ރާއްޖެ ސުޕަ ލީގު: ގޮއިދޫ އާއި ފޮނަދޫ ސެމީ އަށް

Aug 5, 2026, 10:58 AM
ރާއްޖެ ސުޕަ ލީގު ވޮލީބޯޅަ މުބާރާތުގައި ވާދަކުރާ ބ. ގޮައިދޫ ޓީމުގެ ކުޅުންތެރިން މެޗެއްގެ ތެރެއިން.--- ފޮޓޯ: ވީއޭއެމް

ރާއްޖެ ސުޕަ ލީގު ވޮލީބޯޅަ މުބާރާތުގައި ވާދަކުރާ ބ. ގޮައިދޫ ޓީމުގެ ކުޅުންތެރިން މެޗެއްގެ ތެރެއިން.--- ފޮޓޯ: ވީއޭއެމް

ވޮލީބޯލް އެސޯސިއޭޝަން އޮފް މޯލްޑިވްސް (ވީއޭއެމް) އިން މިހާރު ކުރިއަށްގެންދާ ރާއްޖެ ސުޕަ ލީގު ވޮލީބޯޅަ މުބާރާތުގައި ކުޅުނު ދެ ވަަނަ މެޗުތަކުން ވެސް މޮޅުވެ، ބ. ގޮއިދޫ އާއި ލ. ފޮނަދޫން ސެމީ ފައިނަލުގެ ޖާގައެއް ޔަގީންކޮށްފި އެވެ. 

ޖުމްލަ ހަތް ރަށުން ވާދަކުރާ ފިރިހެން ވޮލީބޯޅައިގެ މި މުބާރާތް ކުރިއަށްދަނީ، ޒުވާނުންގެ މަރުކަޒު އެތެރެ ކޯޓުގަ އެވެ. ގްރޫޕް އޭގައި ވާދަކުރަނީ، ހދ. ހަނިމާދޫ، ވ. ފެލިދޫ، ލ. ފޮނަދޫ އަދި ކ. މާފުށި އެވެ. ގްރޫޕް ބީގައި ހިމެނެނީ ތ. ހިރިލަންދޫ، ބ. ގޮއިދޫ އަދި ލ. ތުލުސްދޫ އެވެ.

ސްރީ ލަންކާގެ ކޯޗު، ޖަޔަސޭކަރަ ޗަންނަގެ އިރުޝާދުގެ ދަށުން ކުޅެމުން އަންނަ، ގޮއިދޫން ވަނީ ފުރަތަމަ މެޗުގައި ހިރިލަންދޫ އަތުން ފަސް ސެޓު ކުޅެެގެން މޮޅުވެފަ އެވެ. އެކަމަކު، ރޭ ކ. ތުލުސްދޫ އަތުން މޮޅުވީ ސީދާ ތިން ސެޓުންނެވެ. އަނެއްކޮޅުން، ފޮނަދޫން ގްރޫޕް އޭގައި ކުޅުނު ފުރަތަމަ މެޗުގައި، ކ. މާފުށި އަތުން މޮޅުވިއިރު، ރޭ ވަނީ ހދ. ހަނިމާދޫ ބަލިކޮށްފަ އެވެ. ހަނިމާދޫ ވަނީ ކުޅުނު ދެ މެޗުން ބަލިވެ، މުބާރާތުގައި ކުރިއަށްދިއުމުގެ ފުރުސަތު ގެއްލިފަ އެވެ. 

އިއްޔެ މެޗަށް ނުކުތްއިރު، މުބާރާތުގައި ކުރިއަށްދިއުމަށްޓަކައި، މޮޅުވުން މަޖުބޫރުވެފައި އޮތް ހަނިމާދޫން ވަނީ ފުރަތަމަ ސެޓު ގެންގޮސްފަ އެވެ. އެކަމަކު، ފުރަތަމަ ސެޓު ގެއްލުނު ނަމަވެސް، ފޮނަދޫން ވަނީ ފަހަތުން އަރައި 3-1 ސެޓުން މޮޅުވެފަ އެވެ. 

ހަނިމާދޫން ފުރަތަމަ ސެޓު ގެންދިޔައީ، 25-22 އިންނެވެ. ފޮނަދޫން ދެން ކުޅުނު ތިން ސެޓު ކާމިޔާބުކުރީ، 23-25، 20-25 އަދި 16-25 އިންނެވެ. 

ތުލުސްދޫ އަތުން ގޮއިދޫ މޮޅުވި މެޗުގައި ސެޓުތައް ގެންދިޔައީ، 25-14، 30-28 އަދި 25-22 އިންނެވެ. 

ރާއްޖެ ސުޕަ ލީގުގައި މިއަދު ހަވީރު ކުޅޭ މެޗުގައި، ވ. ފެލިދޫން ބައްދަލުކުރާނީ މާފުށްޓާ އެވެ. ފެލިދޫން ވަނީ ފުރަތަމަ މެޗުގައި ހަނިމާދޫ ބަލިކޮށްފަ އެވެ. މުބާރާތުގައި ކުރިއަށްދިއުމަށްޓަކައި، މާފުށްޓަށް މި މެޗުން މޮޅެއް ހޯދުން މަޖުބޫރެވެ. 

މުބާރާތުގައި މިރޭ ކުޅޭ މެޗުގައި ހިރިލަންދޫ އާއި ތުލުސްދޫ ބައްދަލުކުރާއިރު، މި މެޗުން މޮޅުވާ ޓީމަކަށް މި ގްރޫޕުން ސެމީގެ އަނެއް ޖާގަ ލިބޭނެ އެވެ. 

ތަފާތު އެކި ސަބަބުތަކާ ހެދި ލަސްކުރަން ޖެހުނު މި މުބާރާތުގެ ފޯމެޓް އޮތް ގޮތުން، ގްރޫޕް ސްޓޭޖަށް ފަހު، ހޮނިހިރު ދުވަހު ކުޅޭނީ ސެމީ ފައިނަލް ދެ މެޗެވެ. އެއީ، ދެ ގްރޫޕުން އެންމެ ރަނގަޅު ނަތީޖާ ނެރޭ ހަތަރު ޓީމެެއްގެ މެދުގަ އެވެ. އަދި، ސެމީ ދެ މެޗުން މޮޅުވާ ދެ ޓީމު ކުޅޭ ފައިނަލާއި ދެ ސެމީން ބަލިވާ ދެ ޓީމު ކުޅޭ ތިން ވަނަ ހޮވާ މެޗު އޮންނާނީ އާދިއްތަ ދުވަހު އެވެ. 

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox