ވިލާއިން އެދުނު ގޮތަށް އެލާގެ ބަދަލުގައި ފެންފުށީ ފަޅުން ބައެއް ދީފި

ތ. އެލާ: ސަރުކާރުން ވަނީ ވޭމަންޑޫ-ކިނިބިދޫ ކޯސްވޭ މަސައްކަތަށް މި ރަށް ނަގާފަ. -- ފޮޓޯ: ވިސިޓް ތާ އެޓޯލް/ފޭސްބުކް

ތ. އެލާ: ސަރުކާރުން ވަނީ ވޭމަންޑޫ-ކިނިބިދޫ ކޯސްވޭ މަސައްކަތަށް މި ރަށް ނަގާފަ. -- ފޮޓޯ: ވިސިޓް ތާ އެޓޯލް/ފޭސްބުކް

ކުރީގެ ރައީސް އަބްދުﷲ ޔާމީންގެ ސަރުކާރުން އަތުލި ތ. އެލާގެ ބަދަލުގައި ބިން ހިއްކައިގެން ރިސޯޓު ހަދަން އދ. ފެންފުށީ ފަޅުން ބައެއް ދޭން ވިލާ ޝިޕިން އެންޑް ޓްރޭޑިން ކުންފުނިން އެދުނު ގޮތަށް ޓޫރިޒަމް މިނިސްޓްރީން ފަޅު ކުއްޔަށް ދީފި އެވެ.

މި މައްސަލަ ފެށުނީ ވިލާއަށް ދީފައި އޮތް ތ. އެލާ އާއި ގދ. ގަޒީރާ އާއި ރ. މާނެންފުށީގެ އިތުރުން ކ. ބޮލިދުއްޕަރު ފަރާއި ކ. ވާވެއްދިފަޅު ނަގަން ކުރީ ސަރުކާރުން 2015 ވަނަ އަހަރު ނިންމި ހިސާބުންނެވެ.

އެ ސަރުކާރުން މި ރަށްތައް ނަގަން ނިންމީ މަސައްކަތްތައް ކުރިޔަށް ނުދާ ކަމަށް ބުނެ އެވެ. އަދި އެ ތަންތަނަށް ދައްކަން ޖެހޭ ކުއްޔާއި ޖޫރިމަނާގެ ގޮތުގައި 188 މިލިއަން ޑޮލަރު (2.9 ބިިލިއަން ރުފިޔާ) ހޯދަން ވެސް ނިންމި އެވެ. މި މައްސަލައިގައި ސިވިލް ކޯޓުން ސަރުކާރާ ދެކޮޅަށް މައްސަލަ ނިންމި ނަމަވެސް، ހައި ކޯޓުގައި އިސްތިއުނާފުކުރުމުން ނިމުނީ ސަރުކާރާ އެއްކޮޅަށެވެ.

މި ސަރުކާރުން ވިލާއާއެކު ސެޓްލްމަންޓް އެގްރީމަންޓަކަށް ދާން ނިންމީ ސިވިލް ކޯޓުން ކުރި ހުކުމަށް ތާއީދު ކުރަމުން ރަށްތައް އަތުލީ ގޯސްކޮށް ކަމަށް އޭޕްރިލް 2018 ގައި ސުޕްރީމް ކޯޓުން ހުކުމް އިއްވި ހިސާބުންނެވެ. އެފަހުން އެ އަހަރުގެ އޮކްޓޫބަރުގައި އެންޓި ކޮރަޕްޝަން ކޮމިޝަނުން ވެސް ވަނީ މި ރަށްތައް ހަވާލުކުރި މައްސަލަ ތަހުގީގުކުރުމަށް ފަހު ކޮރަޕްޝަން ނުހިމެނޭ ކަމަށް ކަނޑައަޅާފަ އެވެ.

ފަޅު ދިނީ އެލާ ސަރުކާރަށް ނެގުމަށް ފަހު

އެލާ ސަރުކާރަށް ނަގަން ނިންމީ ތ. ވޭމަންޑުއާއި އެ އަތޮޅު ކިނބިދޫ ގުޅާލާ ކޯޒްވޭ އަޅަން ކަމަށް ޓޫރިޒަމް މިނިސްޓަރު ޑރ. އަބްދުﷲ މައުސޫމު މީގެ ކުރިން ވަނީ ރައްޔިތުންގެ މަޖިލީހުގައި ވިދާޅުވެފަ އެވެ.

މި ރަށްތަކާ ގުޅިގެން ވިލާ ކުންފުންޏާއި ސަރުކާރާ ކުރެވުނު މަޝްވަރާތަކުގައި އެ ކުންފުނިން ފުރަތަމަ އެދުނީ ތ. ކަނިމީދޫ ނޫނީ ތ. ކަޅުފަހަލަފުށި ދިނުމަށް އެދުނުކަން އެނގިފައިވެ އެވެ. އދ. ފެންފުށީ ފަޅުން ބައެއް ހަމަޖައްސައިދޭން އެދުނީ މި ދެ ރަށް ނުލިބޭނެ ކަމަށް ޓޫރިޒަމް މިނިސްޓްރީން ބުނުމުން، ބަދަލުގައި ބޭނުންވާ ތަންތަން ހުށަހަޅަން އެންގީމަ އެވެ.

ފެންފުއްޓަކީ ވިލާގެ ބާނީ އަދި ޗެއާމަން، މާމިގިލި ދާއިރާގެ މެމްބަރު ގާސިމް އިބްރާހިމްގެ ބައްޕާފުޅު ނިސްބަތްވާ ރަށެވެ. އަދި ވިލާއިން ހިންގާ ސަން އައިލެންޑާ މާމިގިލީގައި އޮންނަ ވިލާ އިންޓަނޭޝަނަލް އެއާޕޯޓާ ވަރަށް ކައިރީގައި އޮންނަ ރަށެކެވެ.

ފެންފުށި ފަޅުން ވިލާއަށް ދިން ސަރަހައްދު ރަތް ކުލައިގެ މާކުން ފާހަގަކޮށްފައި. -- ފޮޓޯ: ގޫގްލް މެޕްސް
ފެންފުށި ފަޅުން ވިލާއަށް ދިން ސަރަހައްދު ރަތް ކުލައިގެ މާކުން ފާހަގަކޮށްފައި. -- ފޮޓޯ: ގޫގްލް މެޕްސް

ފެންފުށި ފަޅުން ވިލާއަށް ދިން ސަރަހައްދު ރަތް ކުލައިގެ މާކުން ފާހަގަކޮށްފައި. -- ފޮޓޯ: ގޫގްލް މެޕްސް

މިކަމާ ގުޅޭ މައުލޫމާތު ދެމުން ޓޫރިޒަމް މިނިސްޓްރީގެ ސީނިއާ ޕޮލިސީ ޑިރެކްޓަރު މުހައްމަދު ހުއްސާން "އަދަދު" ނޫހަށް ޔަގީންކޮށްދެއްވި ގޮތުގައި، މި ފަޅު ވިލާއާ ހަވާލުކުރީ މިހާރު ވެފައިވާ ސެޓްލްމަންޓް އެގްރީމަންޓުގެ ދަށުންނެވެ.

ޓޫރިޒަމް މިނިސްޓްރީގެ ވެބްސައިޓުން ދައްކާ ގޮތުގައި މި ނޫނަސް ދެ ފަޅެއް ވަނީ މި އަހަރުގެ ތެރޭގައި ވިލާއާ ހަވާލުކޮށްފަ އެވެ.

އެއީ ކާޑެއްދޫ އެއާޕޯޓުގެ އެއްބަސްވުން ބާތިލުކުރުމާ ގުޅިގެން ވެފައިވާ ސެޓްލްމަންޓް އެއްބަސްވުމުގެ ދަށުން ބ. މެންދޫގެ ބަދަލުގައި ހަވާލުކުރި ދެ ފަޅެވެ. ވިލާ ކުންފުނީގެ ދަށުން އޮންނަ ވިލާ އެއާއަށް ދިން މި ދެ ފަޅުގެ ތެރެއިން އެއް ފަޅަކީ ސީޕްލޭންތަކަށް ސަޕޯޓް ސާވިސް ދޭން ދޫކޮށްފައިވާ ފަޅެކެވެ.

އެކަމަކު ކުރިން ވިލާއަށް ކުއްޔަށް ދޫކޮށްފައި ހުރި ފަޅުތަކުގެ ތެރެއިން ބޮލިދުއްޕަރު ފަޅާއި ވާވެއްދިފަޅުގައި ރިސޯޓު ތަރައްގީކުރަމުން ދަނީ ބޭރު ކުންފުނިތަކަކުންނެވެ. ވިލާއާ އެކު ވެފައިވާ ސެޓްލަމަންޓް އެއްބަސްވުމުގެ ދަށުން މި ފަޅުތަކުގެ ބަދަލުގައި ދެނީ ކޮން ފަޅެއް ކަމެއް ނޫނީ ކޮން ރަށެއް ކަމެއް ސާފެއް ނުވި އެވެ.

މިހާރު ވެސް ތިން ރިސޯޓެއް ހިންގަމުން އަންނަ ވިލާ ކުންފުންޏާއި އެ ކުންފުންޏާ ގުޅުންހުރި އެހެން ކުންފުނިތަކުން އަންނަނީ މި ފަޅުތަކާއި، އަތުލުމަށް ފަހު އަލުން ރައްދުކުރި ރަށްތައް ހިމެނޭހެން ފަސް ރިސޯޓެއް ތަރައްގީކުރުމުގެ މަސައްކަތް ކުރަމުންނެވެ.

މި ނޫން އިތުރު އެއްވެސް ތަނެއް ވިލާ ނޫނީ އެ ކުންފުންޏާ ގުޅުން ހުރި ކުންފުންޏަކާ ރިސޯޓު ހަދަން ހަވާލުކޮށްފައިވާ ކަމަށް ޓޫރިޒަމް މިނިސްޓްރީގެ ވެބްސައިޓުގައި ޝާއިރުކޮށްފައިވާ ޑިވެލޮޕިން އައިލެންޑު ލިސްޓުން ނުދައްކަ އެވެ.

ކޮމެންޓް

ފަހުގެ ޚަބަރު

ސިމްޑީގެ ވިޔަފާރި ހާދާލަށް ފުޅާކުރަނީ

ސިމްޑީ ގްރޫޕްގެ ވިޔަފާރި ހދ. އަތޮޅުގައި ފުޅާކުރުމަށްޓަކައި ކުޅުދުއްފުށީގެ "މިތުރު" ކުންފުންޏާއެކު ސަބް-ޑިސްޓްރިބިއުޝަން އެއްބަސްވުމެއްގައި މިއަދު ވަނީ ސޮއިކޮށްފައެވެ. މި ޕާޓްނަޝިޕްގެ ސަބަބުން ސިމްޑީން އެތެރެކުރާ ބައިނަލްއަގުވާމީ މަގުބޫލު ބްރޭންޑްތަކުގެ މުދާ އެ އަތޮޅުގެ ރީޓެއިލް ފިހާރަތަކަށާއި އާންމުންނަށް ފަސޭހަކަމާއެކު ލިބޭނެ އިންތިޒާމު ހަމަޖެހިގެންދާނެއެވެ.

ވިލާ ކޮލެޖާއި މާރޕް ގުޅިގެން މެންޓަރޝިޕް ޕްރޮގްރާމެއް

ވިލާ ކޮލެޖާއި މާރޕް ގުޅިގެން ވަޒީފާ އަދާކުރާ ފަރާތްތަކަށް ޚާއްޞަ މެންޓަރޝިޕް ޕްރޮގްރާމެއް ފަށާފައިވަނީ ދިވެހި ލީޑަރުން ބިނާކޮށް ސީނިއަރ މެނޭޖްމަންޓް މަޤާމުތަކަށް މީހުން ތައްޔާރުކުރުމަށެވެ. މި ޕްރޮގްރާމުގެ ދަށުން ތަޖުރިބާކާރުންގެ އެހީތެރިކަމާއެކު ގްރެޖުއޭޓުންނަށް ޢަމަލީ ހުނަރުތައް ދަސްކޮށްދީ، މަތީ ތަޢުލީމާއި އިންޑަސްޓްރީއާ ދެމެދު އޮތް ގުޅުން ވަރުގަދަކުރުމަށް ވަނީ އަމާޒު ހިފާފައެވެ.

ޓްރީ ޓޮޕް ހިތާނީ ކޭމްޕުގެ ރަޖިސްޓްރޭޝަން ހުޅުވާލައިފި

ޓްރީ ޓޮޕް ހޮސްޕިޓަލުގެ މިއަހަރުގެ ފުރަތަމަ ހިތާނީ ކޭމްޕުގައި ބައިވެރިވުމަށް ރަޖިސްޓަރީވުމުގެ ފުރުސަތު ޑިސެމްބަރު 17 ގެ ނިޔަލަށް ވަނީ ހުޅުވާލާފައެވެ. ތަޖުރިބާކާރު ޑޮކްޓަރުންގެ ޓީމަކުން ކުރިއަށްގެންދާ މި ކޭމްޕުގެ ހިތާނުކުރުމުގެ އޮޕަރޭޝަންތައް ކުރިއަށްދާނީ ޑިސެމްބަރު 12 އިން ޖެނުއަރީ 11 ގެ ނިޔަލަށެވެ. މި ޕެކޭޖުގެ ދަށުން ކޮންސަލްޓޭޝަނާއި، ލެބޯޓަރީ ޓެސްޓުތަކުގެ އިތުރުން އޮޕަރޭޝަނަށްފަހު ބޭނުންވާ ފަރުވާގެ ހިދުމަތްތައް ލިބިގެންދާނެއެވެ.

ޓޯޓަލް ފިޒިއޯއިން އެލައިޑްގެ ހިދުމަތް ގަބޫލުކުރަން ފަށައިފި

ފިޒިއޮތެރަޕީގެ ޚިދުމަތްދޭ "ޓޯޓަލް ފިޒިއޯ" ކްލިނިކުން ބަލިމީހުންނަށް ލުއިފަސޭހަކޮށްދިނުމުގެ ގޮތުން އެލައިޑް އިންޝުއަރެންސް ގަބޫލުކުރަން ފަށައިފިއެވެ. ޒަމާނީ ވަސީލަތްތަކާއެކު ފަރުވާދޭ މި ކްލިނިކުން މިހާރުވެސް ޕޮލިސް، އެމްއެންޑީއެފް އަދި ސޮލަރެލް އިންޝުއަރެންސްގެ ޚިދުމަތް ލިބޭއިރު، އިތުރު އިންޝުއަރެންސްތައް މެދުވެރިކޮށް ޚިދުމަތް ލިބޭނެ އިންތިޒާމު ހަމަޖެއްސުމަށް ދަނީ މަސައްކަތް ކުރަމުންނެވެ.

ލަކްސް ގްލޯގެ ދެވަނަ ފިހާރަ މަޖީދީމަގުގައި ހުޅުވައިފި

މަޝްހޫރު ކޮސްމެޓިކްސް ބްރޭންޑް "ލަކްސް ގްލޯ" ގެ ދެވަނަ ފިހާރަ މާލޭގެ މަޖީދީމަގުގައި ހުޅުވައިފިއެވެ. މި ފިހާރައިން ބައިނަލްއަގުވާމީ ބްރޭންޑްތަކުގެ ސްކިންކެއާ އަދި މޭކަޕް ސާމާނު ޓެސްޓުކޮށްލުމާއި، ފަންނީ ލަފާ ހޯދައިގެން ވަގުތުން ގަނެވޭނެ އިންތިޒާމު ވަނީ ހަމަޖެހިފައެވެ. ފިހާރަތަކުގެ އިތުރުން އެ ބްރޭންޑުގެ ވެބްސައިޓް މެދުވެރިކޮށް އޮންލައިންކޮށް އޯޑަރުކުރުމުގެ ފުރުސަތުވެސް ކަސްޓަމަރުންނަށް ވަނީ ހުޅުވާލެވިފައެވެ.

ކްލީވިއާ ރެސިޑެންސް: ޒަމާނީ ބޯހިޔާވަހިކަން އާ މަޝްރޫއެއް

ޕޭން ރިއަލް އެސްޓޭޓުން އަލަށް ތައާރަފްކުރި "ކްލީވިއާ ރެސިޑެންސް" މަޝްރޫއަކީ މެދުފަންތީގެ އާމްދަނީ ލިބޭ ފަރާތްތަކަށް އަމާޒުކޮށްގެން ހިންގާ އަތްފޯރާ އަގުތަކެއްގެ ބޯހިޔާވަހިކަމުގެ މަޝްރޫއެކެވެ. މި މަޝްރޫއުގެ ދަށުން ޒަމާނީ ފެންވަރުގެ އެއް ކޮޓަރި އަދި ދެ ކޮޓަރީގެ އެޕާޓްމަންޓްތައް ލިބޭއިރު، ފައިސާ ދެއްކުމުގައި ލުއި ގޮތްތަކެއް ވަނީ ހަމަޖައްސާފައެވެ.

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

Newsletter

Get the latest news delivered straight to your inbox