ވޯލްޑް ކަޕަށް ކޮލިފައިނުވުމުން މިސްރު ކޯޗުކަމުން ކުއެރޯޒް ވަކިކޮށްފި

Apr 11, 2022, 4:46 PM
މިސްރުގެ ކޯޗު ކާލޮސް ކުއެރޯޒް.-- ފޮޓޯ: އޭއެފްޕީ

މިސްރުގެ ކޯޗު ކާލޮސް ކުއެރޯޒް.-- ފޮޓޯ: އޭއެފްޕީ

ގާހިރާ، މިސްރު (އޭޕްރީލް 11) - މި އަހަރު ފަހު ކޮޅު ގަތަރުގައި ބާއްވާ ފީފާ ވޯލްޑް ކަޕަށް މިސްރު ކޮލިފައިނުވުމުން އެ ޓީމުގެ ކޯޗު ކާލޯސް ކުއެރޯޒް މަގާމުން ވަކިކޮށްފި އެވެ.

ކުރިން ރެއާލް މެޑްރިޑާއި ޕޯޗުގަލް ގައުމީ ޓީމުގެ ކޯޗުކަން ކުރި ކުއެރޯޒް، މިސްރު ޓީމާ ހަވާލުވީ މިދިޔަ ސެޕްޓެމްބަރު މަހު އެވެ.

ކުއެރޯޒްގެ ކޯޗުކަމުގައި މިސްރުން ވަނީ ކެމަރޫންގައި މި އަހަރު ކުރީކޮޅު ބޭއްވި އެފްރިކަން ކަޕް އޮފް ނޭޝަންސް ފައިނަލުގައި ކުޅެފަ އެވެ. ފެބްރުއަރީ މަހު ކުޅުނު އެފްރިކަން ކަޕް ފައިނަލާއި މިދިޔަ މަހު ކުރިއަށްދިޔަ ވޯލްޑް ކަޕް ކޮލިފައިން އެފްރިކަން ޕްލޭއޮފްގައި މިސްރު ބަލިވީ ޕެނަލްޓީ ޖަހައިގެން ސެނެގޯލް އަތުން ބަލިވެގެންނެވެ.

Advertisement

ޕްރެޝަރު ދެ މެޗުން ވެސް ސެނެގޯލް އަތުން ބަލިވީ މިސްރުގެ ކޯޗިން ޓީމަށް އެކަށީގެންވާ ވަރަށް ތައްޔާރުނުވެވިގެން ކަމަށް ބުނެ، މިސްރު މީޑިއާ އިން ވަނީ ކުއެރޯޒްގެ ބައެއް ނިންމުންތަކަށް ފާޑުކިޔައިފަ އެވެ.

އެންމެ ފަހުން 2018 ވަނަ އަހަރު ރަޝިއާގައި ބޭއްވި ވޯލްޑް ކަޕަށް މިސްރު ކޮލިފައިވި އެވެ. އެކަމަކު، މި ފަަހަރު ގަތަރުގައި ބާއްވާ ވޯލްޑް ކަޕުން މިސްރަށް ފުރުސަތު ނުލިބުމަކީ ކޯޗިން ޓީމުން ޒިންމާ ނަގަން ޖެހޭ ކަމެއްގެ ގޮތުގައި މިސްރު ފުޓްބޯޅަ ފެޑެރޭޝަން އަށް ގަބޫލުކުރެވޭތީ ނިންމީ ކުއެރޯޒް މަގާމުން ދުރުކުރުމަށެވެ.

އެ ގޮތުން ކުއެރޯޒްގެ ކޮންޓްރެކްޓް އުވާލީ އޭނާއާ މިސްރުގެ ފުޓްބޯޅަ ފެޑެރޭޝަނުން ކުރިއަށް ގެންދިޔަ މަޝްވަރާތަކުގައި ދެފަރާތް އެއްބަސްވެގެންނެވެ.

ކުއެރޯޒަށް މިހާރު ވަނީ އިރާގުގެ ގައުމީ ޓީމާ ހަވާލުވުމުގެ ހުށަހެޅުން ލިބިފަ އެވެ.

ކުރިން މެންޗެސްޓާ ޔުނައިޓެޑްގެ އެސިސްޓަންޓް ކޯޗުކަން ކުރި ކުއެރޯޒް ވަނީ ޕޯޗުގަލް އާއި މިސްރުގެ އިތުރުން އީރާނާއި ކޮލަމްބިއާ އަދި ދެކުނު އެފްރިކާ ގައުމީ ޓީމަށް ކޯޗުކޮށްދީފަ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox