ކްރިމިނަލް ކޯޓުގަ މިހާރު ހުރި ވަސީލަތްތަކާއެކު ބެކްލޮގް ސާފުކުރަން 16 އަހަރު ނަގާނެ: ހިސާން

ރައްޔިތުންގެ މަޖިލީހުގެ ތުޅާދޫ ދާއިރާގެ މެމްބަރު އަދި ޖޭއެސްސީގެ ރައީސް ހިސާން ހުސައިން އެމްޑީޕީގެ ޖަލްސާއެއްގައި އަތް ހިއްލަވައި ވޯޓެއް ދެއްވަނީ. ޖުޑިޝަރީ ކޮމިޓީގައި އޭނާ މިއަދު ވިދާޅުވީ ކްރިމިނަލް ކޯޓްގެ ބެކްލޮގް ކްލިއާ ކުރަން އަދި 16 އަހަރު ހޭދަވާނެ ކަމަށް.

ރައްޔިތުންގެ މަޖިލީހުގެ ތުޅާދޫ ދާއިރާގެ މެމްބަރު އަދި ޖޭއެސްސީގެ ރައީސް ހިސާން ހުސައިން އެމްޑީޕީގެ ޖަލްސާއެއްގައި އަތް ހިއްލަވައި ވޯޓެއް ދެއްވަނީ. ޖުޑިޝަރީ ކޮމިޓީގައި އޭނާ މިއަދު ވިދާޅުވީ ކްރިމިނަލް ކޯޓްގެ ބެކްލޮގް ކްލިއާ ކުރަން އަދި 16 އަހަރު ހޭދަވާނެ ކަމަށް.

ކްރިމިނަލް ކޯޓުގައި މިވަގުތު ހުރި ވަސީލަތްތަކާއެކު އެ ކޯޓުގައި ނުނިމި ހުރި މައްސަލަތައް ނިންމައި، ބެކްލޮގް ސާފުކުރަން 16 އަހަރު ހޭދަވާނެ ކަމަށް ޖުޑިޝަލް ސާވިސް ކޮމިޝަންގެ ރައީސް އަދި ރައްޔިތުންގެ މަޖިލީހުގެ ތުޅާދޫ ދާއިރާގެ އެމްޑީޕީ މެމްބަރު ހިސާން ހުސައިން މިއަދު ވިދާޅުވެއްޖެ އެވެ.

މަޖިލީހުގެ ޖުޑިޝަރީ ކޮމިޓީގެ މިއަދުގެ ބައްދަލުވުމުގައި ހިސާން ވިދާޅުވީ ކްރިމިނަލް ކޯޓުގައި މިހާރު ހުރި މައްސަލަތައް، އެ ކޯޓްގައި މިހާރު ތިބި މުވައްޒަފުންނާއި ވަސީލަތްތައް ބޭނުންކޮށްގެން ނިންމާ ނަމަ އެކަމަށް 16 އަހަރު ދުވަސް ހޭދަވާނެ ކަމަށެވެ. އެހެންވީމާ އެހެން ގޮތްތަކެއް ހޯދަން ޖެހޭ ކަމަށް ވެސް އޭނާ ވިދާޅުވި އެވެ.

"ކްރިމިނަލް ކޯޓަށް ބަލައިލާ ކަމަށް ވަންޏާ މިހާރު ކްރިމިނަލް ކޯޓްގަައި މިއޮތް ބެކްލޮގް، މިހާރު މި މަސައްކަތްކުރާ ވަގުތާއި މިހާރު މި މަސައްކަތްކުރަން ލިބިފައި ހުރި ވަސީލަތްތަކާއި މުވައްޒަފުންނާއި އެކު ކުރާކަމަށް ވާ ނަމަ އެ ބެކްލޮގް ކްލިއާ ކުރަން އެބަ ނަގާ 16 އަހަރު،" އޭނާ ވިދާޅުވި އެވެ.

ކޯޓްތަކުގައި މައްސަލަތައް ތާވަލުކުރުން ލަސްވާ މައްސަަލަ ބަލަން ޖުޑިޝަރީ ކޮމިޓީއަށް ހުށަހަޅާފައިވާ މައްސަލައިގައި ޖޭއެސްސީ އާއި ބައެއް ކޯޓްތަކުގެ ފަނޑިޔާރުންނާ ބައްދަލުކުރަން އެ ކޮމިޓީން މިއަދު ބޭއްވި ބައްދަލުވުމުގައި ހިސާން ވިދާޅުވީ 2019 ވަނަ އަހަރުން ފެށިގެން ކްރިމިނަލް ކޯޓުން މަސައްކަތްކުރަމުން އަންނަނީ 2000 ވުރެ ގިނަ މައްސަލަތައް ހިމެނޭ ބެކްލޮގަކާ އެކުގައި ކަމަށެވެ.

"ދެހާސް ނަވާރަ ވަނަ އަހަރު އަޅުގަނޑުމެން ފެށީ، ކްރިމިނަލް ކޯޓްގައި 2022 މައްސަލަޔާ އެކު. އޭގެ މާނައަކީ 2022 މައްސަލައިގެ ބެކްލޮގަކާ އެއްކޮށް އަޅުގަނޑުމެން 2019 ސްޓާޓްކުރީ،" ހިސާން ވިދާޅުވި އެވެ.

އޭނާ ވިދާޅުވި ގޮތުގައި އެވަރަށް މައްސަލަތައް ނުނިމި އޮތް އިރު އަހަރަކު އިތުރު 900 މައްސަލަ ހުށަހެޅެ އެވެ. އެހެންވީމާ އެކޯޓުން މަސައްކަތް ކުރަން ޖެހެނީ އަހަރަކު އިތުރަށް ހުށަހަޅާ މައްސަލަތަކާއި ކުރީގެ މައްސަލަތަކާ ވެސް އެކުގަ އެވެ.

އޭނާ ވިދާޅުވި ގޮތުގައި ކްރިމިނަލް ކޯޓްގައި އެހާ ގިނަ މައްސަލަތައް ހުރީ ގިނަ ސަބަބުތަކަކާ ހެދި އެވެ. މިދިޔަ ދެ އަހަރު ދުވަހުގެ ތެރޭގައި ގިނަ އަދަދެއްގެ މައްސަލަ ނުނިންމުނު އެއް ސަބަބަކީ އޭނާ ވިދާޅުވި ގޮތުގައި ކޮވިޑްގެ ބަލިމަޑުކަން ކޮންޓްރޯލްކުރަން އެޅި ފިޔަވަޅުތަކާއި ހެދީ ވެސް ބެކްލޮގް އިތުރުވި ކަމަށް ވެސް އޭނާ ވިދާޅުވި އެވެ. އެހެން ނަމަވެސް އެއީ ދައްކަވާ އުޒުރެއް ނޫން ކަމަށް ވެސް އޭނާ ވިދާޅުވި އެވެ.

"އަަޅުގަނޑުމެން ތަފާސް ހިސާބަށް ބަލައިލާ އިރު 2020 ވަނަ އަހަރު އަޅުގަނޑުމެނަށް މަސައްކަތް ކުރެވުނީ 168 ދުވަހު. ކޯޓްތަކަށް މަސައްކަތް ކުރަން ލިބުނީ. އެއީ މީހުން ހާޒިރުނުކުރެވިގެން. ކޯޓް ބަންދުކުރަން ޖެހިގެން، ގައުމު ލޮކްޑައުނަށް ގޮސްގެން، ޖަލުތައް ބަންދުކޮށްގެން،" ހިސާން ވިދާޅުވި އެވެ.

ދެވަނަ ސަބަބަކީ އެ ކޯޓްގައި ގާޒީންގެ އަދަދުވެސް މަދުވުން ކަމަށް އޭނާ ވިދާޅުވި އެވެ. މައްސަލައެެއް ނިންމުމަށް ޓަކައި އެވްރެޖްކޮށް 10 އަޑު އެހުން ބާއްވަން ޖެހޭ ކަމަށާއި އެހެންވީމާ ދުވާލަކު އެއް އަޑުއެހުމަށް ވުރެ ގިނަ އަޑު އެހުން ބޭއްވިޔަސް އެހާ ގިނަ މައްސަލަތައް ނުނިންމޭނެކަމަށް ވެސް އޭނާ ވިދާޅުވި އެވެ.

ކްރިމިނަލް ކޯޓްގެ ބެކްލޮގް ކްލިއާ ކުރުމަށްޓަކައި އެންމެން ވަރަށް ބުރަކޮށް މަސައްކަތް ކުރަން ޖެހޭ ކަމަށް ވެސް އޭނާ ވިދާޅުވި އެވެ.

އަހަރެއް ވަންދެން ނުރަސްމީ ގަޑީގައި މަސައްކަތް ކުރާނެ

ހިސާން ވިދާޅުވީ ކްރިމިނަލް ކޯޓްގައި ނުނިމި ހުރި މައްސަލަތައް ނިންމަން ހިސާން ވިދާޅުވި ގޮތުގައި ޖޭއެސްސީގެ ބޮޑު ހުށަހެޅުމެއް އެބަ އޮތެވެ. އެއީ އެކޯޓްގެ ރަސްމީ ގަޑީގެ ފަހުން ހަވީރު 5:00 އާ ހަމައަށް މަސައްކަތް ކުރުމެވެ. އެގޮަތަށް އެއް އަހަރު ދުވަސް ވަންދެން މަސައްކަތް ކުރަން ޖޭއެސްސީން ހުށަހަޅާ ކަމަށް ވެސް އޭނާ ވިދާޅުވި އެވެ.

"އަޅުގަނޑުމެން މިހާރު މި ޕްރޮޮޕޯސްކުރާ ގޮތަކީ ކޮންމެ ދުވަހަކު ރަސްމީ ގަޑީގައި މިކުރާ މަސައްކަތުގެ އިތުރުން 2:00 އިން 5:00 އަށް ކްރިމިނަލް ކޯޓް ހިންގަން. އެއް އަހަރު ދުވަހަށް،" ހިސާން ވިދާޅުވި އެވެ.

އެގޮތަށް މަސައްކަތް ކުރެވޭނީ ޕްރޮސެކިއުޓާ ޖެނެރަލްގެ އޮފީހުން ވެސް އެގޮތަށް މަަސަައްކަތް ކޮށްގެން ކަމަށް އޭނާ ވިދާޅުވި އެވެ. އެގޮތަށް މަސައްކަތް ކުރެވޭނީ ކްރިމިނަލް ކޯޓާއި ޕީޖީ އޮފީހުގެ މުވައްޒަފުންނަށް އިންސެންޓިވް އެއް ދީގެން ކަމަށް ވެސް އޭނާ ވިދާޅުވި އެވެ. އެކަމަށް އަހަރު ދުވަހުގެ ތެރޭގައި ހޭދަވާނީ އޭނާ ވިދާޅުވި ގޮތުގައި ތިން މިލިޔަން ރުފިޔާ އެވެ.

އޭގެ ބަދަލުގައި ކްރިމިނަލް ކޯޓަށް އިތުރު ގާޒީން ނަގައިފި ނަމަ އަހަރަކަށް ފަސް މިލިޔަން ރުފިޔާ ހަރަދުވާނެ ކަމަށް ވެސް އޭނާ ވިދާޅުވި އެވެ.

އެ ޕްލޭނަށް މަސައްކަތް ކޮށްގެން ނަތީޖާ ނެރެވެނީ ކިހާ ވަރަކަށްތޯ ޖޭއެސްސީން ބަލާނެ އެވެ. އަދި ހިސާން ވިދާޅުވީ އެކަށީގެންވާ ނަތީޖާއެއް ނުނެެރެވޭ ނަމަ އެެ ޕްލޭން ޖެހޭނީ ހުއްޓައިލަން ކަމަށެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox