މޭރީ މަރާލި ކަމަށް އިންކާރުކޮށް، މާވިން ބުނަނީ ޖިސްމާނީ އެއްވެސް އަނިޔާއެއް ނުދޭ ކަމަށް

މޭރީ މަރާލި ކަމަށް އިންކާރުކޮށް، މާވިން ބުނަނީ ޖިސްމާނީ އެއްވެސް އަނިޔާއެއް ނުދޭ ކަމަށް

އައިޖީއެމްއެޗްގައި ވަޒީފާ އަދަކުރަމުން ދިޔަ ފިލިޕީންސް ނަރުސް މޭރީ ގްރޭސް މަރާލުމުގެ ދައުވާއަށް އިންކާރުކޮށް، މޭރީއަށް ޖިސްމާނީ ގޮތުން އެއްވެސް އަނިޔާއެއް ދީފައި ނުވާނެ ކަމަށް އޭނާގެ ފިރިމީހާ މާވިން އެސްވައި ވާގަސްގެ ފަރާތުން މިއަދުގެ ޝަރީއަތުގައި ބުނެފި އެވެ.

މޭރީ މަރާލުމުގެ ދައުވާ އުފުލިފައިވަނީ އޭނާގެ ފިރިމީހާ މާވިންގެ މައްޗަށެވެ. އަދި މަރާލުމުގައި ބައިވެރިވުމުގެ ދައުވާ މާވިންގެ ލޯބިވެރިޔާ ހަލީމަތު ލަމްހާ އަބްދުލްރަހްމާންގެ މައްޗަށް އުފުލާފައިވެ އެވެ. މި ތިން މީހުން ވެސް ދިޔައީ އައިޖީއެމްއެޗްގައި ނަރުހެއްގެ ވަޒީފާ އަދާ ކުރަމުންނެވެ.

ދައުލަތުން މާވިންގެ މައްޗަށް ކުރާ އެނގި ހުރެ މީހަކު މެރުމުގެ ކުށުގެ ދައުވާ މިއަދުގެ ޝަރީއަތުގައި އިއްވަމުން ބުނީ، މިދިޔަ އަހަރުގެ އޮކްޓޯބަރު މަހުގެ 19 ވަނަ ދުވަހު، މޭރީގެ ކަރަށާއި ބޮލަށް ހަމަލާދީ، ނޭވާ ހާސްކޮށްލުމަށް ފަހު މަރާލާފައިވާ ކަމަށެވެ.

Advertisement

ދައުވާ އިއްވުމުން ދިފާއީ ވަކީލު އިސްމާއީލް މުހައްމަދު ވަނީ ދައުވާ އިތުރަށް ތަފްސީލް ކޮށްދޭން އެދިފަ އެވެ. މި ގޮތުން ކަރަށާއި ބޮލަށް ހަމަލާ ދިން ކަމަށް ބުނާއިރު ހަމަލާ ދިނީ ކޮން ގޮތަކުން، ކިހިނެއް، އަދި ކޮން އެއްޗެއް ބޭނުން ކޮށްގެން ކަން އެނގެން ބޭނުންވާ ކަމަށް އޭނާ ވިދާޅުވި އެވެ.

ދައުލަތް ތަމްސީލް ކުރައްވާ ޕަބްލިކް ޕްރޮސެކިއުޓަރު އަހްމަދު ނައުފަލް ވިދާޅުވީ މެޔަށާއި ކަރަށް ހަމަލާ ދިން ކަމަށް ދައުވާގައި ބަޔާން ކުރީ މޭރީ މަރުވި ސަބަބެއްގެ ގޮތުގައި އޮޓޮޕްސީ ރިޕޯޓްގައި އެ ގޮތަށް ބަޔާން ކޮށްފައި އޮތުމާއި، "ހަމަލާދީގެން މީހަކު މަރާލާނެ ގޮތް" މާވިންގެ ފޯނުން ގޫގަލް ކޮށްފައިވާތީ އެވެ.

ދައުލަތުން ދެއްވި ޖަވާބަށް ފާޑުވިދާޅުވެ ދިފާއީ ވަކީލް ވިދާޅުވީ ފޯނުން ހަމައެކަނި އެއް ފަހަރު ގޫގަލްގައި ވަކި އެއްޗެއް ލިޔެފައި އޮވެގެން މަރާލި ކަމާއި ހަމަލާ ދިން ކަމުގެ ތުހުމަތު ނުކުރެވޭނެ ކަމުގަ އެވެ. ރިޕޯޓް ތައްޔާރުކުރިއިރު އޭގައި މާވިން ހަމަލާ ދިން ކަމާއި ދިން ގޮތެއްގެ ތަފްސީލް ނެތް ކަމުގަ އެވެ.

"މާވިންގެ ފަރާތުން ދައުވާއަށް އިންކާރު ކުރަން، ދައުވާއަށް އިންކާރު މި ކުރަނީ ދައުވާގައި ހިމެނޭ ހުރިހާ ކަމެއް ހިމެނޭހެން، މަރާލި ކަމަށް އިންކާރު ކުރަން، ޖިންމާނީ އެއްވެސް އަނިޔާއެއް މޭރީ ގްރޭސްއަށް ދޭން އެއްވެސް ކަމެއް މާވިން ކޮށްފައި ނުވާ ކަމަށް،" ދިފާއީ ވަކީލް ވިދާޅުވި އެވެ.

ލަމްހާއާއި މާވިންގެ ޝަރީއަތް އެކުގައި ގެންދަން އެދުނު

އިބްތިދާއީ މަރުހަލާގައި މާވިންއާއި ދެން މި މައްސަލާގައި ތުހުމަތުކޮށް ދައުވާ އުފުލާފައިވާ ލަމްހާގެ ބައި ގެންދަނީ ވަކިވަކިންނެވެ. އޭގެ ބަދަލުގައި ދެ މީހުންގެ ޝަރީއަތް ވެސް އެކުގައި ކުރިއަށް ގެންދަން މާވިންގެ ފަރާތުން މިއަދު އެދުނެވެ.

"މުޅި މި މައްސަލައިގެ ހަގީގަތަކާ ހަމައަށް ވާސިލް ވާން ފަސޭހަވަނީ މައްސަލައިގައި ތުހުމަތު ކުރާ ދެ މީހުންގެ ޝަރީއަތް ވެސް އެކުގައި ގެންގޮސްގެން ކަމަށް ގަބޫލު ކުރަން، އެހެންވެ އެ ގޮތަށް ހަމަޖައްސައިދޭން އެދެން،" ދިފާއީ ވަކީލް އިސްމާއީލް އެދިވަޑައިގެންނެވި އެވެ.

މައްސަލަ ބައްލަވާ ގާޒީ ހުސައިން ފާއިޒް ރަޝާދު ވިދާޅުވި ގޮތުގައި، އިބްތިދާއީ މަރުހަލާ ވަކިން ކުރިއަށް ގެންދަނީ ޝަރީއަތަށް ފަސޭހައަކަށެވެ. ނަމަވެސް ދެ މީހުނަށް ކުރާ ދައުވާތައް ދައުލަތުން ހުށަހެޅީ އެއް ދައުވާ ފޯމެއްގައި ކަމުން ޝަރީއަތުގެ މަރުހަލާ ގެންދާނީ އެކުގައި ކަމަށް ގާޒީ ވިދާޅުވި އެވެ.

ދެން މި މައްސަލައިގެ އަޑުއެހުމެއް އޮންނާނީ އަންނަ މަހުގެ 10 ވަނަ ދުވަހު މެންދުރުފަހު 1:00 ޖަހާއިރު ކަމަށް ގާޒީ ފާއިޒް ވިދާޅުވި އެވެ. ދިފާއީ ވަކީލްގެ ޝެޑިއުލްއަށް ފުށުނާރާނަމަ އެ ދުވަހުގެ އަޑުއެހުން އޮންނާނެ އެވެ. ދިފާއީ ވަކީލްގެ ޝެޑިއުލް ބަލާފައި ކޯޓުގެ އިދާރާއަށް އަންގާނެ ކަމަށް ވިދާޅުވި އެވެ.

މައްސަލައިގެ ފަސްފަހަތް

މޭރީ ގްރޭސް އަކީ އައިޖީއެމްއެޗްގެ ޑައިލެސިސް ޑިޕާޓްމެންޓްގެ ނަރުހެކެވެ. އޭނާގެ ފިރިމީހާ މާވިންއާއި ލަމްހާއަކީ ކެޝުއަލްޓީގައި މަސައްކަތް ކުރާ ނަރުހުންނެވެ. މޭރީގެ ހަށިގަނޑު ޕޯސްޓްމޯޓަމް ހެދި އިރު މޭރީ މަރުވެފައި ވަނީ ބޮލަށް ދީފައިވާ ބޮޑު އަނިޔާއަކުން ކަން ރިޕޯޓުން ވަނީ ދައްކައިފައެވެ.

މިދިޔަ އަހަރުގެ އޮކްޓޯބަރު މަހުގެ 19 ވަނަ ދުވަހު މޭރީ މަރުވެގެން ފުލުހަށް ރިޕޯޓް ކުރީ ވެސް މާވިން އެވެ. މާވިން ރިޕޯޓް ކުރީ މޭރީ ދަންޖެހިގެން މަރުވެފައި ހުއްޓައި ފެނިގެން ކަމުގަ އެވެ. ނަމަވެސް ޝައްކު ކުރެވޭ ބައެއް ކަންކަން ހުރުމާއެކު މައްސަލައިގެ ތަހުގީގު އެ ހިސާބުން ފެށި އެވެ.

ދަންޖެހިގެން މަރުވި ކަމަށް ބުނެ ރިޕޯޓް ކުރިޔަސް ތުހުމަތު ކުރެވޭ ކަންކަން ހުރުމުން ފުލުހުން ތަހުގީގު ހިންގުމަށް ފަހު މާވިން ހައްޔަރު ކުރީ އޮކްޓޯބަރު 27 ގަ އެވެ. އޭގެ ފަހުން ލަމްހާ ހައްޔަރު ކުރީ އޭގެ 50 ދުވަސް ފަހުން ޑިސެމްބަރު 16 ގަ އެވެ.

މާވިންގެ މައްޗަށް މަރުގެ ދައުވާ އުފުލާފައިވާއިރު، ލަމްހާގެ މައްޗަށް މަރުގައި ބައިވެރިވުމުގެ ދައުވާގެ އިތުރަށް އެހެން މީހެއްގެ މުދަލެއްގެ މައްޗަށް ހުއްދަ ނޫން ގޮތެއްގައި ބާރު ހިންގުމުގެ ދައުވާއާއި ހުއްދަ ނަގައިގެން ކުރަން ޖެހޭ ކަމެއް ހުއްދަ ނުނަގާ ކުރުމުގެ ދައުވާ އުފުލާފައިވެ އެވެ. އެއީ އައިޖީއެމްއެޗުން ހުއްދަ ނުނަގާ، ނުރައްކާތެރި ބައެއް ބޭސްތަކެއް ނެގި ކަމުގެ ތުހުމަތުގަ އެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox