ކޮލިފައިން އަށް ރަނގަޅަށް ތައްޔާރުވާން ގައުމީ ޓީމު އަވަހަށް ޗައިނާ އަށް ދެވޭތޯ ބަލަނީ

ގައުމީ ޓީމުގެ ޕްރެކްޓިހެއްގެ ތެރެއިން.-- ފޮޓޯ: އެފްއޭއެމް

ގައުމީ ޓީމުގެ ޕްރެކްޓިހެއްގެ ތެރެއިން.-- ފޮޓޯ: އެފްއޭއެމް

ވޯލްޑް ކަޕް/ އޭޝިއަން ކަޕް ޖޮއިންޓް ކޮލިފައިންގައި ރާއްޖޭގެ ގްރޫޕް މެޗުތައް ޗައިނާގައި ސެންޓްރަލައިޒްކޮށް ކުރިއަށްގެންދަން ނިންމާފައިވާއިރު، އެ މެޗުތައް ކުޅެން ރަނގަޅަށް ފަރިތަކުރުންތައް ކުރިއަށް ގެންދިއުމުގެ ވިސްނުމުގައި ގައުމީ ޓީމު އަވަހަށް ޗައިނާ އަށް ދެވޭތޯ މަސައްކަތް ކުރަމުން އަންނަ ކަމަށް އެފްއޭއެމުން ބުނެފި އެވެ.

ރާއްޖެ ގްރޫޕްގެ ބާކީ މެޗުތައް ޝެޑިއުލްކޮށްފައި އޮތީ މި މަހު 30 އިން އަންނަ މަހު 15 އަށް ޗައިނާގެ ސޫޒޯގަ އެވެ. ކުރިން ހަމަޖެހިފައި އޮތީ މި މަހު ރާއްޖޭގައި ކުޅޭ އޭއެފްސީ ކަޕް މެޗުތަކަށް ފަހު މި މަހުގެ 24 ނޫނީ 25 ހިސާބުގައި ގައުމީ ޓީމު ޗައިނާ އަށް ދާ ގޮތަށެވެ. އެކަމަކު އިއްޔެ އޭއެފްސީން ރާއްޖޭގައި ކުޅެން އޮތް މެޗުތައް މުއްދަތެއް ނެތްގޮތަށް ފަސްކުރަން ނިންމުމާ އެކު ގައުމީ ޓީމު އަވަހަށް ޗައިނާ އަށް ގެންދެވޭތޯ އެފްއޭއެމުން މަސައްކަތް ފެށީ އެވެ.

އެފްއޭއެމްގެ ޖެނެރަލް ސެކްރެޓަރީ ހުސެއިން ޖަވާޒް (ޖަވާ) މިއަދު "އަދަދު" އަށް ވިދާޅުވީ ކޮވިޑް-19ގެ ސަބަބުން ރާއްޖޭގެ ހާލަތު ހުރި ގޮތުން ޕްރެކްޓިސް ކުރުމުގައި ދަތިތަކެއް ކުރިމަތިވާނެތީ ވިސްނުމަކީ ވީ އެންމެ އަވަހަކަށް ޗައިނާ އަށް ދިއުން ކަމަށެވެ.

Advertisement

"ކުރިން އޮތް ތާރީހަށް ވުރެން އަވަހަށް ދެވޭތޯ މި ބަލަނީ. އެއީ އެކޮޅަށް އަވަހަށް ގޮސްގެން ރަނގަޅަށް ޕްރެކްޓިސް ކުރެވެން ވެސް އޮތީ މިހާރު މި އޮތް ހާލަތުގެ ގޮތުން،" ޖަވާ ވިދާޅުވި އެވެ.

އެކަމަކު އެފްއޭއެމްގެ ވިސްނުމަކީ ފުރުސަތު ލިބިއްޖެނަމަ ރާއްޖޭގައި ވެސް ޕްރެކްޓިސް ކުރުން ކަން އެނގިފައިވެ އެވެ.

އޭއެފްސީ ކަޕްގައި ވާދަކުރާ ރާއްޖޭގެ އީގަލްސް އާއި މާޒިޔާ ކުޅުންތެރިން ކްލަބާ އެކު ތިބުމުން މި މަހު ހަ ވަނަ ދުވަހު ގައުމީ ޓީމުގެ ޕްރެކްޓިސްތައް އެ ދެ ކްލަބްގެ ކުޅުންތެރިން ނުލައި ދެން ތިބި ކުޅުންތެރިންނާ އެކު ފަށަން ނިންމި އެވެ. އެކަމަކު ކޮވިޑް-19 ގެ ހާލަތު ރާއްޖޭގައި ގޯސްވެ ޕްރެކްޓިސް ފެށުން ލަސްކުރަން ޖެހުނީ އެެވެ. އޭއެފްސީ ކަޕް ފަސްކުރުމާ އެކު ދެން ގައުމީ ޓީމު ޕްރެކްޓިސް ފަށާނީ މާޒިޔާ އާއި އީގަލްސްގެ ކުޅުންތެރިން ވެސް ހިމަަނައިގެންނެވެ.

ގައުމީ ޓީމުން އާންމު ގޮތެއްގައި މެޗުތައް ކުޅެން އޮތް ގައުމަށް ގެންދަނީ ފައިނަލް ސްކޮޑެވެ. އެކަމަކު ފައިނަލް ސްކޮޑު ނެގޭ ވަރަށް ޕްރެކްޓިސް ކުރެވުމުގެ ދަތިތަކާ އެކު އެފްއޭއެމްގެ ވިސްނުމަކީ ޗައިނާ އަށް ކުރިން ދިޔަ ނަމަވެސް ބޮޑު ސްކޮޑަކާ އެކު ދިއުމަށެވެ. އާންމު ގޮތެއްގައި ގައުމީ ޓީމުގެ މެޗުތަަކަށް ނަގާ ޕްރިލިމިނަރީ ސްކޮޑުގައި 32 ކުޅުންތެރިން ވަރު ހިމެނެ އެވެ.

ގައުމީ ޓީމުން އެންމެ ފަހުން މެޗެއް ކުޅެފައިވަނީ 2019 ވަނަ އަހަރު ނޮވެމްބަރު މަހު މާލޭގައި ވޯލްޑް ކަޕް ކޮލިފައިންގައި ގުއާމާ ދެކޮޅަށެވެ. ދެން އެންމެ އަވަހަށް ރާއްޖެ ކުޅޭ މެޗުގައި މި ވަގުތު ޝެޑިއުލް އޮތްގޮތުން ނުކުންނާނީ އަންނަ މަހު ތިން ވަނަ ދުވަހު ޗައިނާއާ ދެކޮޅަށެވެ.

ކޮލިފައިންގައި ރާއްޖެ އަށް ދެން ހުރި މެޗުތައް:

ރާއްޖެ - ޗައިނާ (ޖޫން 3)

ރާއްޖެ - ސީރިއާ (ޖޫން 7)

ރާއްޖެ - ފިލިޕީންސް (ޖޫން 15)

ގައުމީ ޓީމުގެ ކޯޗުކަމާ ނެދަލެންޑްސްގެ މާޓިން ކޫޕްމަން ހަވާލުވި ފަހުން އަދި ރަސްމީކޮށް މެޗެއް ނުކުޅެ އެވެ. މެޗެއް ނުކުޅުނު ނަމަވެސް އެފްއޭއެމުން ވަނީ ކޫޕްމަންގެ ކޮންޓްރެކްޓްއާ ކޮށްފަ އެވެ. އެފްއޭއެމްގެ ރައީސް ބައްސާމް އަދީލް ޖަލީލް "އަދަދު" އަށް މީގެ ކުރިން ވިދާޅުވީ ކޯޗުގެ ކޮންޓްރެކްޓް އާ ކުރަން ނިންމީ ކުޅުންތެރިންގެ ފަރާތުން ކޯޗުގެ ޓްރެއިނިންއާ ބެހޭގޮތުން އިވޭ ރަނގަޅު ވާހަކަތަކާއި ޓްރެއިނިން އަށް ބަލާއިރު މި ކޯޗުގެ ބެލުމުގެ ދަށުން ރާއްޖެ އަށް ރީތި ފުޓްބޯޅައެއް ކުޅެވޭނެ ކަމުގެ އުއްމީދު އޮތުމުންނެވެ. އަދި ވޯލްޑް ކަޕް ކޮލިފައިން މެޗުތަކަށް ފަހު ކޯޗާ އެކީ ދެން ކުރިއަށްދާނެ ގޮތްތަކުގެ މަޝްވަރާތަކެއް ބާއްވާނެ ކަމަށް ބައްސާމް ވިދާޅުވި އެވެ.

ކޫޕްމަންގެ އިރުޝާދުގެ ދަށުން މިހާތަނަށް ދެ ފަހަރެއްގެ މަތިން ގައުމީ ޓީމުގެ ޕްރެކްޓިސްތައް ކުރިއަށް ގެންގޮސްފައިވާއިރު، ކޮވިޑްގެ ހާލަތާ ހެދި ޕްރެކްޓިސް ހުއްޓާލަން ޖެހުނީ އެވެ. ޕްރެކްޓިސް ކުރީ މިދިޔަ އަހަރު ފެބްރުއަރީގެ އިތުރުން ޖުލައި މަހުގަ އެވެ.

ކޫޕްމަންގެ އެދުމުގެ މަތިން ގައުމީ ޓީމަށް ފިޓްނަސް ކޯޗެއް ގެންނަން ވަނީ ނިންމައިފަ އެވެ. އެއީ ނެދަލެންޑްސްގެ ފިޓްނަސް ކޯޗު ހޮލެންޑްގެ ގާހާޑް ވާމިންކް ކަމަށް މީޑިއާތަކުން ވަނީ ރިޕޯޓްކޮށްފަ އެވެ.

ގައުމީ ޓީމުގެ ކޯޗަކަށް ކުރިން ހުރި ޕީޓަ ސެގާޓާއި ރިކީ ހާބަޓްގެ އިރުޝާދުގެ ދަށުން ގައުމީ ޓީމުގައި ފިޓްނަސް ކޯޗުން ވަނީ މަސައްކަތްކޮށްފަ އެވެ. އޭގެ ބޭނުމަކީ ކުރު މުއްދަތެއްގެ ތެރޭގައި ކުޅުންތެރިންގެ ފިޓްނަސް ލެވަލް ރަނގަޅު ހިސާބަކަށް ގެންދިއުމުގެ އިތުރުން ގާތްގާތުގައި ވާދަވެރި މެޗުތަކަކަށް ނުކުންނައިރު ދެ މެޗުގެ މެދުތެރެއިން ރިކަވަރީގެ ކަންތައްތައް ވީ އެންމެ ފުރިހަމަ އަށް ގެންދިއުމުގެ ވިސްނުމުގަ އެވެ.

ވޯލްޑް ކަޕް ކޮލިފައިން ގްރޫޕް އޭގައި ރާއްޖެ އޮތީ ހަތަރު މެޗުން ހަ ޕޮއިންޓާ އެކު ހަތަރު ވަނައިގަ އެވެ. ގްރޫޕުގެ އެއް ވަނައިގައި އޮތީ ފަސް މެޗުން 15 ޕޮއިންޓާ އެކު ސީރިއާ އެވެ. ޗައިނާ ހަތަރު މެޗުން ހަތް ޕޮއިންޓާ އެކު ދެ ވަނައިގައި އޮތްއިރު، ތިން ވަނައިގައި އޮތީ ފަސް މެޗުން ހަތް ޕޮއިންޓް ހޯދާފައިވާ ފިލިޕީންސެވެ. އެންމެ ފުލުގައި އޮތީ ފަސް މެޗު ކުޅެ ޕޮއިންޓެއް ލިބިފައިނުވާ ގުއާމެވެ.

ރާއްޖޭގެ ޓާގެޓަކީ ގްރޫޕްގެ ރަނގަޅު ހިސާބެއްގައި ނިންމާލައި 2023 ވަނަ އަހަރުގެ އޭޝިއަން ކަޕަށް ކޮލިފައިވުމެވެ. މި ގްރޫޕްގެ ކޮންމެ ހިސާބަކުން ނިންމާލި ކަމުގައި ވިޔަސް އޭޝިއަން ކަޕްގެ ފުރުސަތު ރާއްޖެ އަށް އަދި އޮންނާނެ އެވެ. އެކަމަކު ގްރޫޕްގެ މަތީ މަގާމަކުން ނިންމައިގެން އޭޝިއަން ކަޕް ކޮލިފައިންގައި ކުރިއަށްދާން ފަސޭހަ ގޮތްތަކެއް ހޯދޭނެ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox