މުއްދަތުގެ ތެރޭގައި އޮޑިޓް ރިޕޯޓް ހުށަނޭޅުމުން ތިން ޕާޓީއެއް ޖޫރިމަނާކޮށްފި

އިލެކްޝަންސް ކޮމިޝަނުން ބޭއްވި ބައްދަލުވުމެއްގެ ތެރެއިން -- ފޮޓޯ: އީސީ

އިލެކްޝަންސް ކޮމިޝަނުން ބޭއްވި ބައްދަލުވުމެއްގެ ތެރެއިން -- ފޮޓޯ: އީސީ

ކަނޑައަޅާފައި އޮތް މުއްދަތުގެ ތެރޭގައި އޮޑިޓް ރިޕޯޓް ހުށަނޭޅުމުން ތިން ސިޔާސީ ޕާޓީއެއް ޖޫރިމަނާކޮށްފައިވާ ކަމަށް އިލެކްޝަންސް ކޮމިޝަނުން ބުނެފި އެވެ. 

އިލެކްޝަންސް ކޮމިޝަނުގެ މެންބަރު ހަސަން ޒަކަރިއްޔާ އަދަދު އަށް ވިދާޅުވީ ކަނޑައަޅާފައި އޮތް މުއްދަތުގެ ތެރޭގައި އޮޑިޓް ރިޕޯޓް ހުށަނޭޅުމުން 50،000ރ. ގެ އަދަދަކުން ޖޫރިމަނާކުރީ މޯލްޑިވިއަން ޑިމޮކްރެޓިކް ޕާޓީ (އެމްޑީޕީ) އާއި މޯލްޑިވްސް ނެޝަނަލް ޕާޓީ (އެމްއެންޕީ) އަދި އަދާލަތު ޕާޓީ ކަމަށެވެ. 

ނަމަވެސް ކަނޑައަޅާފައި އޮތް މުއްދަތަށްވުރެ ފަހުން އެމްޑީޕީން އޮޑިޓް ރިޕޯޓް ހުށަހަޅާފައިވާއިރު، އެމްއެންޕީ އާއި އަދާލަތުން އަދިވެސް އޮޑިޓް ރިޕޯޓް ހުށަހަޅާފައި ނުވާ ކަމަށް ޒަކަރިއްޔާ ވިދާޅުވި އެވެ. 

ސިޔާސީ ޕާޓީތަކުގެ މިދިޔަ އަހަރުގެ އޮޑިޓް ރިޕޯޓްތައް ހުށަހަޅަން އިލެކްޝަނުން މުއްދަތު ދިނީ މެއި 20، ގެ ނިޔަލަށެވެ. އެ މުއްދަތުގެ ތެރޭގައި އޮޑިޓް ރިޕޯޓްތައް ހުށަހެޅީ ހަތަރު ޕާޓީއަކުންނެވެ. އެއީ ޖޭޕީ އާއި އެމްޑީއޭ އާއި ޕީއެންސީ އަދި ޕީއެންއެފް އިންނެވެ. 

އިލެކްޝަންސް ކޮމިޝަނުން އާންމުކޮށްފައިވާ އޮޑިޓު ރިޕޯޓުތަކަށް ބަލާއިރު، މިދިޔަ އަހަރު އެންމެ ބޮޑު ހަރަދެއް ކޮށްފައި ވަނީ، ރާއްޖޭގެ އެންމެ ބޮޑު ސިޔާސީ ދެ ޕާޓީ އެމްޑީޕީ އަދި ޕީއެންސީންނެވެ.

އިދިކޮޅު އެމްޑީޕީއަށް މިދިޔަ އަހަރު ޖުމުލަ އާމްދަނީގެ ގޮތުގައި 9.5 މިލިއަން ރުފިޔާ ލިބުނުއިރު، އޭގެ ތެރެއިން ބޮޑު ބަޔަކީ އިލެކްޝަންސް ކޮމިޝަނުން އެ ޕާޓީއަށް ދިން 8.4 މިލިއަން ރުފިޔާ އެވެ. އެ ޕާޓީގެ މިދިޔަ އަހަރުގެ އާމްދަނީގެ ތެރޭގައި ދެން ހިމެނެނީ އާންމު ފަރުދުންގެ ފަރާތުން އެހީގެ ގޮތުގައި ލިބުނު އެއް މިލިއަން ރުފިޔާ އާއި ކުންފުނިތަކުން އެހީގެ ގޮތުގައި ލިބުނު 57،095ރ. އެވެ.

އެމްޑީޕީއަށް މިދިޔަ އަހަރު ލިބުނު ޖުމުލަ އާމްދަނީގެ ތެރެއިން އެ ޕާޓީން ހަރަދުކޮށްފައި ވަނީ 8.3 މިލިއަން ރުފިޔާ އެވެ. އެންމެ ބޮޑު ހަރަދެއް އެމްޑީޕީން ކޮށްފައި ވަނީ މުސާރަ އާއި އިނާޔަތްތަކަށެވެ. މުސާރަ އާއި އިނާޔަތްތަކަށް އެމްޑީޕީން މިދިޔަ އަހަރު 3.1 މިލިއަން ރުފިޔާ ހަރަދުކުރިއިރު، ކުއްޔަށް 1.5 މިލިއަން ރުފިޔާ އެ ޕާޓީން ހަރަދުކޮށްފައިވެ އެވެ.

ވެރިކަން ކުރާ ޕީއެންސީއަށް މިދިޔަ އަހަރު ޖުމުލަ އާމްދަނީގެ ގޮތުގައި ލިބިފައި ވަނީ 14.1 މިލިއަން ރުފިޔާ އެވެ. އޭގެ ތެރެއިން 13.3 މިިލިއަން ރުފިޔާއަކީ އިލެކްޝަންސް ކޮމިޝަނުން ލިބުނު ފައިސާ އެވެ. ބާކީ 842،000ރ. އަކީ އަމިއްލަ ފަރާތްތަކުން އެހީގެ ގޮތުގައި ދީފައިވާ ފައިސާ އެވެ.

ޕީއެންސީއަށް ލިބުނު ޖުމުލަ އާމްދަނީގެ ތެރެއިން އެ ޕާޓީން މިދިޔަ އަހަރު ހަރަދުކޮށްފައި ވަނީ 9.1 މިލިއަން ރުފިޔާ އެވެ. އޭގެ ތެރެއިން 8.8 މިލިއަން ރުފިޔާ ޕީއެންސީން ހަރަދުކޮށްފައި ވަނީ އިދާރީ ކަންކަމަށެވެ. ޕާޓީ ޕްރޮމޯޓު ކުރުމަށް 376،062ރ. ޕީއެންސީން ހަރަދުކޮށްްފައިވެ އެވެ.

ޕީއެންސީން މިދިޔަ އަހަރު އެންމެ ބޮޑު ހަރަދެއް ކޮށްފައި ވަނީ ކުއްޔަށެވެ. މިދިޔަ އަހަރު އެ ޕާޓީން ކުއްޔަށް 3.1 މިލިއަން ރުފިޔާ ހަރަދުކޮށްފައިވެ އެވެ. އެ ޕާޓީގެ މުވައްޒަފުންނަށް މުސާރައިގެ ގޮތުގައި ހަރަދުކޮށްފައި ވަނީ 2.3 މިލިއަން ރުފިޔާ އެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox