ސަރުކާރުގެ މައްސަލަތައް ބަލަން އިދިކޮޅުން ބައިނަލްއަގުވާމީ މުޖުތަމައަށް ގޮވާލައިފި

މީގެ ކުރިން ބޭއްވި ނޫސްވެރިންގެ ބައްދަލުވުމެއްގައި އިދިކޮޅު ކޯލިޝަނުގެ ބައެއް އިސްވެރިން: އިދިކޮޅުން ވަނީ މި ސަރުކާރުގެ މައްސަލަތައް ބަލާ ޒިންމާދާރުކޮށްދޭން ގޮވާލާފައި. -- ފޮޓޯ: މުހައްމަދު ޝާބިން/އަދަދު

މީގެ ކުރިން ބޭއްވި ނޫސްވެރިންގެ ބައްދަލުވުމެއްގައި އިދިކޮޅު ކޯލިޝަނުގެ ބައެއް އިސްވެރިން: އިދިކޮޅުން ވަނީ މި ސަރުކާރުގެ މައްސަލަތައް ބަލާ ޒިންމާދާރުކޮށްދޭން ގޮވާލާފައި. -- ފޮޓޯ: މުހައްމަދު ޝާބިން/އަދަދު

ސަރުކާރާއި ރައްޔިތުންގެ މަޖިލިހުން ލިބިފައިވާ ބާރުތައް ބޭނުންކޮށްގެން ރައީސް އިބްރާހިމް މުހައްމަދު ސޯލިހުގެ ސަރުކާރުން ހުރިހާ ބާރެއް މުށު ތެރެއަށް ލައްވަން މަސައްކަތް ކުރަމުންދާ މައްސަލަ ބަލައިދޭން އިދިކޮޅު ޕީޕީއެމް/ޕީއެންސީ ކޯލިޝަނުން ބައިނަލްއަގްވާމީ މުޖުތަމައަށް ގޮވާލައިފި އެވެ.

ކޮމަންޑޫ ދާއިރާގެ ބައި-އިލެކްޝަނާ ގުޅިގެން އިނގިރޭސި ބަހުން އިދިކޮޅުން މިއަދު ނެރުނު ބަޔާނެއްގައި އިންތިހާބުގެ ކެމްޕެއިނާ ގުޅުވާ ސަރުކާރަށް ސީރިއަސް ތުހުމަތުތަކެއް ކުރި އެވެ. އަދި ސަރުކާރުގެ އަމަލުތަކަކީ މި ގޮނޑި ކާމިޔާބު ކުރުމުގެ ބޭނުމުގައި ދުރާލާ ރާވައިގެން ހިންގި އަމަލުތަކެއް ކަމަށް އިދިކޮޅުން ތުހުމަތު ކުރެ އެވެ.

އެ ބަޔާނުގައި ބުނިފެއިވާ ގޮތުގައި ކޮމަންޑޫ ގޮނޑި ކާމިޔާބު ކުރަން ސަރުކާރުން ކުރިން ތާވަލު ނުކުރާ 1.19 ބިލިއަން ރުފިޔާ މަޝްރޫއު ހިންގި ފެށި އެވެ. އަދި އިންތިހާބަށް ނުފޫޒު ފޯރުވުމުގެ ގޮތުން ކެމްޕެއިން ކުރަން ދައުލަތާއި ސަރުކާރު ކުންފުނިތަކުގެ ވަސީލަތްތައް ބޭނުންކުރި ކަމަށް ވެސް ބުންޏެވެ.

މި އަދަދަށް މަޝްރޫއުތައް ފެށި ކަމަށް އިދޮކޮޅުން ބުނި ނަމަވެސް އެއީ ކޮންް މަޝްރޫއުތަކެއް ކަމެއް ބަޔާނުގައި ނުބުނެ އެވެ.

ނަމަވެސް އިންތިހާބާ ގުޅުވާ ކޮމަންޑޫ ދާއިރާގެ ތިން ރަށް، ކޮމަންޑު އާއި ފޯކައިދޫ އާއި މަރޮށީގައި މަޝްރޫއުތަކެއް ފެށި އެވެ. އަދި މި މައްސަލައިގައި އިދިކޮޅުގެ އިތުރުން ބައެއް މަދަނީ ޖަމިއްޔާތަކުން ވެސް ކަންބޮޑުވުން ފާޅުކުރި އެވެ.

އިދިކޮޅުގެ ބަޔާނުގައި ބުނީ މި ހުރިހާ ކަމަކީ ވެސް ސަރުކާރުން ދުރާލާ ރާވައިގެން ކުރި ކަންތައްތަކެވެ.

އެގޮތުން އެންޓި ކޮރަޕްޝަން ކޮމިޝަނުގެ ބާރުތައް ނިގުޅައިގަނެ ކޮމިޝަނުގެ މަސައްކަތްތައް ސަސްޕެންޑު ކުރުވީ ގަސްތުގައި ކަމަށާއި މީގެ ސަބަބުން މުޅި އިންތިހާބު ނިމިގެން ދިޔައިރު ވެސް އިންތިހާބުގެ ތެރޭގައި ހިނގައިދިޔަ ކޮރަޕްޝަނުގެ އަމަލުތައް ބަލާނެ ތަހުގީކުރާނެ މިނިވަން މުއައްސަސާއެއް ނެތް ކަމަށް ބުންނެވެ.

"ބައި-އިލެކްޝަންގެ ހުރިހާ ކަމެއް ނިމިގެން ދިޔައި އިންތިހާބުގެ ތެރޭގައި މި ސަރުކާރުން ކުރި ކަންކަަން ބަލާނެ ނޫނީ ތަހުގީގުކުރާނެ އެއްވެސް މިނިވަން މުއައްސަސާއެއް ނެތި،" އިދިކޮޅުގެ ބަޔާނުގައި ބުންޏެވެ.

ކޯލިޝަނުގައި ހިމެނޭ ޕާޓީތަކުގެ ތެރެއިން އެމްޑީޕީއަށް ނިސްބަތްކޮށް ބަޔާނުގައި ބުނީ އަހަރުތަކެއް ވަންދެން ޑިމޮކްރެސީގެ "ޗެމްޕިއަނުން" ކަމުގައި އެ ޕާޓީން ވަކާލާތު ކުރި ނަމަވެސް، މި އިންތިހާބުން އެ ޕާޓީގެ އަސްލު އެނގިގެން ގޮސްފި ކަމަށެވެ. އަދި އެމްޑީޕީގެ ހަގީގީ ފިކުރަކީ ޑިމޮކްރެސީއާ ބީރައްޓެހި ގާނޫނީ ބާރުވެރިކަން ކަނޑުވާލާ ފިކުރެއް ކަން ސާބިތު ވެއްޖެ ކަމަށް ވެސް ބަޔާނުގައި ވެ އެވެ.

އިދިކޮޅުން އިތުރަށް ބުނީ ރައީސް ސޯލިހާއި މި ސަރުކާރުން އެދަނީ ހުދުމުހުތާރު ކަމާ ދިމާލަށް ކަމަށާއި، އެ މަނިކުފާނު ގެންދަވަނީ އިންތިހާބުވެޑައިގެންނެވި ޑިމޮކްރެޓިކް ނިޒާމަށް ހަމަލާދެމުން ކަމަށެވެ. އަދި، މިކަމަށް އެ މަނިކުފާނަށް ވާގިވެރިވަނީ ކުރީގެ ސަރުކާރުތަކާ ދެކޮޅަށްް ބަގާވާތްކޮށްފައިވާ ހަރުކަށި މީހުންގެ ސަރުކާރުގެ ބާރުގަދަ މަގާމުތަކުގައި ތިބިގެން ކަމަށް ތުހުމަތު ކުރި އެވެ.

"މީގެ ކުރިން ޑިމޮކްރެސީ އުވާލަން ގޮވާލާ، ކުރީގެ ސަރުކާރުތަކާ ދެކޮޅަށް ބަގާވާތްކުރީ ބައެއް ހަރުކަށި މީހުން މިހާރު ސަރުކާރުގެ އިސް މަގާމުތަކުގައި އެބަ ތިބި، (ސަރުކާރުން) ހިންގާ ޑިމޮކްރަސީއާ ދުރު އަމަލުތަކުގައި ވާގިވެރިވަނީ އެ މީހުން،" އިދިކޮޅުގެ ބަޔާނުގައި ވެ އެވެ.

އެ މައްސަލަތައް ބަލަން ބައިނަލްއަގްވާމީ މުޖުތަމައުއަށް ގޮވާލަމުން އިދިކޮޅު ކޯލިޝަނުން ބުނީ ގާނޫނު އަސާސީން ލިބިދޭ ބާރުތަކާއި ޑިމޮކްރެޓިކް ނިޒާމު މުގުރާލަން ކުރަމުންދާ ކަންކަން ބަލާ ޒިންމާދާރުކުރުވަން ޖެހޭ ކަމަށެވެ. އަދި ގައުމުގެ ހާލަތު މިހާރު އޮތް ގޮތުން ވާގިނެތިފައިވާ މުއްސަސާތަކުން ރަނގަޅަށް މަސައްކަތްކޮށް މިނިވަން އިންސާފުވެރި އިންތިހާބެއް ނުބޭއްވޭނެ ކަމަށް ބަޔާނުގައި ވެ އެވެ.

ކޮމަންޑޫ ދާއިރާގެ ބައި-އިލެކްޝަނާ ދިމާކޮށް އެ ދާއިރާއަށް ހާއްސަކޮށްގެން ސަރުކާރުން ގިނަ މަޝްރޫއުތަކެއް އިއުލާނުކުރި ކުރި ކަމަށް ކުރާ ތުހުމަތުތައް ސަރުކާރާއި އެމްޑީޕީން ދޮގުކުރެ އެވެ.

ރޭ ބޭއްވި ނޫސްވެރިންގެ ބައްދަލުވުމުއްގައި އެކަމާ ގުޅިގެން އެމްޑީޕީގެ ޗެއާޕާސަން ހަސަން ލަތީފާ ސުވާލުކުރުމުން އޭނާ ވިދާޅުވީ އެފަދަ ގިނަ މަޝްރޫއުތަކެއް މުޅި ރާއްޖޭގައި ވެސް ކުރިއަށްދާ ކަމަށެވެ. އަދި މައްސަލައެއް އޮތް ނަމަ މިނިވަން މުއައްސަސާތަަކަށް ހުށަހަޅުއްވަން ވިދާޅުވި އެވެ.

ކޮމެންޓް

ފަހުގެ ޚަބަރު

ލޯ ޑިގްރީ އިމްތިހާނަށް މާލެ އަންނާކަށް ނުޖެހޭނެ: ބާ ކައުންސިލް

ލޯ ޑިގްރީގެ އިމްތިހާނުތައް ހެދުމަށް މާލެއަށް ނުވަތަ ވަކި ހާއްސަ ރަށަކަށް ހާޒިރުވުން ލާޒިމު ނޫން ކަމަށާއި، ދަރިވަރުން ދިރިއުޅޭ ރަށެއްގެ ސްކޫލް ނުވަތަ ކައުންސިލް މެދުވެރިކޮށް އިމްތިހާނު ހެދޭނެ މަގު ބާ ކައުންސިލުން ފަހިކޮށްދީފިއެވެ. އަންނަ އަހަރުން ފެށިގެން އަމަލުކުރާ މި އުސޫލުގެ ދަށުން އިމްތިހާނު ހަދާ ގޮތަށް ބަދަލު އައި ނަމަވެސް، ކޯހުގެ މަންހަޖާއި ކިޔަވައިދޭ މުއްދަތަށް އެއްވެސް ބަދަލެއް ނާންނާނެއެވެ.

ތަރައްގީގެ އެއްވެސް ކަމެއް ކުރުމަށް ލާރިއެއް ނެތް: ޝާކިރު

އަންނަ އަހަރުގެ ބަޖެޓުގައި ރިކަރަންޓް ހަރަދަށް ކެނޑުމަށްފަހު ތަރައްގީގެ މަޝްރޫއުތަކަށް ފައިސާ ނެތް ކަމަށް ވިދާޅުވެ މެންބަރު އަހުމަދު ޝާކިރު ކަންބޮޑުވުން ފާޅުކުރައްވައިފިއެވެ. އޭނާ ވިދާޅުވީ ދައުލަތުގެ އާމްދަނީގެ ބޮޑުބައެއް ހަރަދުވަނީ ރިކަރަންޓް ކަންކަމަށް ކަމަށާއި، މަޝްރޫއުތައް ހިންގަން ޖެހެނީ އިތުރަށް ދަރަނި ނަގައިގެން ކަމަށެވެ. މީގެ އިތުރުން ސަރުކާރު ކުންފުނިތަކުން ބޮޑެތި ގެއްލުންވަމުންދާ ދިއުމަށްވެސް އޭނާ ވަނީ ފާޑުވިދާޅުވެފައެވެ.

"ސިޓިޒަންސް ކޮމްޕްލެއިންޓްސް" ލައުންޖުތަކެއް ގާއިމުކޮށްފި

ރައްޔިތުންގެ ޝަކުވާތަކާއި ކަންބޮޑުވުންތައް ސަރުކާރަށް ހުށަހެޅުމަށްޓަކައި މާލެ އާއި ހުޅުމާލޭގައި "ސިޓިޒަންސް ކޮމްޕްލެއިންޓްސް" ބިއުރޯގެ ދެ ލައުންޖެއް މިއަދު ވަނީ ހުޅުވައިފައެވެ. ސަރުކާރު ބަންދު ނޫން ކޮންމެ ދުވަހަކު ޚިދުމަތް ދޭ މި އޮފީސްތަކަކީ ރައީސުލްޖުމްހޫރިއްޔާގެ އޮފީހުގެ ދަށުން ހިންގާ، ރައްޔިތުންގެ މައްސަލަތަކަށް ހައްލު ހޯދައިދިނުމަށް ގާއިމުކުރި ތަންތަނެވެ.

ރިއަލް އެސްޓޭޓު ބިލު މަޖިލީހަށް ބަލައިގަނެފި

މި ބިލު ބަލައިގަންނަން ވޯޓު ދިނީ 42 މެންބަރުން. ބިލާ ދެކޮޅަށް ވޯޓު ދެއްވީ އެމްޑީޕީގެ 13 މެންބަރުން. މި ބިލު ދިރާސާކުރާނީ ގައުމީ ތަރައްގީ އާއި ތަރިކައިގެ ކޮމިޓީން. މިއީ ގާނޫނުއަސާސީގެ ހިމާޔަތްތައް ނައްތާލައި، ތާއަބަދަށް ނުވަތަ ހުސްނުވާ ގޮތަށް ބޭރު މީހުންނަށް ބިން މިލްކުކުރެވޭނެ ގޮތް ހެދުމަށް އިންތިޒާމުތަކެއް ހިމަނާފައިވާ ބިލެއް

ބޮޑެތި ޖޫރިމަނާތަކެއް ހިމަނާފައިވާ އަބުރުގެ ބިލު ކޮމިޓީއަށް

ސޯޝަލް މީޑިއާގައި މީހެއްގެ އަބުރާ ބެހޭ ފަދަ ޕޯސްޓެއް ހިއްސާކޮށްފިނަމަ 5 ލައްކަ ރުފިޔާއާ ހަމައަށް ޖޫރިމަނާ ކުރެވޭ ގޮތަށް ހުށަހެޅި އަބުރުގެ ބިލު މަޖިލީހަށް ބަލައިގަނެ ކޮމިޓީއަށް ފޮނުވައިފިއެވެ. މި ބިލުގައި ބަހާއި، ފޮޓޯއާއި، އިޝާރާތް އަދި ފިލްމު ފަދަ ވަސީލަތްތައް މެދުވެރިކޮށް އަބުރާ ބެހުމުގެ ދައުވާ ކުރެވޭނެ ގޮތްތައް ބަޔާންކޮށްފައިވެއެވެ.

މަރުގެ އަދަބު ތަންފީޒު ކުރާ ބިލު ބަލައިގެންފި

ދަންޖައްސައިގެން މަރުގެ އަދަބު ތަންފީޒުކުރާ ގޮތަށް ސަރުކާރުން ހުށަހެޅި ބިލު ރައްޔިތުންގެ މަޖިލީހަށް މިއަދު ބަލައިގެންފިއެވެ. މި ބިލުގައި މަރުގެ އަދަބު ތަންފީޒުކުރާނެ ގޮތާއި، އެކަން ހިންގާނެ ޕެނަލެއް އެކުލަވާލުމުގެ އިތުރުން، ބަލިވެއިނުމާއި ދަރިފުޅަށް ދެ އަހަރު ފުރުން ފަދަ އަދަބު ތަންފީޒުނުކުރެވޭނެ ހާލަތްތައް ބަޔާންކޮށްފައިވެއެވެ.

ތިން ކުންފުންޏެއްގެ މަނީ އެކްސްޗޭންޖު ލައިސަންސް ބާތިލްކޮށްފި

މަނީ ޗޭންޖިން ގަވާއިދާ ތަކުރާރުކޮށް ހިލާފުވި ތިން ކުންފުންޏެއްގެ ލައިސަންސް އެމްއެމްއޭ އިން ބާތިލުކޮށް، އެ ކުންފުނިތައް ބޮޑެތި އަދަދުތަކުން ޖޫރިމަނާކޮށްފިއެވެ. މި ފިޔަވަޅަކީ ބޭރު ފައިސާގެ ބާޒާރު ކޮންޓްރޯލްކޮށް، ގަވާއިދާ ހިލާފު މުއާމަލާތްތައް ހުއްޓުވުމަށް އެމްއެމްއޭ އިން ކުރަމުންދާ މަސައްކަތުގެ ތެރެއިން އެޅި ފިޔަވަޅެކެވެ.

Newsletter

Get the latest news delivered straight to your inbox