ތެލަސީމިއާ ޕޭޝަންޓުންނަށް ބޭނުންވާ އަސާސީ ބޭސްތައް ނުލިބުން ބޮޑު ތަކުލީފަކަށް

ލޭ ހަދިޔާ ކުރުމުގެ ކެމްޕެއިނެއްގެ ތެރެއިން -- ފޮޓޯ: މޯލްޑިވިއަން ތެލަސީމިއާ ސޮސައިޓީ

ލޭ ހަދިޔާ ކުރުމުގެ ކެމްޕެއިނެއްގެ ތެރެއިން -- ފޮޓޯ: މޯލްޑިވިއަން ތެލަސީމިއާ ސޮސައިޓީ

ތެލަސީމިއާ ޕޭޝަންޓުންނަށް ބޭނުންވާ އަސާސީ ބޭސް އަބަދު ހުސްވެފައި ހުންނާތީ ބޮޑު ތަކުލީފަކަށްވެފައިވާ ކަމަށް އެ ބަލި ތަހައްމަލު ކުރަމުންދާ މީހުން ބުނަން ފަށައިފި އެވެ. 

ތެލަސީމިއާ ޕޭޝަންޓެއް ކަމަށްވާ އަބްދުﷲ ޝަނީޒް އަދަދު އާ ވާހަކަ ދައްކަމުން ބުނީ ތެލަސީމިއާ ޕޭޝަންޓުންނަށް ބޭނުންވާ އަސާސީ ބޭސްތައް ރަނގަޅަށް ނުލިބޭތާ "ވަރަށް ގިނަ ދުވަސް" ވެފައިވާ ކަމަށެވެ. އޭނާ ބުނީ ކުރިން އެއް މަހަށް ދޫކުރާ ބޭސް މިހާރު ލިބެނީ ދެ ހަފްތާއަށް ކަމަށާއި އަލަށް އުފެއްދި ބޭސް ކުންފުނި، ސްޓޭޓް ފާމާ އައި ފަހުން އިތުރަށް މައްސަލަ ވީ ގޯސް ކަމަށެވެ. 

"މިހާރު އެންމެ އާދައިގެ ޕެނަޑޯލް ވެސް ނުލިބޭ ވާހަކަ ތުންތުންމަތިން މި ދެކެވެނީ ސިޓިންރޫމުންނާއި ކޮފީ ޓޭބަލުން. އެކަމަކު އެހެން ދައްކާވަރަށްވުރެ މާ މައްޗަށް ދޯ މިދަނީ. މިހާރު ތެލަސީމިއާ ޕޭޝަންޓުން ވެސް ގާތްގަނޑަކަށް ހަ ވަރަކަށް މަސްވެއްޖެ މަޑުމަޑުން މި ތިބެނީ ސްޓޭޓްފާމާ އަލަށް އުފައްދައިގެން އުޅޭ ތަނެއްވީމަ ވަގުތު ދީގެން އެބޭފުޅުންނަށް މިކަން ހައްލުވޭތޯ،" ޝަމީޒް ބުންޏެވެ. 

"އެކަމަކު މި ގެންނަނީ އެތިއެތިކޮޅުން ކޮންމެވެސް ތަނަކުން 500 ޓެބްލެޓް ނޫނީ 200 ޓެބްލެޓް ނޫނީ މި އަންނަނީ ޝިޕްމަންޓެއް. ލިމިޓްކޮށްގެން މި ދޭ އެތިކޮޅު މި ދެނީ ދެ ހަފްތާއަށް. މިއީ ކުރިން އެއް މަހަށް ދޫކުރާ ބޭސް. އެއް ހަފްތާގައި ލިބުނިއްޔާ އަނެއް ހަފްތާގައި ނުލިބޭ. ބުނެފާނެ އަންނަ ހަފްތާގައި ލިބޭނެއޭ."

ޝަމީޒް ބުނީ ތެލަސީމިއާ ބަލި ވަކި އުމުރަކަށް ދިޔާމަ ގޯސްވާ ކަމަށާއި އެކަމަށް ވެސް އެކި ކަހަލަ ބޭސްތައް ކުރާ ކަމަށެވެ. ނަމަވެސް އެކަމަށް ބޭނުންވާ ބޭސްތައް ވެސް ނުލިބޭތީ ވަރަށް ކަންބޮޑުވާ ކަމަށް އޭނާ ބުންޏެވެ. 

މީގެއިތުރުން އޭނާ ބުނީ ކޮންމެ ދުވަހަކު ބޭނުންކުރާ ބޭސްތައް ނުލިބުމުގެ ސަބަބުން ބޭސް ބޭނުން ކުރުން މެދުކެނޑި ބޭސް ލިބޭނެ ދުވަހެއްގެ އިންތިޒާރުގައި ހުންނަން ޖެހޭ ކަމަށެވެ. 

ޝަމީޒް ފާހަގަކުރާ ގޮތުގައި ބޭހުގެ މައްސަލަ ހަމައެކަނި ދިމާވެގެން އުޅެނީ ތެލަސީމިއާ ޕޭޝަންޓުންނަށް އެކަންޏެއް ނޫނެވެ. ކެންސަރު ބައްޔާއި، ނަފްސާނީ ބަލިމީހުން ހިމެނޭ ގޮތަށް ގިނަ ގިނަ އަދަދެއްގެ މީހުންނަށް ބޭސް ނުލިބޭކަން އޭނާ ފާހަގަކުރި އެވެ. 

ރައީސް މުހައްމަދު މުއިއްޒުގެ ވެރިކަން ދެބައިވެގެންދިޔައިރު ވެސް ރައްޔިތުންނަށް ބޭސް ނުލިބުމުގެ މައްސަލަ ހައްލު ކުރެވިފައިނުވާކަން އެމަނިކުފާނު މިދިޔަ ސެޕްޓެމްބަރުގައި ގަބޫލު ކުރެއްވި އެވެ. 

ރާއްޖޭގައި ބޭސް ލިބުން މިހާ ބޮޑަށް ދަތިވެފައި ވަނީ ރައީސް މުއިއްޒުގެ ވެރިކަމުގަ އެވެ. އެކަން ފެށުނީ ވެރިކަމުގެ ފުރަތަމަ ކޮޅު ޗައިނާއަށް ކުރެއްވި ދަތުރަށްފަހު އިއުލާނު ކުރެއްވި އިންޑިއާއާ ދުރުވުމުގެ މަގުޗާޓަށްފަހު އެވެ. މުއިއްޒު ބޭނުންވެވަޑައިގަތީ އިންޑިއާއިން ބޭސް ގެނައުން ހުއްޓާލުމަށެވެ. 

އޭގެ ފަހުން ބޭހުގެ މައްސަލަ ބޮޑުވުމުން އެމަނިކުފާނު ވިދާޅުވީ އެ މައްސަލަ ދިމާވަނީ ބޭހުގެ ވިޔަފާރި ކުރާ މީހުން ގަސްދުގައި ބޭސް އެތެރެނުކޮށް ދަތި ކުރާތީ ކަމަށެވެ. 

އެ މައްސަލަ ހައްލު ކުރަން ކަމަށް ބުނެ ސަރުކާރުން ވަނީ ސެޕްޓެމްބަރު 9، 2025، ގައި ސްޓޭޓް ފާމާގެ ނަމުގައި ދައުލަތުގެ ބޭސް ކުންފުންޏެއް އުފައްދައިފަ އެވެ. އޭގެ ފަހުން ވެސް މިހާރު އަހަރަކަށްވުރެ ގިނަ ދުވަސް ފާއިތުވެއްޖެ އެވެ. 

ފަހުގެ ޚަބަރު

ލޯ ޑިގްރީ އިމްތިހާނަށް މާލެ އަންނާކަށް ނުޖެހޭނެ: ބާ ކައުންސިލް

ލޯ ޑިގްރީގެ އިމްތިހާނުތައް ހެދުމަށް މާލެއަށް ނުވަތަ ވަކި ހާއްސަ ރަށަކަށް ހާޒިރުވުން ލާޒިމު ނޫން ކަމަށާއި، ދަރިވަރުން ދިރިއުޅޭ ރަށެއްގެ ސްކޫލް ނުވަތަ ކައުންސިލް މެދުވެރިކޮށް އިމްތިހާނު ހެދޭނެ މަގު ބާ ކައުންސިލުން ފަހިކޮށްދީފިއެވެ. އަންނަ އަހަރުން ފެށިގެން އަމަލުކުރާ މި އުސޫލުގެ ދަށުން އިމްތިހާނު ހަދާ ގޮތަށް ބަދަލު އައި ނަމަވެސް، ކޯހުގެ މަންހަޖާއި ކިޔަވައިދޭ މުއްދަތަށް އެއްވެސް ބަދަލެއް ނާންނާނެއެވެ.

ތަރައްގީގެ އެއްވެސް ކަމެއް ކުރުމަށް ލާރިއެއް ނެތް: ޝާކިރު

އަންނަ އަހަރުގެ ބަޖެޓުގައި ރިކަރަންޓް ހަރަދަށް ކެނޑުމަށްފަހު ތަރައްގީގެ މަޝްރޫއުތަކަށް ފައިސާ ނެތް ކަމަށް ވިދާޅުވެ މެންބަރު އަހުމަދު ޝާކިރު ކަންބޮޑުވުން ފާޅުކުރައްވައިފިއެވެ. އޭނާ ވިދާޅުވީ ދައުލަތުގެ އާމްދަނީގެ ބޮޑުބައެއް ހަރަދުވަނީ ރިކަރަންޓް ކަންކަމަށް ކަމަށާއި، މަޝްރޫއުތައް ހިންގަން ޖެހެނީ އިތުރަށް ދަރަނި ނަގައިގެން ކަމަށެވެ. މީގެ އިތުރުން ސަރުކާރު ކުންފުނިތަކުން ބޮޑެތި ގެއްލުންވަމުންދާ ދިއުމަށްވެސް އޭނާ ވަނީ ފާޑުވިދާޅުވެފައެވެ.

"ސިޓިޒަންސް ކޮމްޕްލެއިންޓްސް" ލައުންޖުތަކެއް ގާއިމުކޮށްފި

ރައްޔިތުންގެ ޝަކުވާތަކާއި ކަންބޮޑުވުންތައް ސަރުކާރަށް ހުށަހެޅުމަށްޓަކައި މާލެ އާއި ހުޅުމާލޭގައި "ސިޓިޒަންސް ކޮމްޕްލެއިންޓްސް" ބިއުރޯގެ ދެ ލައުންޖެއް މިއަދު ވަނީ ހުޅުވައިފައެވެ. ސަރުކާރު ބަންދު ނޫން ކޮންމެ ދުވަހަކު ޚިދުމަތް ދޭ މި އޮފީސްތަކަކީ ރައީސުލްޖުމްހޫރިއްޔާގެ އޮފީހުގެ ދަށުން ހިންގާ، ރައްޔިތުންގެ މައްސަލަތަކަށް ހައްލު ހޯދައިދިނުމަށް ގާއިމުކުރި ތަންތަނެވެ.

ރިއަލް އެސްޓޭޓު ބިލު މަޖިލީހަށް ބަލައިގަނެފި

މި ބިލު ބަލައިގަންނަން ވޯޓު ދިނީ 42 މެންބަރުން. ބިލާ ދެކޮޅަށް ވޯޓު ދެއްވީ އެމްޑީޕީގެ 13 މެންބަރުން. މި ބިލު ދިރާސާކުރާނީ ގައުމީ ތަރައްގީ އާއި ތަރިކައިގެ ކޮމިޓީން. މިއީ ގާނޫނުއަސާސީގެ ހިމާޔަތްތައް ނައްތާލައި، ތާއަބަދަށް ނުވަތަ ހުސްނުވާ ގޮތަށް ބޭރު މީހުންނަށް ބިން މިލްކުކުރެވޭނެ ގޮތް ހެދުމަށް އިންތިޒާމުތަކެއް ހިމަނާފައިވާ ބިލެއް

ބޮޑެތި ޖޫރިމަނާތަކެއް ހިމަނާފައިވާ އަބުރުގެ ބިލު ކޮމިޓީއަށް

ސޯޝަލް މީޑިއާގައި މީހެއްގެ އަބުރާ ބެހޭ ފަދަ ޕޯސްޓެއް ހިއްސާކޮށްފިނަމަ 5 ލައްކަ ރުފިޔާއާ ހަމައަށް ޖޫރިމަނާ ކުރެވޭ ގޮތަށް ހުށަހެޅި އަބުރުގެ ބިލު މަޖިލީހަށް ބަލައިގަނެ ކޮމިޓީއަށް ފޮނުވައިފިއެވެ. މި ބިލުގައި ބަހާއި، ފޮޓޯއާއި، އިޝާރާތް އަދި ފިލްމު ފަދަ ވަސީލަތްތައް މެދުވެރިކޮށް އަބުރާ ބެހުމުގެ ދައުވާ ކުރެވޭނެ ގޮތްތައް ބަޔާންކޮށްފައިވެއެވެ.

މަރުގެ އަދަބު ތަންފީޒު ކުރާ ބިލު ބަލައިގެންފި

ދަންޖައްސައިގެން މަރުގެ އަދަބު ތަންފީޒުކުރާ ގޮތަށް ސަރުކާރުން ހުށަހެޅި ބިލު ރައްޔިތުންގެ މަޖިލީހަށް މިއަދު ބަލައިގެންފިއެވެ. މި ބިލުގައި މަރުގެ އަދަބު ތަންފީޒުކުރާނެ ގޮތާއި، އެކަން ހިންގާނެ ޕެނަލެއް އެކުލަވާލުމުގެ އިތުރުން، ބަލިވެއިނުމާއި ދަރިފުޅަށް ދެ އަހަރު ފުރުން ފަދަ އަދަބު ތަންފީޒުނުކުރެވޭނެ ހާލަތްތައް ބަޔާންކޮށްފައިވެއެވެ.

ތިން ކުންފުންޏެއްގެ މަނީ އެކްސްޗޭންޖު ލައިސަންސް ބާތިލްކޮށްފި

މަނީ ޗޭންޖިން ގަވާއިދާ ތަކުރާރުކޮށް ހިލާފުވި ތިން ކުންފުންޏެއްގެ ލައިސަންސް އެމްއެމްއޭ އިން ބާތިލުކޮށް، އެ ކުންފުނިތައް ބޮޑެތި އަދަދުތަކުން ޖޫރިމަނާކޮށްފިއެވެ. މި ފިޔަވަޅަކީ ބޭރު ފައިސާގެ ބާޒާރު ކޮންޓްރޯލްކޮށް، ގަވާއިދާ ހިލާފު މުއާމަލާތްތައް ހުއްޓުވުމަށް އެމްއެމްއޭ އިން ކުރަމުންދާ މަސައްކަތުގެ ތެރެއިން އެޅި ފިޔަވަޅެކެވެ.

Newsletter

Get the latest news delivered straight to your inbox