ވިދިވިދިގެން ފަސް ވަނަ އަހަރު، ސަބްސިޑީތަކަށް ތިން ބިލިއަން ރުފިޔާއައަށް ވުރެ ގިނައިން ސަރުކާރުން ހަރަދުކޮށްފައިވާ ފިނޭންސް މިނިސްޓްރީން އާންމުކޮށްފައިވާ ތަފާސްހިސާބުތަކުން ދައްކައިފި އެވެ.
ފިނޭންސުގެ އެންމެ ފަހުގެ ވީކްލީ ފިސްކަލް ޑިވެލޮޕްމަންޓް ރިޕޯޓުން ދައްކާ ގޮތުގައި، މިދިޔަ މަހުގެ 23 ވަނަ ދުވަހުގެ ނިޔަލަށް ސަބްސިޑީތަކަށް ވަނީ 3.1 ބިލިއަން ރުފިޔާ ހަރަދުކޮށްފަ އެވެ. މިއީ މި އަހަރަށް ކަނޑައެޅި 2.9 ބިލިއަން ރުފިޔާއަށް ވުރެ ވެސް އިތުރު، އަދި
ސަބްސިޑީ ބަޖެޓު ހުސްވެގެން އިތުރަށް ހަރަދުކުރަން ޖެހިފައިވާއިރު، މިއީ ފާއިތުވި އަހަރުތަކުގެ ގިނަ ބަޖެޓުތަކުން ފެނުނު ކަމެކެވެ. ފިނޭންސުގެ ރެކޯޑުތަކުން ދައްކާ ގޮތުގައި 2022 ގައި ސަބްސިޑީތަކަށް ކުރާ ހަރަދު ތިން ބިލިއަން ރުފިޔާއަށް އުފުލުނު ފަހުން، ކޮންމެ އަހަރެއްގައި އެ އަދަދު އަންނަނީ އިތުރުވަމުންނެވެ.
ސަބްސިިޑީތަކަށް މިހާ ބޮޑު ހަރަދެއް ކުރަން ޖެހިފައިވާއިރު، އެންމެނަށް ލިބޭ ގޮތަށް ސަބްސިޑީ ދިނުން ހުއްޓާލަން ބައިނަލްއަގުވާމީ މާލީ އިދާރާތަކުން ލަފާ ދެމުން އަންނަތާ ދަހަރުތަކެއް ވެއްޖެ އެވެ. މި ސަރުކާރު ހިމެނޭހެން ތިން ސަރުކާރެއްގައި ވަނީ މި ސިޔާސަތު ބަދަލުކުރަން މަސައްކަތްކޮށްފަ އެވެ. ނަމަވެސް އެއްވެސް ސަރުކާރަކަށް ބުނި ގޮތަށް އެ ސިޔާސަތު ތަންފީޒެއް ނުކުރެވެ އެވެ.
ސަބްސިޑީތަކަށް ކުރި ހަރަދު
- 2021 - 1.1 ބިލިއަން ރުފިޔާ
- 2022 - 3.6 ބިލިއަން ރުފިޔާ
- 2023 - 3.6 ބިލިއަން ރުފިޔާ
- 2024 - 3.9 ބިލިއަން ރުފިޔާ
- 2025 - 4.4 ބިލިއަން ރުފިޔާ
- 2026 (ޖޫން 23، އާ ހަމައަށް) - 3.1 ބިލިއަން ރުފިޔާ
އެންމެ ފަހުން މި ސަރުކާރުން ވަނީ މާހިރުންގެ ލަފަޔާ ހިލާފަށް، ބޭނުންޖެހިފައިވާ މީހުންނަށް އެކަނި ސަބްސިޑީ ދިނުމުގެ ސިޔާސަތު ދޫކޮށްލާފަ އެވެ. މިއީ މިދިޔަ އަހަރުގެ މެދުތެރެއިން ފެށިގެން ތަންފީޒުކުރާނެ ކަމަށް ސަރުކާރުން ބުނި ސިޔާސަތެކެެވެ. ބުނި ގޮތަށް ސަބްސިޑީ ސިޔާސަތު ބަދަލުނުކޮށް، ސަރުކާރުން ވަނީ ކަރަންޓު އުފެއްދުމުގެ އެފިޝަންސީ މަތިކޮށްގެން ސަބްސިޑީ ހަރަދުތައް ކުޑަކުރަން ނިންމާފަ އެވެ.
ސަބްސިޑީތަކަށް 3.1 ބިލިއަން ރުފިޔާ ހަރަދުކޮށްފި، ބޮޑު ބައެއް ތެލާއި ކަރަންޓަށް
މި އަހަރުގެ ސަބްސިޑީ ބަޖެޓު ހުސްވެ، ތެލާއި ކަރަންޓުގެ އަގު އުފުލުމާ ގުޅިގެން ސަބްސިޑީއަށް ކުރި ހަރަދު 3.1 ބިލިއަން ރުފިޔާއަށް އަރައިފި. މިއީ މިދިޔަ އަހަރާ އަޅާބަލާއިރު 86 އިންސައްތައިގެ އިތުރުވުމެއް ކަމަށް ފިނޭންސް މިނިސްޓްރީގެ ހިސާބުތަކުން ދައްކާ.
ސަބްސިޑީގެ ގޮތުގައި ބަޖެޓުން ހަރަދު ކުރާ ހުރިހާ ފައިސާއެއް ދަނީ ސަރުކާރު ހިއްސާވާ ކުންފުނިތަކަށެވެ. އެ ގޮތުން ތެލާއި ކާޑު ސަބްސިޑީ ދަނީ އެއްކޮށް އެސްޓީއޯއަށެވެ. ކަރަންޓާއި ނަރުދަމާގެ ސަބްސިޑީ ލިބެނީ ފެނަކަ އާއި ސްޓެލްކޯ އާއި އެމްޑަބްލިޔުއެސްސީއަށެވެ. ދަތުރުފަތުރުގެ ސަބްސިޑީ ލިބެނީ އެމްޓީސީސީއަށެވެ. ކުނި މެނޭޖުކުރުމުގެ ސަބްސިޑީ ލިބެނީ ވެމްކޯއަށެވެ. އަދި، މަސްވެރިކަމުގެ ސަބްްސިޑީ ލިބެނީ މިފްކޯއަށެވެ.
އޭގެ އިތުރުން ސަރުކާރުން ވަނީ ސޯޝަލް ހައުސިން ޕްރޮޖެކްޓުތަކުން ތަރައްގީކޮށްފައިވާ ފްލެޓުތަކުގެ އަގު ހެޔޮކުރަން ހައުސިން ސަބްސިޑީގެ ގޮތުގައި ވެސް ފައިސާ ހަރަދުކޮށްފަ އެވެ.
