މިނިސްޓަރު ދެއްވި ތާރީހު ފަހަނައަޅައި ދިޔައިރުވެސް އެޗްޕީއޭގެ މުވައްޒަފުން ދާއިމީ އޮފީހަށް ބަދަލެއް ނުކުރެވުނު

ހެލްތު މިނިސްޓަރު، ގީލާ އަލީ މަޖިލިސް މެންބަރުންގެ ސުވާލުތަކަށް ޖަވާބުދެއްވަނީ -- ފޮޓޯ: ރައްޔިތުންގެ މަޖިލިސް

ހެލްތު މިނިސްޓަރު، ގީލާ އަލީ މަޖިލިސް މެންބަރުންގެ ސުވާލުތަކަށް ޖަވާބުދެއްވަނީ -- ފޮޓޯ: ރައްޔިތުންގެ މަޖިލިސް

އާންމުންނާ ގުޅޭ ގިނަ ހިދުމަތްތަކެއް ދެމުން އަންނަ ހެލްތު ޕްރޮޓެކްޝަން އެޖެންސީ (އެޗްޕީއޭ) ގެ ދާއިމީ އޮފީހަށް އެ މުވައްޒަފުން ބަދަލުކުރާނެ ކަމަށް ހެލްތު މިނިސްޓަރު ގީލާ އަލީ ދެއްވި ތާރީހު ފަހަނައަޅައި ދިޔައިރުވެސް، އެ މުވައްޒަފުން ދާއިމީ އޮފީހަށް ބަދަލެއް ނުކުރެވުނެވެ.  

މި މަހު 8، ވަނަ ދުވަހު ބޭއްވި ރައްޔިތުންގެ މަޖިލިސް ޖަލްސާގައި ގީލާ ވިދާޅުވީ އެޗްޕީއޭގެ މުވައްޒަފުން މި މަހުގެ 15، ގައި ހުޅުމާލޭގައި ކަނޑައަޅާފައިވާ ވަކި ތަނަކަށް ބަދަލުކޮށް، އެކުގައި މަސައްކަތް ކުރެވޭނެ އިންތިޒާމު ހަމަޖައްސަމުންދާ ކަމަށެވެ. 

"އަޅުގަނޑުމެން އުންމީދު މިކުރަނީ މި މަހުގެ 15، ހާ ހިސާބުގައި ހުޅުމާލޭގައި ވަކި ހަމަ ތަނެއްގައި އެ މުވައްޒަފުން ބަދަލުކުރެވި، އެ މުވައްޒަފުން އެއް ތަނެއްގައި ތިބެގެން މަސައްކަތް ކުރެވެމުންދާނެ ކަމަށް،" މި މަހު 8، ގައި ގީލާ ވިދާޅުވި އެވެ. 

ނަމަވެސް އަދަދު އަށް އެނގިފައިވާ ގޮތުގައި އެޗްޕީއޭގެ މުވައްޒަފުން އަދިވެސް މަސައްކަތް ކުރަމުންދަނީ މާލޭގައި ހުންނަ ރޯޝަނީ ބިލްޑިންގެ އެކި ފްލޯތަކުގަ އެވެ. 

އެޗްޕީއޭގެ އައު އޮފީސް ހަދަމުންދާ ކަމަށް މައުލޫމާތު ލިބެނީ ހުޅުމާލެ ފޭސް 1 ގައި މީގެ ކުރިން އެސްޓީއޯއިން ސިޓީ ހޮޓަލެއް ތަރައްގީކުރަން ހެދި އިމާރާތުގަ އެވެ. ނަމަވެސް އެތަނަށް މުވައްޒަފުން ބަދަލުނުކޮށް ދިގުލައިގެންދަނީ ކީއްވެގެން ކަމެއް ސާފެއް ނުވެ އެވެ. 

އެޗްޕީއޭގެ މުވައްޒަފުން ކުރިން މަސައްކަތްކުރަމުންދިޔައީ ހުޅުމާލެ އޮރެންޖު ހިޔާގަ އެވެ. އެތަނުން އެ މުވައްޒަފުން ނެރުނީ މިދިޔަ އަހަރުގެ އޮކްޓޯބަރު ހިސާބުގަ އެވެ. އޭގެ ފަހުން މިހާތު ނުވަ މަހެއްހާ ދުވަސްވެފައިވާއިރު އެ މުވައްޒަފުން މަސައްކަތް ކުރަނީ އެކި ތަންތަނުގަ އެވެ. 

މިކަމުގެ މައުލޫމާތު އެނގޭ މީހަކު އަދަދު އަށް ބުނީ 100 އެއްހާ މުވައްޒަފުން އުޅޭ އެޗްޕީއޭގެ ދާއިމީ އޮފީހެއް ނެތުމުގެ ސަބަބުން އެތަނުން ފޯރުކޮށްދޭ ވޯކް ޕާމިޓް މެޑިކަލް އަދި ވެކްސިންއާ ގުޅޭ ހިދުމަތްތައް ލިބެނީ ކޮންތަނަކުންކަން ރައްޔިތުންނަށް ސާފުނުވާ ކަމަށެވެ. 

އޭނާ ބުނީ އެޗްޕީއޭގެ ހިދުމަތްތައް ހެލްތު މިނިސްޓްރީން މިވަގުތު ލިބޭނެ ކަމަށް ބުނި ނަމަވެސް، ހެލްތު މިނިސްޓްރީގައި އެޗްޕީއޭއަށް ހާއްސަކޮށްފައި ވަކި ފްލޯއެއް ވެސް ކަނޑައަޅާފައިނުވާ ކަމަށެވެ. އޭގެ ސަބަބުން ރައްޔިތުންނަށް ގިނަ ދަތިތައް ކުރިމަތިވަމުންދާ ކަމަށް އޭނާ ފާހަގަކުރި އެވެ. 

މީގެއިތުރުން އިތުރު މީހާކު އަދަދު އަށް ބުނީ ރާއްޖޭގައި މިހާރު ފެތުރެމުންދާ ހިމަބިހި ފެތުރެމުންދާ މި ދަނޑިވަޅުގައި މުވައްޒަފުންނަށް ދާއިމީ އޮފީހެއް ނުލިބުމުން ދިމާވެފައިވާ ގޮންޖެހުންތަކުގެ ސަބަބުން ބަލި ފެތުރުން ކޮންތްރޯލްކުރުމުގެ ކަންކަން ރަނގަޅަށް މެނޭޖު ނުކުރެވޭ ކަމުގެ ޝަކުވާ ވެސް ވަނީ އިތުރުވެފަ އެވެ. 

އޮރެންޖު ހިޔާއިން އެޗްޕީއޭގެ މުވައްޒަފުން ނުކުންނަން ޖެހުނީ އެތަނުގައި ފަންގަސް ޖަހައި ދެ މުވައްޒަފަކަށް އޭގެ އަސަރުކުރުމުގެ ސަބަބުންނެވެ. މަސައްކަތު މާހައުލުގެ ސަލާމަތާއި ސިއްހީ ރައްކާތެރިކަން ކަށަވަރުކުރުމުގެ ގާނޫނުގެ ދަށުން މުވައްޒަފުން ނުރައްކަލަށް  ހުށަހެޅޭ ތަންތަނުގައި އެ މުވައްޒަފުން ލައްވައި މަސައްކަތް ކުރުވުމަކީ މަނާ ކަމެކެވެ. 

އާންމު ސިއްހަތާ ގުޅުންހުރި ގިނަ މަސައްކަތްތައް ކުރާ އެޗްޕީއޭއަކީ ރާއްޖޭގައި ހުލުއިކަމާއެކު ފެތުރޭ ބަލިތަކާ ގުޅުންހުރި އެންމެހާ ކަންކަން ކުރަުން އަންނަ އޮފީސް ކަމަށްވާއިރު، އެތަނުގެ ވެބްސައިޓު އެެތައް މަހެއްވަންދެން ޑައުންވެފައި ހުރުމަށްފަހު އަޕްކުރީ މިދިޔަ މެއި މަހުގެ ތެރޭގަ އެވެ. ނަމަވެސް އެ ވެބްސައިޓު އަޕްޑޭޓެއް ނުކުރާއިރު، ގިނަ މައުލޫމާތު ނެތްކަންވެސް ފާހަގަކުރެވެ އެވެ. 

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox