ނިއު ފައިނަލަށް، ފަހު ޖާގަ އަށް ވާދަކުރަނީ އޮޑި އާއި މާޒިޔާ

Jul 14, 2026, 1:37 PM
ނިއުގެ ކުޅުންތެރިން ބުރު ކޮޅަށް ލަނޑު ޖެހުމަށް ފަހު އުފާފާޅުކުރަނީ.

ނިއުގެ ކުޅުންތެރިން ބުރު ކޮޅަށް ލަނޑު ޖެހުމަށް ފަހު އުފާފާޅުކުރަނީ.

މިހާރު ކުރިއަށްދާ އެފްއޭއެމް 19 އަހަރުން ދަށުގެ ޔޫތު ޗެމްޕިއަންޝިޕްގެ ލީގު ބުރުގެ ގަދަ ދެ ޓީމުގެ ޖާގައެއް ކަށަވަރުކޮށް، ނިއު ރޭޑިއަންޓް ސްޕޯޓްސް ކްލަބުން މުބާރާތުގެ ފައިނަލަށް ދަތުރުކޮށްފި އެވެ. 

ހަ ޓީމު ވާދަކުރާ ޔޫތު ޗެމްޕިއަންޝިޕްގެ ލީގު ބުރުގައި ނިއު އިން ކުޅުނު ފަހު މެޗުގައި އިއްޔެ ވަނީ 2-0 އިން ބުރު ސްޕޯޓްސް ކްލަބް ބަލިކޮށްފަ އެވެ. މުބާރާތުގައި ރޭ ކުޅުނު މެޗުން ޓީސީ ސްޕޯޓްސް ކްލަބުން ވަނީ 5-2 އިން ވ. ކެޔޮދޫ އަތުން މޮޅުވެފަ އެވެ. 

އެފްއޭއެމް 19 އަހަރުން ދަށުގެ މުބާރާތުގެ ފޯމެޓް ރޭވިފައި އޮތީ، ލީގު ބުރު ނިމޭއިރު، އެންމެ މަތިން ޕޮއިންޓް ހޯދާ ދެ ޓީމެއް ފައިނަލަށް ދާ ގޮތަށެވެ.

Advertisement

ލީގު ބުރުގެ ތާވަލަށް ބަލާއިރު، މި ވަގުތު އެއް ވަނައިގައި ނިއު އޮތީ ފަސް މެޗު ކުޅެގެން 11 ޕޮއިންޓާ އެކުގަ އެވެ. ދެ ވަނައިގައި އޮތް މާޒިޔާ އާއި ތިން ވަނައިގައި އޮތް އޮޑި ސްޕޯޓްސް ކްލަބަށް ހަތަރު މެޗުން 10 ޕޮއިންޓް ލިބިފައިވާއިރު، ލީގު ބުރުގެ ފަހު މެޗުގައި ކުޅެނީ އޮޑި އާއި މާޒިޔާ އެވެ. އެ މެޗުން މޮޅުވާ ޓީމަކަށް ފައިނަލުގެ ފަހު ޖާގަ ލިބޭނެ އެވެ. އެއްވަރުވެއްޖެނަމަ، އެ ޖާގަ ލިބޭނީ މާޒިޔާ އަށެވެ. އެއީ، އެއްވަރުވެއްޖެ ހާލަތެއްގައި، ނިއު އާއި މާޒިޔާ އަދި އޮޑި އަށް ވެސް 11 ޕޮއިންޓް ލިބި ލަނޑުގެ ތަފާތަށް ބަލާއިރު، ކުރި ލިބޭނީ ނިއު އާއި މާޒިޔާ އަށް ކަމަށްވާތީ އެވެ. 

ނިއު އިން ކުޅުނު ފަހު މެޗުގައި، ބުރު ކޮޅަށް އެ ޓީމުގެ ފުރަތަމަ ލަނޑު ޖެހީ، ހަ ވަނަ މިނިޓްގައި، މުހައްމަދު އިޒާން އަލީ އެވެ. އެއް ގޯލުގެ ލީޑެއްގައި ނިއު އިން މެޗުގެ ބޮޑުބައި ކުރީގައި އޮތްއިރު، އެ ޓީމުން ދެ ވަނަ ލަނޑު ޖެހީ މެޗުގެ ފަހުކޮޅުގަ އެވެ. އެ ގޮތުން، މެޗުގެ ފުރިހަމަ ވަގުތު ހަމަވާން ނުވަ މިނިޓަށް ވެފައި ހުއްޓައި، ނިއުގެ ދެ ވަނަ ލަނޑު ޖެހީ، 81 ވަނަ މިނިޓްގައި، ޒާކީ މުޖުތަބާ ޒާހިރު އެވެ. 

ނިއު އިން ފައިނަލް މެޗު ކުޅޭނެ ޓީމެއް ކަނޑައެޅޭނީ މިއަދު މާޒިޔާ އާއި އޮޑިން ކުޅޭ ލީގު ބުރުގެ ފަހު މެޗަށް ފަހު އެވެ. ފައިނަލް މެޗު އޮތީ ހުކުރު ދުވަހުގެރޭގަ އެވެ. 

ލީގު ބުރުގެ ހަތަރެއްގައި ނިންމި ބުރު އާއި ފަހެއްގައި ނިންމި ޓީސީ އަދި ފުލަށް ދިޔަ ކެޔޮދޫ އަށް ވެސް ލިބުނީ ހުރިހާ މެޗެއް ނިމުނުއިރު ތިން ޕޮއިންޓެވެ. ޓީސީން ފަހު މެޗުގައި ކެޔޮދޫ އަތުން މޮޅުވިއިރު، ލަނޑުތައް ޖެހީ، ނައްވާފު އަބްދުﷲ ނަޝީދު ދެ ގޯލުގެ އިތުރުން، މުހައްމަދު ޔަނާލް ޔާސިރު އާއި އަލީ ހައިޒޫމް ހަސަން އެވެ. ކެޔޮދޫގެ ލަނޑުތައް ޖެހީ، އަޒްޔާން އާދަމް ރަޝީދު އާއި ހުސެއިން ކިނާން އަޝްރަފް އެވެ. 

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox