ޗައިނާ އަށް ފުރުމުގެ ކުރިން ގައުމީ ޓީމު ރާއްޖޭގައި ކޭމްޕްކޮށްފި

ގައުމީ ޓީމުން މިދިޔަ އަހަރުގެ ޖުލައި މަހު ބޭއްވި ފަރިތަކުރުންތަކުގެ ތެރެެއިން.-- ފޮޓޯ: އެފްއޭއެމް/ އިބްރާހިމް ފާއިދު

ގައުމީ ޓީމުން މިދިޔަ އަހަރުގެ ޖުލައި މަހު ބޭއްވި ފަރިތަކުރުންތަކުގެ ތެރެެއިން.-- ފޮޓޯ: އެފްއޭއެމް/ އިބްރާހިމް ފާއިދު

ވޯލްޑް ކަޕް/ އޭޝިއަން ކަޕް ޖޮއިންޓް ކޮލިފައިންގައި މި މަހު 30 އިން އަންނަ މަހު 15 ވަނަ ދުވަހަށް ސެންޓްރަލައިޒްކޮށް ޗައިނާގައި ކުރިއަށްދާ މެޗުތަކަށް އެ ގައުމަށް ފުރުމުގެ ކުރިން ގައުމީ ޓީމު މިއަދު ރާއްޖޭގައި ކޭމްޕްކޮށްފި އެވެ.

ގައުމީ ޓީމުގެ ކުޅުންތެރިންގެ 33 ޕްރިލިމިނަރީ ސްކޮޑެއް ފުރަތަމަ ނެގި ނަމަވެސް މިއަދު ހޮޓެލް ޖެން އަށް ކޭމްޕް ޖެހީ 25 ކުޅުންތެރިންނާ އެކު އެވެ. ހުރިހާ ކުޅުންތެރިންގެ ޕީސީއާރް ޓެސްޓެއް ހެދުމަށް ފަހު ކޭމްޕް ޖެހިއިރު، އަށް އޮފިޝަލުން ވެސް ކުޅުންތެރިންނާ އެކު ވަނީ ކޭމްޕްކޮށްފަ އެވެ.

އެފްއޭއެމްގެ ޖެނެރަލް ސެކްރެޓަރީ ހުސެއިން ޖަވާޒް (ޖަވާ) "އަދަދު" އަށް ވިދާޅުވީ ކޭމްޕް ޖެހުމުގެ އެންމެ ބޮޑު ބޭނުމަކީ ރާއްޖޭގައި ކޮވިޑް ކޭސްތައް ގިނަވަމުންދާތީ ކޮލިފައިން އަށް ފުރުމުގެ ކުރިން ދުރާލާ ރައްކާތެރިކަމުގެ ފިޔަވަޅުތައް އެޅުމުގެ ގޮތުންނެެވެ.

Advertisement

"ތިން ދުވަސް ފަހުން އިތުރު ޕީސީއާރް ޓެސްޓްތަކެއް ވެސް ހަދާނަން. ދެން މިކޮޅުގައި އަދި ޕްރެކްޓިސް ކޮށްލުމުގެ ފުރުސަތެއް ނުލިބޭ. ލިބިއްޖިއްޔާ ކުރާގޮތަށް މިތިބީ. ކުޅުންތެރިންގެ ރައްކާތެރިކަން ކަށަވަރުކުރުމުގެ ގޮތުން ނިންމީ މި ކޮޅުގައި ވެސް ކޭމްްޕްކުރަން،" ޖަވާ ވިދާޅުވި އެވެ.

ކުރިން ހަމަޖެހިފައި އޮތީ މި މަހު ރާއްޖޭގައި ކުޅޭ އޭއެފްސީ ކަޕް މެޗުތަކަށް ފަހު މި މަހުގެ 24 ނޫނީ 25 ހިސާބުގައި ގައުމީ ޓީމު ޗައިނާ އަށް ދާ ގޮތަށެވެ. އެކަމަކު ދިމާވި ކަންތައްތަކެއްގެ ސަބަބުން އޭއެފްސީން ރާއްޖޭގައި ކުޅެން އޮތް މެޗުތައް މުއްދަތެއް ނެތްގޮތަށް ފަސްކުރަން ނިންމުމާ އެކު ގައުމީ ޓީމު އަވަހަށް ޗައިނާ އަށް ގެންދެވޭތޯ އެފްއޭއެމުން މަސައްކަތް ފެށީ އެވެ.

ބޮޑު ސްކޮޑަކާ އެކު ޗައިނާ އަށް ދެވޭތޯ އެފްއޭއެމުން ކުރިން މަސައްކަތްކުރި ނަމަވެސް ހާލަތުގެ ގޮތުން އެކަން ކުރެވޭނެ ގޮތެއް ނެތުމުން ސްކޮޑުގެ އަދަދު ކުޑަކުރަން މަޖުބޫރުވީ އެވެ. ކޭމްޕްގައި ބައިވެރިވި ކުޅުންތެރިންގެ ސްކޮޑު އެފްއޭއެމުން އަދި ރަސްމީކޮށް މީޑިއާ އަށް އިއުލާނެއް ނުކުރެ އެވެ.

ކޮލިފައިންގައި ގައުމީ ޓީމަށް ދެން އޮތީ ތިން މެޗެވެ. އެއީ އަންނަ މަހުގެ ތިން ވަނަ ދުވަހު ޗައިނާއާ ދެކޮޅަށް ކުޅޭ މެޗާއި ހަތް ވަނަ ދުވަހު ސީރިއާއާ ދެކޮޅަށް ކުޅޭ މެޗުގެ އިތުރުން 15 ވަނަ ދުވަހު ފިލިޕީންސާ ބައްދަލުކުރާ މެޗެވެ.

ގައުމީ ޓީމުގެ ކޯޗުކަމާ ނެދަލެންޑްސްގެ މާޓިން ކޫޕްމަން ހަވާލުވި ފަހުން އަދި ރަސްމީކޮށް މެޗެއް ނުކުޅެ އެވެ. މެޗެއް ނުކުޅުނު ނަމަވެސް އެފްއޭއެމުން ވަނީ ކޫޕްމަންގެ ކޮންޓްރެކްޓްއާ ކޮށްފަ އެވެ. އެފްއޭއެމްގެ ރައީސް ބައްސާމް އަދީލް ޖަލީލް "އަދަދު" އަށް މީގެ ކުރިން ވިދާޅުވީ ކޯޗުގެ ކޮންޓްރެކްޓް އާ ކުރަން ނިންމީ ކުޅުންތެރިންގެ ފަރާތުން ކޯޗުގެ ޓްރެއިނިންއާ ބެހޭގޮތުން އިވޭ ރަނގަޅު ވާހަކަތަކާއި ޓްރެއިނިން އަށް ބަލާއިރު މި ކޯޗުގެ ބެލުމުގެ ދަށުން ރާއްޖެ އަށް ރީތި ފުޓްބޯޅައެއް ކުޅެވޭނެ ކަމުގެ އުއްމީދު އޮތުމުންނެވެ. އަދި ވޯލްޑް ކަޕް ކޮލިފައިން މެޗުތަކަށް ފަހު ކޯޗާ އެކީ ދެން ކުރިއަށްދާނެ ގޮތްތަކުގެ މަޝްވަރާތަކެއް ބާއްވާނެ ކަމަށް ބައްސާމް ވިދާޅުވި އެވެ.

ވޯލްޑް ކަޕް ކޮލިފައިން ގްރޫޕް އޭގައި ރާއްޖެ އޮތީ ހަތަރު މެޗުން ހަ ޕޮއިންޓާ އެކު ހަތަރު ވަނައިގަ އެވެ. ގްރޫޕުގެ އެއް ވަނައިގައި އޮތީ ފަސް މެޗުން 15 ޕޮއިންޓާ އެކު ސީރިއާ އެވެ. ޗައިނާ ހަތަރު މެޗުން ހަތް ޕޮއިންޓާ އެކު ދެ ވަނައިގައި އޮތްއިރު، ތިން ވަނައިގައި އޮތީ ފަސް މެޗުން ހަތް ޕޮއިންޓް ހޯދާފައިވާ ފިލިޕީންސެވެ. އެންމެ ފުލުގައި އޮތީ ފަސް މެޗު ކުޅެ ޕޮއިންޓެއް ލިބިފައިނުވާ ގުއާމެވެ.

ރާއްޖޭގެ ޓާގެޓަކީ ގްރޫޕްގެ ރަނގަޅު ހިސާބެއްގައި ނިންމާލައި 2023 ވަނަ އަހަރުގެ އޭޝިއަން ކަޕަށް ކޮލިފައިވުމެވެ. މި ގްރޫޕްގެ ކޮންމެ ހިސާބަކުން ނިންމާލި ކަމުގައި ވިޔަސް އޭޝިއަން ކަޕްގެ ފުރުސަތު ރާއްޖެ އަށް އަދި އޮންނާނެ އެވެ. އެކަމަކު ގްރޫޕްގެ މަތީ މަގާމަކުން ނިންމައިގެން އޭޝިއަން ކަޕް ކޮލިފައިންގައި ކުރިއަށްދާން ފަސޭހަ ގޮތްތަކެއް ހޯދޭނެ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox