މިއީ އަދަދު ނޫހުގައި އަލަށް ފަށާ ސެގްމެންޓެކެވެ. ކޮންމެ އާދީއްތަ ދުވަހަކު މި ސެގްމެންޓުގެ އާ ސުވާލެއް ކިޔުންތެރިންނާ ހަމައަށް އަންނާނެ އެވެ. މީގެ މަގުސަދަކީ އަދަދުގެ ކިޔުންތެރިންގެ މައުލޫމާތު މުއްސަނދިކުރުމެވެ. އާންމު މައުލޫމާތު އޮޅުންފިލާފައިވާ ބަޔަކަށް ހެދުމެވެ. ތާރީހާއި، ސަގާފަތާއި، ސައިންސާއި އެހެން ދާއިރާތަކުން ވެސް ލުއި ސުވާލުތަކުން ކިޔުންތެރިންގެ މައުލޫމާތު މުއްސަނދިކޮށްދިނުމެވެ.
މި ޖުލައި މަހަކީ ދިވެހިރާއްޖޭގެ 61 ވަނަ މިނިވަން ދުވަސް ފާހަގަކުރާ ޖުލައި މަހެވެ. ޖުލައި 26، 1965 ގައި ރާއްޖޭގެ އުދަރެހުން އަޅުވެތިކަމުގެ ބޯވިލާތައް ފިލައި، މިނިވަންކަމުގެ ރަން ދޯދިތަކުން މުޅި ދިވެހި ފަސްގަނޑު އަލިވެގެންދިޔަ އެވެ. އެހެންކަމުން، މި މުނާސަބަތާ ގުޅުވައިގެން، މި މަހުގެ ސުވާލުތައް ހާއްސަކޮށްލާނީ ދިވެހިރާއްޖޭގެ ތާރީހާއި މިނިވަންކަމުގެ ޖިހާދުގެ މައްޗަށެވެ.
މި ސެގްމެންޓުގެ ފުރަތަމަ ސުވާލު ތިރީގައި އެވަނީ އެވެ.
