ޓޮޓެންހަމް ކޯޗުކަމުން މޮރީނިއޯ ވަކިވެއްޖެ

Apr 19, 2021, 9:49 AM
ޓޮޓެންހަމް ކޯޗުކަމުން މޮރީނިއޯ ވަކިވެއްޖެ

ލަންޑަން (އޭޕްރީލް 19) - ޓޮޓެންހަމް ހޮޓްސްޕާސްގެ ކޯޗުކަމުން މަޝްހޫރު ކޯޗު ހޯސޭ މޮރީނިއޯ 17 މަހަށް ފަހު ވަކިވެއްޖެ އެވެ.

ކްލަބަކާ ހަވާލުނުވެ އަހަރެއްހާ ދުވަހު ހުރުމަށް ފަހު މޮރީނިއޯ ޓޮޓެންހަމްގެ ކޯޗުކަމާ 2019 ވަނަ އަހަރުގެ ނޮވެމްބަރު މަހު ހަވާލުވީ ބޮޑު ޕްރޮޖެކްޓަކާ އެކު އެވެ. އޭނާ ޓޮޓެންހަމް ދޫކޮށްލަން މި ނިންމީ ޔޫރަޕްގެ ވަރުގަދަ ކްލަބްތައް އަޑީ އޮވެގެން ޔޫރަޕިއަން ސުޕަ ލީގެއް ފަށަން އިއުލާނުކޮށް ދުނިޔޭގެ މައި ފުޓްބޯޅަ އިދާރާތަކުގެ ޕްރެޝަރު އެ ލީގަށް ބޮޑުވެފައިވާ ދަނޑިވަޅެއްގަ އެވެ. މީގެ ކުރިން މޮރީނިއޯ ވެސް ވަނީ ސުޕަ ލީގަކީ ފުޓްބޯޅައިގެ އުސޫލުން ބޭރު މުބާރާތެއް ކަމަށް ބުނެފަ އެވެ.

އިނގިރޭސި މިޑީއާ ރިޕޯޓްތައް ބުނާގޮތުން ޓޮޓެންހަމުން ސުޕަ ލީގުގައި ބައިވެރިވާން ނިންމާފައިވާކަން ރަސްމީކޮށް އިއުލާނުކުރިތާ މާގިނައިރެއްނުވެ މޮރީނިއޯ ވަނީ ޓޮޓެންހަމްގެ ޗެއާމަން ޑެނިއަލް ލެވީއާ ބައްދަލުކޮށްފަ އެވެ. އެ ބައްދަލުވުމުގައި މޮރީނިއޯ ވަނީ ސުޕަ ލީގުގައި ޓޮޓެންހަމް ބައިވެރިވާން ރަސްމީކޮށް ނިންމާނަމަ އޭނާ އެ ކްލަބާ އެކު ކުރިއަށްދާން ބޭނުންނުވާ ކަމަށް ބުނެފަ އެވެ.

Advertisement

މިއަދު ޓޮޓެންހަމުން މޮރީނިއޯ ވަކިކުރިއިރު، އެ ޓީމުގެ ޓްރެއިނިން ސެޝަން ވަނީ ކެންސަލްކޮށްފަ އެވެ. މި ސީޒަނުގެ ނިޔަލަށް އެ ޓީމަށް ކޯޗުކޮށްދޭނީ ރަޔާން މޭސަން އެވެ.

މޮރީނިއޯ، މިދިޔަ ސީޒަން މެދުތެރެއިން ޓޮޓެންހަމާ ހަވާލުވެ ރަނގަޅު މަސައްކަތެއް ކުރި އެވެ. ލީގުގެ 14 ވަނައިގައި އޮތް ޓޮޓެންހަމް ހަ ވަނަ އަށް ގެންގޮސްދީ ޔޫރަޕާ ލީގަށް ކޮލިފައިކޮށްދިނެވެ. މި ސީޒަނުގައި ޓޮޓެންހަމުން ރަނގަޅަށް ފެށި ނަމަވެސް ފަހުން ފޯމު ގެއްލި އެ ޓީމު މިހާރު ވަނީ ހަތް ވަނަ އަށް ވެއްޓިފަ އެވެ. އަދި އެ ޓީމު ވަނީ ގަދަ ހަތަރެއްގެ ރޭހުގައި ވެސް ފަހަތަށް ވެއްޓިފަ އެވެ.

މި ސިޒަނުގެ ޔޫރޮޕާ ލީގުން ވެސް ޓޮޓެންހަމް ކެޓިއިރު، ލީގު ކަޕްގެ ފައިނަލުގައި މެންޗެސްޓާ ސިޓީއާ ދެކޮޅަށް އަންނަ އާދިއްތަ ދުވަހު ޓޮޓެންހަމް ކުޅޭ މެޗު އޮންނާނެ އެވެ.

މިއީ މޮރީނިއޯގެ ކޯޗިން ކެރިއަރުގައި ލީގުގެ ނަތީޖާތަކަށް ބަލާއިރު އެންމެ ދަށް ސީޒަނެވެ. މި ފަހަރު ލީގުގައި ޓޮޓެންހަމް މިހާތަނަށް ވަނީ 10 މެޗުން ބަލިވެފަ އެވެ. މޮރީިނިއޯ އެންމެ ފަހުން ކޯޗުކޮށްދިން އިނގިރޭސި ދެ ޓީމު ކަމަށްވާ މެންޗެސްޓާ ޔުނައިޓެޑާއި ޗެލްސީން ވެސް އޭނާ ވަކިކުރީ ސީޒަންގެ މެދުތެެރެއިންނެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox