ކުނި މެނޭޖްކުރުމަށް ގްރީން ޓެކްސްއިން ބައެއް ކައުންސިލްތަކަށް ދެނީ

މިނިސްޓަރު ޝައުނާ, މިއަދު ކޮންފަރެންސްގައި ވާހަކަ ދައްކަވަނީ: ގްރީން ޓެކުހުން ބައެއް ކައުންސިލްތަކަށް ދޭން ވަނީ ނިންމާފައި

މިނިސްޓަރު ޝައުނާ, މިއަދު ކޮންފަރެންސްގައި ވާހަކަ ދައްކަވަނީ: ގްރީން ޓެކުހުން ބައެއް ކައުންސިލްތަކަށް ދޭން ވަނީ ނިންމާފައި

ރާއްޖެ އަންނަ ޓޫރިސްޓުންގެ އަތުން ނަގާ ގްރީން ޓެކުހުން ބައެއް ސީދާ ކައުންސިލްތަކަށް ޖަމާކުރާ ގޮތަށް ނިންމާފައިވާކަން ސަރުކާރުން ހާމަކޮށްފި އެވެ.

މެދުރާއްޖެތެރޭގެ ރަށްތަކުގެ ކައުންސިލްތަކާއި އަންހެނުން ކޮމިޓީތަކުގެ ރައީސުންނަށް އާމާޒުކޮށް މިއަދު އުކުޅަހުގައި ފެށި ކޮންފަރެންސްގައި ކައުންސިލްގެ ރައީސުން ވަނީ އެ ކައުންސިލްތަކަށް ދިމާވެފައިވާ ބައެއް ދަތިތައް ހާމަކޮށްފަ އެވެ.

އެގޮތުން, ކައުންސިލްތަކުގެ ރައީސުން އެންމެ ބޮޑު އުނދަގުލެއްގެ ގޮތުގައި ފާހަގަކުރީ, މާލީ ބާރުވެރިކަން ކުޑަވުމެވެ. ބަޖެޓް މަދުވުމާއި އާމްދަނީ ލިބޭނެ ވަސީލަތްތައް މަދުކަން ގިނަ ބޭފުޅުން ފާހަގަކުރެއްވި އެވެ.

ދައުލަތަށް ނަގާ ގްރީން ޓެކްސްއިން ބައެއް ސީދާ ކައުންސިލްތަކަށް ލިބޭނެ ގޮތް ހެދުމަކީ ފައިދާވާނެ ކަމެއްގެ ކަމުގައި ކައުންސިލް ރައީސުން ހައްލެއްގެ ގޮތުގައި ދެއްކެވި އެވެ.

އެގޮތުން, ކައުންސިލަރުން ފާހަގަ ކުރައްވާ ގޮތުގައި, ގެސްޓްހައުސް ފަދަ ތަންތަނަށް އަންނަ ޓޫރިސްޓުން ގްރީން ޓެކްސް ދައްކާއިރު ރަށުގައި ހުންނަ ހިދުމަތްތައް އެންމެ އެކަށީގެންވާ ގޮތަށް ނުހުރުމަކީ އެ ތަންތަނުގެ ކަންބޮޑުވުމެއް ކަމެވެ. އެގޮތުން, މަގުގެ ހާލަތާއި ކުނި މެނޭޖްކުރުމާއި ޔޫޓިލިޓީ ހިދުމަތްތައް ދަށްވުން ފާހަގަކުރި އެވެ.

ގިނަ ރަށްތަކުން ލޯކަލް ޓޫރިޒަމް ހިންގައިގެން އާމްދަނީ ހޯދާއިރު, އެ ރަށްތައް ހިންގަން ޖެހެނީ ޓޫރިސްޓުންނަށް އެންމެ ރަނގަޅު ފެންވަރެއްގައި އެމީހުން ގަޔާވާނެ ގޮތަށެވެ. ނަމަވެސް, ރަށުގެ ގިނަ ކަންކަން ރަނގަޅުކުރުމަށް ކައުންސިލްތަކުގެ ބަޖެޓް ނުހުންނަކަން ކައުންސިލްތަކުން ފާހަގަކުރި އެވެ.

އެ ކަންބޮޑުވުން ކޮންފަރެންސްގައި ހިއްސާކުރުމުން, އެންވަޔަރަމެންޓް މިނިސްޓަރު އައިޝަތު ޝައުނާ ވިދާޅުވި ގޮތުގައި, ކުނި މެނޭޖްކުރުމުގެ މަސައްކަތްތަކަށް ގްރީން ޓެކްސްއިން ގްރާންޓެއް ކައުންސިލްތަކަށް ދޭން ނިންމާފައިވާ ކަމަށެވެ. މި ގްރާންޓްގެ ދަށުން ފައިސާ ދޫކޮށް, ކުނި ޓްރާންސްފާ ކުރުމުގެ ކަންކަން ވެސް ކައުންސިލްތަކަށް ކުރެވޭނެކަން މިނިސްޓަރު ފާހަގަ ކުރެއްވި އެވެ.

މާފުށީ ކައުންސިލްގެ ރައީސް, މިއަދު ޕްރެޒެންޓޭޝަނެއް ދެއްވަނީ --
މާފުށީ ކައުންސިލްގެ ރައީސް, މިއަދު ޕްރެޒެންޓޭޝަނެއް ދެއްވަނީ --

މާފުށީ ކައުންސިލްގެ ރައީސް, މިއަދު ޕްރެޒެންޓޭޝަނެއް ދެއްވަނީ --

ގްރީން ޓެކްސްއިން ބައެއް ކައުންސިލްތަކަށް ދޭން ނިންމާފައިވާއިރު, މިހާރު ގްރީން ޓެކްސްއިން ލިބޭ އާމްދަނީ އާންމު ގޮތެއްގައި ބޭނުން ކުރަނީ އިޔާދަކުރުވަނިވި ހަކަތައިގެ މަޝްރޫއުތައް ހިންގުމަށާއި ފެނާއި ނަރުދަމާ, ރަށްރަށުގައި ގާއިމްކުރުމަށެވެ.

ގްރީން ޓެކްސްއަކީ ރާއްޖެއަށް ޗުއްޓީ ހޭދަކުރަން އަންނަ ފަތުރުވެރިންގެ އަތުން ނަގާ ޓެކުހެކެވެ. ރިސޯޓުތަކަށާއި ސަފާރީތަކަށް އަދި ހޮޓަލްތަކަށް އަންނަ ފަތުރުވެރިންގެ އަތުން ރެއަކަށް ހަ ޑޮލަރު ގްރީން ޓެކްސްގެ ގޮތުގައި ނަގާ އިރު، ގެސްޓްހައުސްތަކަށް އަންނަ ފަތުރުވެރިންގެ އަތުން ގްރީން ޓެކްސްގެ ގޮތުގައި ނަގަނީ ރެއަކަށް ތިން ޑޮލަރެވެ.

ރައީސް ސޯލިހުގެ ރިޔާސީ ވައުދާ އެއްގޮތަށް ކައުންސިލުތަކަށް މާލީ ގޮތުން ބޮޑެތި ބާރު ތަކެއް ދީފައިވާއިރު، އޭގެ ތެރޭގައި ދައުލަތުގެ އާމްދަނީގެ ފަސް ޕަސަންޓް ކައުންސިލްތަކަށް ހާއްސަ ކުރުމުގެ އިތުރުން، ބިމާއި ރަށާއި ފަޅާއި ފަރު ފަދަ ތަންތަނުން ލިބޭ ކުލީގެ އާމްދަނީގެ 40 ޕަސެންޓު ކައުންސިލުތަކުން ދޫކޮށްލުން ހިމެނެ އެވެ.

އަދި މީހުން ދިރިއުޅޭ ރަށްރަށުގެ އިހްތިސާސްގައިވާ ބިމުގެ ކުލީގެ އިތުރުން، ކައުންސިލްތަކުން ނަގާ ފީގެ އާމްދަނީ އެއްކޮށް ކައުންސިލްތަކަށް މިހާރު ވަނީ ދޫކޮށްލައިފަ އެވެ. އޭގެ އިތުރުން ކުންފުންޏާއި ކޯޕަރޭޓިވްސް އުފައްދައިގެން ވިޔަފާރި ކުރުމާއި އާމްދަނީ ހޯދުމުގެ މަގުވެސް ކައުންސިލްތަކަށް މިހާރު ގާނޫނުގެ ތެރެއިން އޮތީ ފަހިކޮށްދީފަ އެވެ.

އަދި ރަށު ލެވެލްގައި ހިންގާ މަޝްރޫއުތަކުގެ ތެރެއިން ޖުމްލަ އަގު ފަސް މިލިއަނަށް ވުރެ ދަށުގެ ޕީއެސްއައިޕީ މަޝްރޫއުތައް ވެސް ކައުންސިލްތަކަށް ހިންގޭ ގޮތް މިހާރު ވަނީ ހަދައިދީފަ އެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox