އިންތިހާބާ މެދު ފުންކޮށް ވިސްނަން ރައީސް އެދިއްޖެ؛ "ވައުދު ފުއްދާނީ މި ސަރުކާރުން"

ދިއްގަރު ގޮނޑުދޮށް ހިމާޔަތް ކުރުމުގެ މަސައްކަތް ނިންމުމުގެ ރަސްމިއްޔާތު؛ ވައުދު ފުއްދާނީ މި ސަރުކާރުން ކަމަށް ވިދާޅުވި -- ފޮޓޯ: ރައީސް އޮފީސް

ދިއްގަރު ގޮނޑުދޮށް ހިމާޔަތް ކުރުމުގެ މަސައްކަތް ނިންމުމުގެ ރަސްމިއްޔާތު؛ ވައުދު ފުއްދާނީ މި ސަރުކާރުން ކަމަށް ވިދާޅުވި -- ފޮޓޯ: ރައީސް އޮފީސް

ކުރިއަށް އޮތް ރިޔާސީ އިންތިހާބުގައި ރައްޔިތުންގެ ކުރި މައްޗަށް ގެންނަ ކުރެހުންތަކާއި ޕްލޭންތަކާ އެއްގޮތަށް އަމަލުތައް ބަހައްޓާ، ކަންކަން ކުރާނީ ކޮން ބައެއްތޯ ފުންކޮށް ވިސްނުމަށް ރައީސް އިބްރާހިމް މުހައްމަދު ސޯލިހު އެދިވަޑައިގެންފި އެވެ.

މ. ދިއްގަރުގައި ރޭ ވާހަކަ ދައްކަވަމުން ރައީސް ވިދާޅުވީ ކުރިއަށް އޮތީ ހަލަބޮލި ސިޔާސީ މަސައްކަތްތަކެއް ކުރާނެ އަހަރެއް ކަމަށާއި ތަފާތު ވިސްނުމާއި ފިކުރުގެ މީހުން އެކި ޕްލޭންތަކާއި ކުރެހުންތައް ހިފައިގެން ރައްޔިތުން ކުރިމައްޗަށް އަންނާނެ ކަމަށެވެ. ނަމަވެސް, ގޮތް ނިންމާއިރު ވަރަށް ފުންކޮށް ވިސްނުމަށްފަހު އެ ޕްލޭންތަކަށް އަމަލުކުރާނެ ބަޔަކު އިންތިހާބު ކުރުމަށް ރައީސް ވަނީ އެދިވަޑައިގެންފަ އެވެ.

އަންނަ ރިޔާސީ އިންތިހާބުގައި ވާދަ ކުރައްވާނެކަން އިއުލާން ކުރައްވާފައިވާ ރައީސް މިފަދައިން ވާހަކަ ދައްކަވާފައިވާއިރު, އެމަނިކުފާނު ރައްޔިތުންނަށް ވިސްނައިދެއްވަން ބޭނުންވީ އެމަނިކުފާނު ހޮވައިފިނަމަ އަނެއްކާވެސް ރަށްރަށުގެ ތަރައްގީއަށްޓަކައި ކުރަން ނިންމާފައި ހުރި މަސައްކަތްތައް ކުރުމައިގެން ކުރިއަށްދާނެ ކަމެވެ. އަދި މި ސަރުކާރު އޮތީ ރައްޔިތުންނަށް ހިދުމަތް ކުރުމުގައި ކުރިއަށްދާން ތައްޔާރަށްކަން ފާހަގަކުރައްވައި ރައީސް ވިދާޅުވީ ސަރުކާރުން އަމާޒު ހިފާފައި ވަނީ ލާމަރުކަޒީ ނިޒާމުން ރާއްޖެ ތަރައްގީކޮށް، އެ ރަށެއްގައި ދިރިއުޅޭ ރައްޔިތުންނަށް ބޭނުންވާ ހިދުމަތްތައް ފަހިކޮށްދީ، އެ ރަށެއްގެ އިގްތިސޯދު ކުރިއަރުވައި ފުދުންތެރި ކުރުވުމަށް ކަމަށެވެ.

Advertisement

ދިއްގަރުގެ ގޮނޑުދޮށް ހިމާޔަތް ކުރުމުގެ މަޝްރޫއު ނިންމުމުގެ ރަސްމިއްޔާތުގައި ރައީސް ވަނީ އެ ރަށުގެ ގޮނޑުދޮށް ހިމާޔަތްނުކޮށް އޮތުމުގެ ސަބަބުން ދިމާވި ގިނަ ތަކުލީފުތަކަށް ހައްލު ހޯދައިދިނުމަށް ރަށުގެ ވެރިން ސަރުކާރުތަކުގައި ދެންނެވުމުން، އެކަން ކޮށްދޭނެ ކަމަށް ކިތަންމެ ފަހަރަކު ވައުދުވެ، ބަޖެޓުކޮށްފައިވާ ކަމަށެވެ. އަދި ޕްލޭން ހެދުމަށްފަހު އިންތިހާބާ ދިމާކޮށް އެ ޕްލޭން އިތުރަށް ބޮޑުކޮށް، ޖަޕާނުފަދަ ގައުމުތަކުގެ މިސާލު ވެސް ޖައްސަވާނެ ކަމަށް ރައީސް ވިދާޅުވި އެެވެ.

ނަމަވެސް ރައީސް ވިދާޅުވީ ދިއްގަރު ރައްޔިތުންގެ ދުވަސްވީ އެ ތަކުލީފުތަކަށް މި ސަރުކާރަށް ހައްލު ހޯދައިދެވިއްޖެ ކަމަށާއި، އިތުރަށް ރަނގަޅު ކުރަން ޖެހޭ ކަމެއް އޮވެއްޖެނަމަ އެކަން ވެސް ރަނގަޅުކޮށްދެއްވާނެ ކަމަށެވެ.

މަޝްރޫއުތައް ނިމޭނެ ތާރީހާއެކު ދިއްގަރަށް އުއްމީދު ގެނެސްދެއްވި

ދިއްގަރު ގޮނޑުދޮށް ހިމާޔަތްކުރުމާއެކު ރައްޔިތުންގެ އޮތް އެންމެ ބޮޑު ތަކުލީފަށް ހައްލު ހޯދައިދެވިއްޖެކަން ފާހަގަކުރައްވާ ރައީސް ވިދާޅުވީ އެ ރަށު ބިން ހިއްކުމުގެ މަސައްކަތް ނިމުމުން ދެވަނައަށް ދިމާވެފައިވާ އެންމެ ބޮޑު ތަކުލީފަށް ވެސް ހައްލު ހޯދައިދެވޭނެ ކަމަށެވެ.

ރައީސް ވިދާޅުވީ ދިއްގަރުގެ ބިން ފުރިފައި އޮތުމަށް ހައްލު ހޯދައިދިނުމަށް ވެސް އެތައް ސަރުކާރެއްގައި ޕްލޭންތަކާއި ކުރެހުންތައް ހަދައިގެން ބަޖެޓުކޮށްފައިވާ ކަމަށެވެ. އެގޮތުން، މޫދަށްއެރި ކަތީބުން ރޯނުދަމާ ގޯތި ވެސް ދީފައިވާނެ ކަމަށާއި، މި ސަރުކާރުން އަމަލު ކުރަނީ އެގޮތަށް ނޫން ކަމަށް ރައީސް ވިދާޅުވި އެވެ.

އަޅުގަނޑުމެންގެ ވައުދުތައް ފުއްދަމުން މިގެންދަނީ. އަދި އަޅުގަނޑުމެން ވީ ވައުދުތައް ވީވެސް އެކަމަށް ކުރިއާލައި ރާވައި ބަޖެޓްކޮށް، ތައްޔާރީތައް ވެގެން. ހަމަ އައިސް މިތަނަށް ފައިބާ، ކަމެއް ކޮށްދޭނަމޭ ބުނިއްޔަކީ ނޫން. އެހެންވެގެން އެ ކަންތައްތައް އެ ކުރެވެނީ.

ދިއްގަރު ބިން ހިއްކުމުގެ މަޝްރޫރު ތެރެއިން 25 ހެކްޓަރު ބިން ހިއްކުމަށް ވައުދުވެފައިވާއިރު، އޭގެ ތެރެއިން 17 ހެކްޓަރުގެ ބިން ވަނީ ހިއްކާ ނިންމާފަ އެވެ. ރައީސް ވިދާޅުވީ ކުރިއަށް އޮތް މަސް ދުވަސް ތެރޭގައި އެ ރަށުގެ ބިން ހިއްކުމުގެ މަޝްރޫއޫ ނިންމާލެވޭނެ ކަމަށެވެ. ރައީސް ވަނީ ދިއްގަރުގައި ހިއްކި ބިން ހެޔޮ ގޮތުގައި ބޭނުން ކުރުމުގެ ޕްލޭނެއް ކުރެހުމަށް ކައުންސިލް މެންބަރުންގެ އަރިހުން އެދިވަޑައިގެންފަ އެވެ. އަދި އެކަން ކުރާއިރު، އިގްތިސޯދީ މަސައްކަތްތަކަށް ފަހިވެ، ރައްޔިތުންނަށް ވަޒީފާ ލިބި، ރަށުގައި ތިބެގެން މަސައްކަތް ކުރެވޭ ގޮތަށް ޕްލޭންތައް ކުރެއްވުމަށް ވެސް އެމަނިކުފާނު އެދިވަޑައިގެންނެވި އެވެ.

މީގެ އިތުރުން، ދިއްގަރުގައި ހުރި 37 މެޓްރިކް ޓަނުގެ ފެން އުފެއްދޭ ސިސްޓަމް 50 މެޓްރިކް ޓަނުގެ ފެން އުފެއްދޭ ސިސްޓަމަކަށް ބަދަލު ކުރުމުގެ މަސައްކަތް މި އަހަރު ފެނަކައިން ކުރާނެ ކަމަށް ރައީސް ވިދާޅުވި އެވެ. އެމަނިކުފާނު ވިދާޅުވީ ސްކޫލުގެ ޖާގައިގެ ދަތިކަން ހައްލު ކުރުމުގެ މަޝްރޫއުގެ ތެރެއަށް މަލްޓި-ޕާޕަސް ހޯލެއް އެޅުން ހިމަނައިދެއްވާނެ ކަމަށާއި، އަންނަ އަހަރު ކުރީކޮޅު ދިއްގަރު ބޮޑު ކުރުމުގެ މަސައްކަތް ވެސް ފަށައިގަންނާނެ ކަމަށެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox