޖީގެ ޕްރެކްޓިހަށް ނުކުމެއްޖެ އެވެ.

އެމްބާޕޭ، 24، ގެ ހެޓްރިކާ އެކު ފްރާންސް އިން، މިދިޔަ އާދިއްތަ ދުވަހު ކުޅުނު ފީފާ ވޯލްޑް ކަޕްގެ ފައިނަލުގައި 3-3 އިން އާޖެންޓީނާއާ އެއްވަރުވިއިރު، ޕެނަލްޓީގައި އާޖެންޓީނާ މޮޅުވީ 4-2 އިންނެވެ.

އެ މެޗަށް ފަހު، ފްރާންސް ޓީމުން އެނބުރި ގައުމަށް ގޮސް، އެ ގައުމުގެ ރައީސް އެމަނުއަލް މެކްރަންގެ ދައުވަތަކަށް ހާއްސަ އިވެންޓެއްގައި ބައިވެރިވުމަށް ފަހު، އެއް ދުވަހުގެ ބްރޭކެއް ނަގައި، އެމްބާޕޭ ވަނީ އިއްޔެ ޕީއެސްޖީގެ ފަރިތަކުރުންތަކަށް ނިކުމެފަ އެވެ.

އެމްބާޕޭ އިއްޔެ ޕީއެސްޖީގެ ޓްރެއިނިން ސެންޓަރުގައި: އަވަހަށް ޕްރެކްޓިހަށް ނުކުންނަން ނިންމުމަކީ އެމްބާޕޭގެ އަމިއްލަ ނިންމުމެއް.

ފީފާ އާއި ފިފްޕްރޯ (ކުޅުންތެރިންގެ ހައްގުގައި އޮންނަ ޖަމިއްޔާ) އިން އެއްބަސްވެފައިވާ އުސޫލުތަކަށް ބަލާއިރު، ވޯލްޑް ކަޕަށް ފަހު ކުޅުންތެރިއަކު ބޭނުންނަމަ 14 ދުވަހުގެ ބްރޭކެއް/ޗުއްޓީއެއް ނެގޭނެ އެވެ. އެއީ ކުޅުންތެރިންނަށް އޮންނަ ހައްގެކެވެ. އެކަމަކު، ކުޅުންތެރިން ބޭނުންނަމަ ޗުއްޓީ ކުރުކޮށްލައި، ކިތަންމެ އަވަހަށް ވެސް ކްލަބްގެ ޕްރެކްޓިހަށް ނުކުންނަން ވީ އެވެ. އެ ގޮތުގެ މަތިން، އެމްބާޕޭ ނިންމީ ވޯލްޑް ކަޕްގެ ފައިނަލުން ބަލިވިތާ 72 ގަޑިއިރު ތެރޭ، ކްލަބްގެ ޕްރެކްޓިހަށް ނުކުތުމަށެވެ.

ޕީއެސްޖީގެ ކޯޗު ކްރިސްޓޮފް ގަލްޓިއޭ ބުނީ އެމްބާޕޭ ޕީއެސްޖީގެ ޕްރެކްޓިހަށް އެހާ އަވަހަށް ނުކުމެ، އެ ދިނީ ސިގްނަލެއް ކަމަށެވެ. އެއީ، ވޯލްޑް ކަޕް ކަހަލަ ދުނިޔޭގެ އެންމެ ބޮޑު ފުޓްބޯޅަ މުބާރާތުގެ އެންމެ ގިނަ ގޯލު ޖެހި ކުޅުންތެރިއަކަށް ވެފައި، އެ މުބާރާތުގެ ފައިނަލުން ބަލިވިޔަސް، އެއީ ހިތްމަރުވާން ޖެހޭ ކަމެއް ނޫންކަން ސާބިތުކޮށްދީ، ކުރިއަށް ވިސްނައިގެން އެމްބާޕޭ ދެއްކި ސާބިތުކަމަކީ އޭނާ ފަަހަތަށް ނުޖެހޭނެ ކަމުގެ ހެއްކެއް ކަމަށް ގަލްޓިއޭ ވަނީ ބުނެފަ އެވެ.

ވޯލްޑް ކަޕްގެ ބްރޭކަށް ފަހު، ފްރެންޗް ލީގު ފަށާނީ އަންނަ ހަފްތާގަ އެވެ. ވޯލްޑް ކަޕްގެ މެދުކެނޑުމަށް ފަހު، އެނބުރި އައިސް ޕީއެސްޖީ ކުޅޭ ފުރަތަމަ މެޗުގައި މި މަހު 28 ވަނަ ދުވަހު ބައްދަލުކުރާނީ ސްޓްރާސްބޯއާ އެވެ.

ވޯލްޑް ކަޕްގައި އަށް ގޯލު ޖެހި އެމްބާޕޭ، މި ސީޒަނުގައި ޕީއެސްޖީގައި ވެސް ހުރީ ރަނގަޅު ފޯމެއްގަ އެވެ. އެ ގޮތުން ޕީއެސްޖީގެ 20 މެޗުން 19 ގޯލު ޖަހައި، ފަސް ގޯލު ޖަހަން ފުރުސަތު ތަނަވަސްކޮށްދީފައިވެ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox