ޓޫޑޯ ބުނީ ގޮތް ނިންމާނީ ޓޮޓެންހަމްގެ ކުޅުންތެރިން ކަމަށް

Mar 14, 2026, 6:16 AM
ޓޫޑޯ ބުނީ ގޮތް ނިންމާނީ ޓޮޓެންހަމްގެ ކުޅުންތެރިން ކަމަށް

ލަންޑަން (މާޗް 14) - ޓޮޓެންހަމް ހޮޓްސްޕާސް އަށް މިހާރު ދިމާވެފައި އޮތް ދަށް ހާލަތުން އަރައިގަތުމުގައި އަަމަލުކުރާނެ ގޮތަކާ މެދު ގޮތް ނިންމާނީ ޓޮޓެންހަމްގެ ކުޅުންތެރިން ކަމަށް އެ ޓީމުގެ ކޯޗު، ކްރޮއޭޝިއާގެ އީގޯ ޓޫޑޯ ބުނެފި އެވެ.

ފެބްރުއަރީ 14 ވަނަ ދުވަހު، ޓޮޓެންހަމްގެ ކޯޗުކަމުން ތޯމަސް ފްރޭންކް ވަކިކޮށް، ޔުވެންޓަސްގެ ކުރީގެ ކޯޗު ޓޫޑޯއާ ޓޮޓެންހަމް ހަވާލުކުރި ނަމަވެސް ހާލަތު ބަދަލުކުރުމަށް އަދި ނަތީޖާއެއް ނެރެވޭ ގޮތެއްނުވެ އެވެ. ޓޫޑޯ ހަވާލުވި ފަހުން ޖެހިޖެހިގެން ހަތަރު މެޗުން ޓޮޓެންހަމް ބަލިވިއިރު، އޭގެ ތެރެއިން ތިން މެޗަކީ އިނގިރޭސި ޕްރިމިއާ ލީގުގައި ކުޅުނު މެޗުތަކެެވެ.

ލީގުގައި ކުރިއަށް ޓޮޓެންހަމް އަށް އޮތީ ރަށުންބޭރުގައި ލިވަޕޫލާ ދެކޮޅަށް ކުޅޭ މެޗެވެ. ލީގު ތާވަލަށް ބަލާއިރު، ރެލިގޭޝަން ޒޯނާ ޕޮއިންޓެއްގެ ފަރަގެއްގައި މި ވަގުތު އޮތް ޓޮޓެންހަމް އަށް ވަނީ ޕްރެޝަރު ބޮޑުވެފަ އެވެ. އެ ގޮތުން، 1977 ވަނަ އަހަރުގެ ފަހުން، ފުރަތަމަ ފަަހަރަށް ޓޮޓެންހަމް މި ސީޒަނުގައި ރެލިގޭޓްވުމުގެ ބިރު ބޮޑެވެ.

"މިއީ އެއްގޮތަކަށް ވެސް ފަސޭހަ ހާލަތެއް ނޫން. ވަރަށް ޗެލެންޖް ބޮޑު، މިއީ ކޯޗެއްގެ ގޮތުގައި އަހަރެން ކުރިމަތިލާ އެންމެ އުނދަގޫ ހާލަތް. ދިރިއުޅުމުގެ ކަމެއް ގޮތަށް މި ކަމާ ކުރިމަތިލާން ޖެހިފައި މި އޮތީ. ރޯން ތިބެން ވީ ތޯ ނޫނީ އަހަރެމެން މި ހާލަތުން އަރައިގަންނަން ފައިޓްކުރާނީތޯ. ވިކްޓިމް އަށް ވެގެން ތިބޭނީ ތޯ ނޫނީ ހާލަތު ބަދަލުކުރަން މަސައްކަތް ކުރާނީތޯ. މިއީ ކުޅުންތެރިންނަށް ވިސްނައިދެމުން އަންނަ ކަމަކީ،" ޓޫޑޯ ބުންޏެވެ.

ރިޕޯޓްތައް ބުނާގޮތުން، ލިވަޕޫލާ ދެކޮޅަށް ޓޮޓެންހަމް އިން ނުކުންނާނީ އެކި ސަބަބުތަކާ ހުރެ 13 ކުޅުންތެރިން ނެތި އެވެ. މި މެޗުގެ ނަތީޖާ ނުކުންނަ ގޮތަކުން ޓޫޑޯ އަށް ޓޮޓެންހަމްގެ ވަޒީފާ ވެސް ގެއްލުުމުގެ ބިރު އެބައޮތެވެ. އޭނާ ބުނީ، އަމިއްލަ ކަމަކާ މެދު ވިސްނުމަށް ވުރެން، ކްލަބްގެ މަސްލަހަތު އިސްކުރަން ބޭނުންވާ ކަމަށެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox