ހިޔާ ފްލެޓްތަކުގެ ތެރެއިން ޓަވަރެއްގައި އެޕާޓްމަންޓެއްގައި މިއަދު މެންދުރުފަހު ނުރައްކާތެރި އަލިފާނުގެ ހާދިސާއެއް ހިނގައިފި އެވެ.
ފުލުހުން މައުލޫމާތު ދޭ ގޮތުގައި، އަލިފާން ރޯވާން މެދުވެރިވީ އެޕާޓްމަންޓުގެ ބަދިގެ ތެރޭގަ އެވެ. ހިޔާ ޓަވަރު އަށެއްގެ އެޕާޓްމަންޓެއްގައި ރޯވި އަލިފާންގަނޑު ވަނީ ސިފައިން ފުލުހުން ގުޅިގެން ނިއްވާލާފަ އެވެ.
އަލިފާނުގެ ސަބަބުން އެ އެޕާޓްމަންޓުގެ ބަދިގެއަށް ވަނީ ވަރަށް ބޮޑެތި ގެއްލުންތަކެއް ލިބިފަ އެވެ. ބަދިގޭގައި ހުރި ބައެއް ސާމާނުތައް ބޭނުން ނުކުރެވޭ ވަރަށް އަނދާފައިވާކަމަށް ފުލުހުން ބުނެ އެވެ. ނަމަވެސް، މި ހާދިސާގައި އެއްވެސް މީހަކަށް އަނިޔާއެއް ލިބިފައި ނުވެ އެވެ.
Advertisement
މި ހާދިސާ ހިނގަން މެދުވެރިވި ސަބަބު ދެނެގަތުމަށްޓަކައި ފުލުހުންނާއި ކަމާބެހޭ އިދާރާތަކުން މިހާރު ދަނީ މި މައްސަލަ އިތުރަށް ތަހުގީގު ކުރަމުންނެވެ.
