ޖަލުތަކުގެ މައްސަލަތައް ހައްލުކުރަން އެހެން ސަރުކާރަކުން ނުކުރާ ވަރު ކޮށްފިން: އިމްރާން

ހޯމް މިނިސްޓަރު ޝޭހް އިމްރާން އަބްދުﷲ: މި ސަރުކާރުގެ އަމާޒަކީ ޒަމާނުއްސުރެން ޖަލުތަކާ މެދު ކިލަނބުވެފައި އޮތް ތަސައްވަރު ސާފުކުރުން ކަމަށް އޭނާ ވިދާޅުވި. -- ފޮޓޯ: މުހައްމަދު ޝާބިން/އަދަދު

ހޯމް މިނިސްޓަރު ޝޭހް އިމްރާން އަބްދުﷲ: މި ސަރުކާރުގެ އަމާޒަކީ ޒަމާނުއްސުރެން ޖަލުތަކާ މެދު ކިލަނބުވެފައި އޮތް ތަސައްވަރު ސާފުކުރުން ކަމަށް އޭނާ ވިދާޅުވި. -- ފޮޓޯ: މުހައްމަދު ޝާބިން/އަދަދު

ޖަލުގައި ހުރި މައްސަލަތައް ހައްލުކުރަން ކުރިން އެއްވެސް ސަރުކާރަކުން މަސައްކަތް ނުކުރާ ވަރަށް މި ސަރުކާރުން މަސައްކަތްކޮށްފި ކަމަށް ހޯމް މިނިސްޓަރު އިމްރާން އަބްދުﷲ ރޭ ވިދާޅުވެއްޖެ އެވެ.

ކަރެކްޝަންސް ސާވިސްއާ އަލަށް ގުޅުނު އޮފިސަރުންގެ ދަސްވެނިވުމާއި ހުވާކުރަން މާފުށީ ޖަލުގައި ބޭއްވި ރަސްމިއްޔާތުގައި އިމްރާން ވިދާޅުވީ ޖަލުގައި ހުރި މަސައްކަތްތައް ރަނގަޅުކުރަން މި ސަރުކާރުން ކުރަމުންދާ މަސައްކަތްތަކާ ގުޅުވަ އެވެ.

އެގޮތުން ޖަލުތަކުގެ ހާލަތު ގޯސްކަމަށް ވިދާޅުވުމަށް ފަހު، މި ސަރުކާރުން ގައިދީންގެ ހިތްދަތިކަން ބަލައިގަން އެކަން ބަދަލުކުރަން މަސައްކަތް ކުރާ ކަމަށް އިމްރާން ވިދާޅުވި އެވެ. އަދި ޖަލުތަކުގައި ތިބޭ ގައިދީން އިންސާނީ ކަރާމާތާއި އަސާސީ ހައްގުތައް ކަށަވަރުކުރުމުގެ ގޮތުން ސަރުކާރުން ސްޓްރެޓެޖިކް ޑައިރެކްޝަން ދެމުންދާ ކަމަށް އޭނާ ވިދާޅުވި އެވެ.

"އަޅުގަނޑު މި ޒިންމާއާ ހަވާލުވީއިރުވެސް ޖަލުތަކުގެ ހާލަތު އަޅުގަނޑު ރަނގަޅަށް ދެނެހުރިން. ގައިދީން ތަހައްމަލުކުރަން ޖެހޭ ދަތިތަކާއި ހިތްދަތިކަމަކީ ފަރުވާ ހޯދަން ޖެހިފައިވާ ގައުމީ މައްސަލައަކަށް މި ސަރުކާރުން ފުރިހަމައަށް ގަބޫލުކުރޭ،" އިމްރާން ވިދާޅުވި އެވެ.

އެ މަސައްކަތުގެ ތެރެއިން ކުރެވުނު އެންމެ މުހިންމު މަސައްކަތުގެ ގޮތުގައި އިމްރާން ފާހަގަކުރެއްވީ ޖަލުތަކުގެ އޮޑިޓު ރިޕޯޓެވެ. ޖަލުތަކުގެ ހާލަތު ބަލަން މި ސަރުކާރުން އުފެއްދި ޖަލު ކޮމިޝަނުން 2019 ވަނަ އަހަރު އާންމުކުރި މި ރިޕޯޓުގައި 180 ކަމެއް އިސްލާހުކުރަން ލަފާދިނެވެ.

އިމްރާނު ވިދާޅުވީ މި ރިޕޯޓު އެކުލަވާލުމުގެ މަގުސަދަކީ ޖަލުގެ ހާލަތު ލިޔުމުން ފެންނާނެހެން ބޭއްވަމަށާއި ދާން ބޭނުންވާ ހިސާބު އަންގައިދޭން ކަމަށާއި މި ލިޔުމާ ޖަލުގެ އަދުގެ ހާލަތާ އަޅާކިޔުމުން ޖަލުގެ ކަންކަން ކުރިއަރާފައިވާ މިންވަރު ސާފުވާނެ ކަމަށެވެ. ނަމަވެސް އަދި ނުކުރެވި ހުރި ކަންކަން ހުރި ކަމަށް އިއުތިފާރުވެވަޑައިގަންނަވަމުން އޭނާ ވިދާޅުވީ އޮޑިޓުގައި ބުނި ކަންކަން ފުރިހަމަކުރަމުންދާ ކަމަށެވެ.

ޖަލުތަކުގެ އޮޑިޓު ރިޕޯޓުގައި ފާހަގަކޮށްފައިވާ އެއް މައްސަލައަކީ ފެށުމުގައި އެހެން ބޭނުމަކަށް އަޅާފައިވާ އިމާރާތްތަކުގައި މީހުން ބަންދުކޮށް ޖަލުތަކުގެ ގޮތުގައި ބޭނުންކުރުމެވެ.

މި މައްސަލައަށް އަލިއަޅުއްވާލައްވަމުން އިމްރާން ވިދާޅުވީ، މިގޮތަށް މަސް ގުދަނާއި ކާށި އެއްކުރާ ޖަގަހަތައް ގައިދީން ބައިތިއްބަން ބޭނުންކޮށްފައިވާއިރު ބަންދުކުރަން ހާއްސަކޮށްގެން އެޅި އިމާރާތްތައް ވެސް ހުރީ ބާވެފައި ކަމަށެވެ. މިއީ ބައިނަލްއަގުވާމީ މިންގަނޑުތަކުން ބަލައިގަނެވޭނެ ތަންތަން ނޫންކަމަށް ވިދާޅުވަމުން އިމްރާން ވަނީ މި ދައުރު ނިމުމުގެ ކުރިން އެ ހަގީގަތްތައް ބަދަލުކޮށްލާނެ ކަމަށް ވިދާޅުވެފަ އެވެ.

"ޖަލުގަ ބޭނުންކުރެވޭ ބައެއް މަދު އިމާރާތްތަކަކީ ޖަލަށްޓަކައި ބޭނުންކުރުމަށް ބޭނުމަށް ކުރިން އެޅިފައި ހުރި އިމާރާތްތަކެއް ނަމަވެސް އެތަންތަން ހުރީ އިންސާނީ ކަރާމާތާ އަސާސީ ހައްގުތަކަށް ބައިނަލްއަގުވާމީ މިންގަނޑުތަކުން ބަލައިގަތުމަށް އެކަށީގެންވާ ދަށް ފެންވަރެއްގައި ކަމީ އަޅުގަނޑުމެން ގަބޫލުކުރަން ޖެހޭ ހަގީގަތެއް،" އޭނާ ވިދާޅުވި އެވެ.

ގައިދީން ބޭނުންކުރާ ތަންތަނުގެ އިތުރުން ޕްރިޒަންސް އޮފިސަރުން ބޭނުންކުރާ ވަސީލަތްތައް އިތުރަށް ތަރައްގީކުރާނެ ކަމަށް ވެސް އިމްރާން ވިދާޅުވި އެވެ.

ޖަލު އިމާރާތްތަކުގެ މައްސަލައިގެ އިތުރުން ކުރިން ޖަލު އޮފިސަރުން ތަމްރީނުކުރުމުގައި ހުރި ގޮންޖެހުންތަކުގެ މައްސަލަ އާއި ގައިދީންނަށް އެކަށީގެންވާ އަދަދަށް ޖަލު އޮފިސަރުން ނުތިބޭ މައްސަލަ ފާހަގަކުރައްވާފަ އެވެ.

އެކަމަކު މިހާރު އައްޑޫގައި ގާއިމުކޮށްފައިވާ ޕޮލިސް އިންސްޓިޓިއުޓުން ކަރެކްޝަންސް ހިމެނޭ ގޮތަށް ލޯ އެންފޯސްމަންޓު އިދާރާތަކަށް ބައިވެރިވެވޭގޮތަށް ކޯސްތައް ހިންގޭނެ ކަމަށް އޭނާ ވިދާޅުވި އެވެ. އަދި، މިހާރު ބަޖެޓު ލިބިފައިވުމާ އެކު، މި އަހަރުގެ ތެރޭގައި 180 އޮފިސަރުން ނަގަން ހަމަޖެހިފައިވާ ކަން އިމްރާން އިއުލާނުކުރެއްވި އެވެ.

މިހާރު ކަރެކްޝަންސްގެ ބެލުމުގައި ދަށުގައި 2000 އަށް ވުރެ ގިނަ ގައިދީން ތިބޭއިރު ގައިދީންގެ ކަންކަން ބަލަހައްޓަން ތިބެނީ 600 އޮފިސަރުންނެވެ. މިރޭގެ ރަސްމިއްޔާތުގައި އިތުރު 35 އޮފިސަރަކު ކަރެކްޝަންގެ ހިދުމަތާ ގުޅިފައިވާއިރު އާ އޮފިސަރުން ނެގުމުން އެ މައްސަލައަށް ބޮޑު ހައްލެއް ލިބިގެންދާނެ ކަމަށް އިމްރާން ވިދާޅުވި އެވެ.

ޖަލުތަކުގައި ހުރި ކަންކަން ކުރިޔަށް ވުރެ ރަނގަޅު ކަމަށް އިމްރާން ވިދާޅުވި ނަމަވެސް އަދިވެސް ޖަލުތަކުގައި ތިބި ގައިދީންނަށް ބޭނުންވާ ސިއްހީ ފަރުވާ ދިނުމާއި ކެއިންބުއިމުގެ ކަންކަމުގައި ކަރެކްޝަނުން އިހުމާލުވާ ކަމަށް ގައިދީން ޝަކުވާކުރެ އެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox