އާގުބޯޓު ފަހަރު ބަނދަރުކުރާ ސަރަހައްދު ގައުމީ ސަލާމަތަށް ނުރައްކަލަކަށް

އެމްޕީއެލްގެ ޕޯޓު. --- އަދަދު ފައިލް ފޮޓޯ

އެމްޕީއެލްގެ ޕޯޓު. --- އަދަދު ފައިލް ފޮޓޯ

މާލޭގެ ބަނދަރުގެ 'ސޭފް އެންކަރޭޖް' ސަރަހައްދުގައި ފަހަކަށް އައިސް ހިނގަމުންދާ ނުރައްކާތެރި ހާދިސާތަކަކީ، އުޅަނދުފަހަރު އަޅާފައި ބޭއްވުމުގެ އުސޫލުތައް ކޮންމެހެން އަލުން މުރާޖައާކުރަން ޖެހިފައިވާކަން އަންގައިދޭ ވަރުގަދަ އިންޒާރެކެވެ.

މޫސުން ގޯސްވާ ވަގުތުތަކުގައި ބޮޑެތި އުޅަނދުތަކުގެ ނަގިލި ކަހައިގެން ގޮސް ފަރަށް އެރުމާއި، އޮއިވަރާއެކު ގެންގޮސް ބްރިޖުގައި ޖެހުމުގެ އިތުރުން، މާލޭގެ ތޮށިގަނޑާ ނުރައްކާތެރި މިންވަރަކަށް ކައިރިވުމުގެ ހާދިސާތައް ދަނީ ތަކުރާރުވަމުންނެވެ. މީގެއިތުރުން، މާލެ ކައިރީ ބޭރު ކަނޑުގައި ބޯޓުފަހަރު ބާއްވައިގެން ކޮންޓެއިނަރު ހުސްކުރުމަކީ ވެސް ރައްކާތެރި ކަމެއް ނޫނެވެ.

މިއީ ވަކިވަކިން ހިނގާ އާދައިގެ ކަންކަމުގެ ބަދަލުގައި، އާންމުންގެ ރައްކާތެރިކަމަށާއި، ގައުމީ ސަލާމަތީ މަސްލަހަތުތަކަށާއި، އަގުބޮޑެތި އުމްރާނީ ވަސީލަތްތަކަށް އޮތް ދާއިމީ އަދި ނުހަނު ބޮޑު ނުރައްކަލެކެވެ.

ގްރޭޓަރ މާލެ ސަރަހައްދު ބޮޑެތި ބްރިޖްތަކުން ގުޅައިލެވިފައިވާ މި ދަނޑިވަޅުގައި، ބޭރުގެ ބޮޑެތި އުޅަނދުފަހަރު މަޑުކޮށްގެން އޮތުމަށް މިހާރު ކަނޑައަޅާފައިވާ ސަރަޙައްދަކީ އެއްގޮތަކަށް ވެސް އެކަށީގެންވާ ތަނެއް ނޫނެވެ. އެ ސަރަޙައްދު އޮންނަނީ ވެލާނާ އިންޓަރނޭޝަނަލް އެއަރޕޯޓުގެ ވައިގެ އަދި ކަނޑުގެ ސަރަޙައްދާއި، ވެރިރަށް މާލެއާއި، ގިނަ އަދަދެއްގެ އާބާދީ ދިރިއުޅޭ ސަރަހައްދުތަކުގެ އިތުރުން، ސަލާމަތީ ގޮތުން ނުހަނު ނާޒުކު، ރާއްޖޭގެ ކަނޑުގެ ދަތުރުފަތުރުގެ އެންމެ ބާރުބޮޑު މަގުގަ އެވެ.

މިފަދަ މުހިންމު ސަރަހައްދެއްގައި ބޮޑެތި އުޅަނދުފަހަރު އެޅުމުގެ ހުއްދަ ދީފައި އޮތުމަކީ، ގައުމީ އަދި އިގުތިސާދީ މުހިންމު ވަސީލަތްތައް ނުރައްކަލަށް ހުށަހެޅިގެންދާނެ ކަމެކެވެ. މި މައްސަލައަށް ވިސްނާއިރު، މިއީ ދުނިޔޭގެ ޖޯގްރަފީ އަދި އިގުތިސާދީ ނަޒަރަކުން ބެލިޔަސް ވަރަށް ނާޒުކު މައްސަލައެކެވެ. ބައިނަލްއަގުވާމީ ކަނޑުގެ ސަރަހައްދުތަކާއި ވިޔަފާރީގެ ބަނދަރުތަކުގެ ސަލާމަތާ ބެހޭގޮތުން ގެންގުޅޭ ޒަމާނީ ނަޒަރިއްޔާތަކުން ދައްކާގޮތުގައި، ގައުމީ ތަރައްގީގެ މައިނާރު ކަމުގައިވާ އުމްރާނީ ވަސީލަތްތައް (ކްރިޓިކަލް އިންފްރާސްޓްރަކްޗަރ) ހިމެނޭ ސަރަހައްދުތަކަކީ "ބަފަރ ޒޯން" ތަކެއްގެ ގޮތުގައި ވަރަށް ހަރުކަށިކޮށް ހިމާޔަތްކުރަންޖެހޭ ތަންތަނެވެ.

މާލެއާއި ހުޅުލެ ގުޅުވައިދޭ ބްރިޖާއި، ވެލާނާ އިންޓަނޭޝަނަލް އެއާޕޯޓަކީ މިފަދަ ނުރައްކާތަކުން ސަލާމަތްކޮށްފައި ބަހައްޓަންޖެހޭ ފަދަ އަގުބޮޑު ބިނާތަކެކެވެ.

ބްރިޖަށް އުރުނު ދެ ބޯޓުގެ ހާލަތާއި ނުރައްކާތެރި ހާދިސާއެއް ހިނގާފާނެކަން ދޮޅުމަސްކުރިން ސަރުކާރަށް އެނގޭ

ސިނަމާލެ ބްރިޖަށް އުރުނު ދެ ބޯޓަކީ ހުއްދަނެތި ރާއްޖެއަށް ވަދެފައިވާ، އަދި ނުރައްކަލެއް ދިމާވެދާނެތީ ތިލަފުށްޓަށް ބަދަލުކުރަން މީގެ ދޮޅުމަސް ކުރިން ނިންމާފައިވާ ދެ ބޯޓެވެ. މި ބޯޓުތަކުގައި ނެވިގޭޝަން ލައިޓާއި ނަގިލި ފަދަ ވަސީލަތްތައް މަދުވުމުގެ ޝަކުވާ ލިބިފައިވާއިރު، ބޯޓުތައް ބަދަލުކުރުމުގެ ހުއްދަ އެޗްޑީސީން އޮތީ ޖުލައި މަހު ދީފައެވެ.

އުޅަނދުފަހަރު އެޅުމަށް ކަނޑައަޅާފައިވާ ސަރަހައްދު މާ ބޮޑަށް މާލެއާ ކައިރިވުމުގެ ސަބަބުން، ކުއްލި ހާލަތެއްގައި ނުވަތަ މޫސުން ގޯސްވާ ވަގުތުތަކުގައި ލިބިދާނެ ގެއްލުމަކީ މުޅި ގައުމުގެ އިގުތިސާދު ހުއްޓުމަކަށް އަތުވެދާނެ ބޮޑު ނުރައްކަލެކެވެ.

މިފަދަ ހާދިސާތަކުގެ ސަބަބުން ޔައުމިއްޔާތަކާއި ތާރީހީ ރެކޯޑުތަކުން ފެންނަން ހުރި ހަގީގަތަކީ، ކުދި އާބާދީތަކާއި ކުދި ޖަޒީރާ ގައުމުތަކަށް ދިމާވާ މިފަދަ  ކާރިސާތަކުގެ އަސަރު މުޅި ޖީލަކަށް ދެމިގެންދާކަމެވެ.

އެހެންކަމުން، މި ހާދިސާތަކުން އިބުރަތް ހާސިލުކޮށް، ކަމާބެހޭ އިދާރާތަކުން ލަސްނުކޮށް ހަރުދަނާ ފިޔަވަޅުތަކެއް އަޅަންޖެހެ އެވެ. އެގޮތުން، އާގުބޯޓުފަހަރާއި ބޮޑެތި އުޅަނދުފަހަރު އަޅާފައި ބާއްވާ ސަރަހައްދު، މިހާރުގެ ބާރުބޮޑު ކަނޑުގެ މަގުތަކާ މަދުވެގެން އެއް މޭލު ބޭރަށް ބަދަލުކުރުމަކީ ކޮންމެހެން މުހިންމު ކަމެކެވެ.

މި ބަދަލުގެ ސަބަބުން އެއާޕޯޓާއި، ބްރިޖާއި، މާލޭގެ އައްސޭރިފަށަށް އޮތް ނުރައްކާތައް ކުޑަކުރެވި، ކަނޑުދަތުރުފަތުރުގެ ސަލާމަތާއި ރައްކާތެރިކަން އިތުރަށް ކަށަވަރުވެގެންދާނެއެވެ. މިއީ ދޫކޮށްލެވެން ނެތް، ދައުލަތުގެ ފެންވަރުގައި އަވަސް ހައްލެއް ބޭނުންވާ މުހިންމު މައްސަލައެކެވެ. އިންސާނުންގެ ފުރާނައާއި، ގައުމުގެ މުހިންމު އުމްރާނީ ބިނާތަކާއި، އަދި ގައުމީ ސަލާމަތް ރައްކާތެރިކުރުމުގެ ގޮތުން، އުޅަނދުފަހަރު އަޅާފައި ބޭއްވުމުގެ ސިޔާސަތުތައް ވަގުތުން ވަގުތަށް އިސްލާހުކޮށް، ހަރުދަނާ އުސޫލުތެއް ތަންފީޒުކުރުމަކީ ސަރުކާރަށާއި ކަމާގުޅުންހުރި އެންމެހައި މުއައްސަސާތުން ކުރެންޖެހިފައިވާ ކަމެކެވެ.

ކޮމެންޓް

ފަހުގެ ޚަބަރު

އީގަލް ހިލްސްއާ ނުލައި ވެސް ރަސްމާލެއިން ދާއިމީ ނަފާ ހޯދިދާނެ

ރަސްމާލެ ޓޫރިޒަމަށް އީގަލް ހިލްސްއަށް ދޫކޮށްލައިގެން ނުވާނެ. އޭގެ ބަދަލުގައި، ދިވެހިންގެ ފުރިހަމަ މިލްކުވެރިކަން އޮންނަ "ރަސްމާލެ ހިއްސާ" ކުންފުނިން ބިމުގެ ކޮންޓްރޯލް ހިފަހައްޓައި، ދައުލަތް އެންމެ ލޯނެއް ވެސް ނުނަގައި، ވަޒީފާތަކަށް އަމާޒުކޮށް އަމިއްލަ ހަރަދު އަމިއްލައަށް ބަލަހައްޓާ ދިރުންހުރި ސިޓީއެއް ބިނާކުރަންވީ.

ރައްޔިތުންގެ 'އިހުތިރާމު އަތުލުމުގެ' މަޝްރޫއު

ރާއްޖޭގައި އަހުލާގާއި އިހުތިރާމު ކުރުމުގެ ސިފަ އާލާކުރުމަށްޓަކައި، ރައީސް މުއިއްޒު ވަނީ ފަސް އަހަރު ދުވަހުގެ ގައުމީ ކެމްޕޭނެއް ރަސްމީކޮށް އިފްތިތާހުކޮށްދެއްވާފަ. މި ކެމްޕޭނަކީ ދުނިޔޭގެ ބައެއް ޑިކްޓޭޓަރުން ރައްޔިތުންގެ އަހުލާގު ބައްޓަންކުރަން ހިންގި ފަދަ ހަރަކާތްތަކާ އެއްގޮތް ކަމެއް.

ފުށިދިއްގަރު ފަޅާއި ދިވެހިންގެ ހައްގު

މާލެ ސަރަޙައްދުގެ ބޯހިޔާވަހިކަމަށް ޙައްލެއް ހޯދުމަށް "ރަސްމާލެ" މަޝްރޫޢު ފަށާފައިވާއިރު، މިއީ ދިވެހިންގެ މިލްކެއްގެ ގޮތުގައި ސަރުކާރުން ވަނީ ބުނެފައެވެ. ނަމަވެސް، ދިވެހިން ބޯހިޔާވަހިކަމަށް ބޭނުންވެފައި ތިއްބާ ބިދޭސީން ރަށްވެހިކުރުމަށް މި މަޝްރޫޢު ބަޔަކާ ހަވާލުކުރުމަކީ ދިވެހިންގެ ޙައްޤުތަކަށް އުނިކަން އަންނާނެ، ޤައުމީ ސަލާމަތަށް އޮތް ބިރެއް ކަމަށް ގިނަ ބަޔަކު ދެކެއެވެ.

ސިޔާސީ ނިންމުމެއް 99 އަހަރުގެ ގާނޫނީ އިލްތިޒާމަކަށް

ރަސްމާލެ މަޝްރޫއު ތަރައްގީކުރުމަށް ސަރުކާރުން އީގަލް ހިލްސްއާއެކު ހުސްނުވާ 99 އަހަރަށް ސޮއިކުރާއިރު މިއީ އާދައިގެ ސިޔާސީ ނިންމުމަކަށްވުރެ މާ ބޮޑު ގާނޫނީ އިލްތިޒާމެކެވެ. މި އެއްބަސްވުމުގެ ދަށުން އުފެދޭނޭ ގާނޫނީ އިލްތިޒާމުތައް ނިމުމަކަށް ގެނައުމުގައި ހުރި ގާނޫނީ ގޮންޖެހުންތަކަށް މި ލިޔުމުގައި ވާހަކަ ދައްކަ އެވެ.

ޝަރުތުތަކާއެކު ބްލީޗުން ދަތްއުނގުޅުން ހުއްދަކުރުން

ރަސްމާލެ ޕްރޮޖެކްޓް ޒަޔަނިސްޓުންނާ ގުޅުން އޮތް ބަޔަކަށް އެމީހުން ވަޒަންވެރިވުމުގެ ފުރުސަތު އޮތް ގޮތަކަށް ޝަރުތުތަކަކާއެކު ދިނުން ހުއްދަވާނެކަމަށް ނެރެގެން އުޅޭ ފަތުވާއަކީ ގެއްލުން ނުވުމުގެ ޝަރުތުތަކާއެކު ލައްފިލުވާލައިގެން ދަތް އުނގުޅުން ހުއްދަވާނެކަމަށް ބުނުން ފަދަ ސޮހޮލު ވަކާލާތެކެވެ.

ސިޓީބިޓީ: ގައުމުގެ އިސް ރަށްވެހީންނަށް އިލްތިމާސެއް

ގައުމީ ކަންކަމުގައި ރައީސުލްޖުމްހޫރިއްޔާއަށް ލަފާ އެރުވުމަށްޓަކައި، ދައުލަތުގެ މަތީ އިއްޒަތް ލިބިވަޑައިގެންފައިވާ 12 ތަޖުރިބާކާރު ބޭފުޅުންގެ މައްޗަށް އެކުލެވޭ ހާއްސަ މަޖިލީހެއް ރައީސް އޮފީހުން އެކުލަވައިލައިފިއެވެ. މި މަޖިލީހުގެ މައިގަނޑު މަގުސަދަކީ ގައުމުގެ ހިންގުން ހަރުދަނާކުރުމަށް ބޭނުންވާ އިހުލާސްތެރި މަޝްވަރާ ހޯދުން ކަމަށްވާއިރު، މިއީ ގައުމުގެ މުސްތަގުބަލާ މެދު ރައްޔިތުންގެ ކަންބޮޑުވުންތަކެއް ހުރި ނާޒުކު ދަނޑިވަޅެއްގައި އެޅުނު މުހިންމު ފިޔަވަޅެކެވެ.

ރަސްމާލެ ވިއްކުމުގެ ރިފަރެންޑަމެއް ނަގަން ބިރުގަންނަނީ ކީއްވެ؟

ރަސްމާލެ މަޝްރޫއުގެ ބޮޑު ބައެއް ބޭރުގެ ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނުނަގާނެ ކަމަށް ރައީސް މުއިއްޒު ވިދާޅުވުމަކީ، ރައްޔިތުންގެ ވިންދާ އެއްގޮތަށް ކަންކަން ކުރައްވާނެ ކަމަށް ވިދާޅުވި ވައުދާ ހިލާފުވުމެއް ކަމަށް މި ލިޔުމުގައި ފާހަގަކޮށްފައިވެއެވެ. ބޭރުގެ ފަރާތްތަކަށް ބިން ނުދޭނެ ކަމަށް ކުރިން ވިދާޅުވި ނަމަވެސް، މިހާރު މި މަޝްރޫއުގެ ދެބައިކުޅަ އެއްބައި ބޭރުގެ ކުންފުންޏަކަށް ދޫކޮށްލުމަކީ ގާނޫނުއަސާސީގެ ރޫހާ ހިލާފު ކަމެއް ކަމަށްވެސް މި ޚަބަރުގައި ބަޔާންކޮށްފައިވެއެވެ.

Newsletter

Get the latest news delivered straight to your inbox