އާދަޔާހިލާފު މަންޒަރެއް: ރާއްޖޭގައި ފީ މިޔަރެއް ކަނޑުން މައްޗަށް ފުންމަނިކޮށް ފެނިއްޖެ

ފީ މިޔަރު ފުންމި މަންޒަރު: މިއީ ފީ މިޔަރެއް ފުންމަނިކޮށް މިހާ ސާފުކޮށް ރިކޯޑު ކުރެވުނު ފުރަތަމަ ވީޑިއޯ ކަމަށްވުން އެކަށީގެންވޭ -- ފޮޓޯ: ލޫކާ އެސްހައުއާ / ޕެލާޖިކް ޑައިވާސް ފުވައްމުލަކު

ޏ. ފުވައްމުލަކުގައި ޑައިވިން އާއި ސްނޯކްލިންގެ ހިދުމަތް ދޭ ގްރޫޕަކުން ސްނޯކްލިންއަށް ގޮސް އުޅުނިކޮށް ފީ މަހެއް ކަނޑުން މައްޗަށް ފުންމަނިކޮށް ފެނިއްޖެ އެވެ. 

ފީ މިޔަރު (ފީބޯ މިޔަރު) ނުވަތަ އޯޝެނިކް ވައިޓްޓިޕް ޝާކް، ކޯހެއް މަހެއް ގޮތަށް ފުންމާ މަންޒަރު ފެނުނީ ޕެލާޖިކް ޑައިވާސް ފުވައްމުލަކުގެ ގްރޫޕަކުން، ފުވައްމުލަކާއި ހުވަދޫ އަތޮޅަށް ދަތުރުކުރަނިކޮށް ޖުލައި 30، ގަ އެވެ. އެމީހުން ވަނީ އެ މަންޒަރުގެ ވީޑިއޯއެއް ނަގައިފަ އެވެ. 

ފީ މިޔަރު ފުންމާކަން އެނގުނު ނަމަވެސް އެއީ ފެނުން ނާދިރު މަންޒަރެކެވެ. ސަބަބަކީ އެސޮރުމެންނަކީ އާންމުކޮށް މާކަނޑުގައި ދިރިއުޅޭ ބައެއް ކަމަށްވުމެވެ. ފީ މިޔަރު ފުންމި މަންޒަރު ފެނުނު ކަމަށް ރިކޯޑު ކުރެވުނީ ވަރަށް މަދު ފަހަރެކެވެ. 

މިއީ ފީ މިޔަރު ފުންމާ މަންޒަރު ވީޑިއޯގައި މިހާ ސާފުކޮށް ރިކޯޑު ކުރެވުނު ފުރަތަމަ ފަހަރު ކަމަށްވުން އެކަށީގެންވެ އެވެ. އެ މަންޒަރު ފެނުނީ ޕެލާޖިކް ޑައިވާސްގެ އަހުމަދު އިނާހު، އަލީ އަންސާރު އަހުމަދު، އަހުމަދު ރަމީޒް، ލޫކާ އެސްހައުއާ އަދި ގޮންޒާލޯ އަރައުހޯއާއަށެވެ. 

އެކަން މިހާރު ވަނީ ޕެސިފިކް ކޮންޒަވޭޝަން ބަޔޮލޮޖީގައި ރިކޯޑުކޮށްފަ އެވެ.

ބީބީސީ ވައިލްޑްލައިފް އިން ހިންގާ ޑިސްކަވާ ވައިލްޑްލައިފް އަށް ދިން އިންޓަވިއުއެއްގައި އެ މަންޒަރު ފެނުނު އިނާހު ބުނީ، ފީ މިޔަރު ފުންމި މަންޒަރު ފެނުމުން އެންމެން ވެސް ވަރަށް އާޝޯހުވި ކަމަށެވެ. ފީ މިޔަރު ދެ ފަހަރަކު ފުންމި ތަން އެމީހުންނަށް ފެނުނެވެ. 

ފީ މިޔަރު އެގޮތަށް ފުންމާ ސީދާ ސަބަބެއް ސައިންސްވެރިންނަކަށް ނޭނގެ އެވެ. ފުންމުމަކީ މުއާމަލާތް ކުރަން ގެންގުޅޭ އުކުޅެއް ކަމަށް ބައެއް މީހުން ބުނެ އެވެ. ޝިކާރަކުރުމުގެ ތެރޭގައި ފީ މިޔަރު ކަނޑުން މައްޗަށް ފުންމުން އެކަށީގެންވާ ކަމަށް ވެސް ބެލެވެ އެވެ. 

އެކަމަކު، ރާއްޖޭގައި ހިނގި ހާދިސާގައި ފީ މިޔަރު ފުންމީ އެހެން ސަބަބަކާ ހެދި ކަމަށްވުން އެކަށީގެންވާ ކަމަށް އެ މަންޒަރު ފެނުނު މީހުން ބުނެ އެވެ. ފީ މިޔަރު ފުންމި ވަގުތު އެ ސޮރު ގައިގައި ކުޑަ މަހެއް ތަތްކޮށްލައިގެން އޮތެވެ. ފުންމުމުގެ ބޭނުމަކީ ކުޑަމަހާހެދި އުނދަގޫވެގެން އެ ފޮޅައިލުން ކަމަށްވުން އެކަށީގެންވާ ކަމަށް އެމީހުން ދެކެ އެވެ. 

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox