މޯލްޑިވްސް އިސްލާމިކް ބޭންކް (އެމްއައިބީ) އިން ޕްރޮމޯޝަނަލް ޖެނެރަލް އިންވެސްޓްމަންޓް އެކައުންޓް (ޖީއައިއޭ) ހުޅުވައިގެން ބޮޑު ރޭޓުގައި ފައިދާ ހޯދުމުގެ ފުރުސަތު ހުޅުވާލައިފި އެވެ.
އެމްއައިބީން ބުނީ ޖުލައި 30، ގެ ނިޔަލަށް ކުރިއަށްގެންދާނ މި އޮފާގައި ހާއްސަ އެޓްރެކްޓިވް ރޭޓުތަކެއް ވަނީ ކަނޑައަޅާފައި ކަމަށެވެ.
މި މުއްދަތުގައި ޕްރޮމޯޝަނަލް ޖީއައިއޭ އެކައުންޓް ހުޅުވައިގެން ކުރާ ޔޫއެސް ޑޮލަރު ޑިޕޮސިޓްތަކަށް ހަތަރު ޕަސަންޓުގެ އަންދާސީ ފައިދާގެ ރޭޓެއް ކަނޑައަޅާފައިވާއިރު، ދިވެހި ރުފިޔާ ޑިޕޮސިޓްތަކަށް 3.5 ޕަސަންޓުގެ އަންދާސީ ފައިދާގެ ރޭޓެއް އެމްއައިބީން ވަނީ ކަނޑައަޅާފަ އެވެ.
މި ހާއްސަ އިންޑިކޭޓިވް ޕްރޮފިޓް ރޭޓުތަކުގެ ބޭނުން ހިފުމަށްޓަކައި ކަސްޓަމަރުން ޖުލައި 30، ގެ ކުރިން އެކައުންޓް ހުޅުވައި، ފައިސާ ޖަމާކޮށް ނިންމަން ޖެހެ އެވެ. މި މުއްދަތަކީ މި އޮފާގެ އެންމެ ފަހު ސުންގަޑި އެވެ.
ޕްރޮމޯޝަނަލް ޖީއައިއޭ އެކައުންޓް ހުޅުވުމުގެ ފުރުސަތު އެމްއައިބީން ވަނީ ކަސްޓަމަރުންނަށް ވަރަށް ލުއިފަސޭހަކޮށްދީފަ އެވެ. އެގޮތުން ބޭންކުން ލިބެން ހުރި ޑިޖިޓަލް ޗެނަލްތައް މެދުވެރިކޮށް އޮންލައިންކޮށް ފަސޭހަކަމާއެކު ފޯމު ހުށަހެޅޭނެ އެވެ.
މީގެ އިތުރުން އެންމެ ކައިރީގައި ހުރި އެމްއައިބީގެ ބްރާންޗަކަށް ޒިޔާރަތްކޮށްގެން ވެސް މި ހާއްސަ ޕްރޮމޯޝަނަލް ޖީއައިއޭ އެކައުންޓް ހުޅުވުމުގެ އިންތިޒާމު ވަނީ އެ ބޭންކުން ހަމަޖައްސާފަ އެވެ.
