ފިޔޯރީގެ 9 މޭލު ބޭރުން އަތުލި އިރާންގެ ދެ ބޯޓު ދޫކޮށްލައިފި

Jun 26, 2026, 3:52 PM
މިއަދު އެމްއެންޑީއެފުން ދޫކޮށްލި އިރާނުގެ ބޯޓެއް

މިއަދު އެމްއެންޑީއެފުން ދޫކޮށްލި އިރާނުގެ ބޯޓެއް

ދިވެހިރާއްޖޭގެ ހާއްސަ އިގުތިސާދީ ކަނޑުގެ ސަރަހައްދުން ދަތުރުކުރަމުން ދަނިކޮށް، ގދ. ފިޔޯރީގެ 9 ނޯޓިކަލް މޭލު ބޭރުން އިއްޔެ އަތުލި އިރާނުގެ ދެ މަސްބޯޓު މިއަދު ހެނދުނު ދޫކޮށްލައިފި އެވެ. 

އެމްއެންޑީއެފްއިން ބުނީ މި ބޯޓުތަކުން ގާނޫނާއި ގަވާއިދާ ހިލާފު އެއްވެސް އެއްޗެއް ފެނިފައި ނުވާތީ އެ ދެ ބޯޓު ދޫކޮށްލީ ކަމަށެވެ. 

އެމްއެންޑީއެފް ސަދަން އޭރިއާ ކޮމާންޑް، ކޯސްޓްގާޑް ފޯތު ސްކޮޑްރަނުން މި ދެ އުޅަނދު ހުއްޓުވައި ބަލާފާސްކޮށްފައިވަނީ ގދ. އަތޮޅާއި ފުވައްމުލަކާ ދޭތެރޭ އޮންނަ އިކްއެޓޯރިއަލް ޗެނަލް ތެރެއިން ކަމަށާއި މި ބޯޓުތައް އިރުން ހުޅަނގަށް ދަތުރުކުރަމުން ދަނިކޮށް ހުއްޓުވީ، އެ ސަރަހައްދުގައި މަސްވެރިކަން ކުރަން އުޅުނު އުޅަނދަކުން ރިޕޯޓްކުރުމާ ގުޅިގެން ކަމަށް އެމްއެންޑީއެފުން ބުންޏެވެ.

އެ ރިޕޯޓް ލިބުމާއެކު ކޯސްޓްގާޑާއި މޯލްޑިވްސް ޕޮލިސް ސަރވިސް ގުޅިގެން ހިންގި އޮޕަރޭޝަނެއްގައި އެ އުޅަނދުތައް ހުއްޓުވައި ބަލައި ފާސްކުރި ނަމަވެސް، ޝައްކުކުރެވޭ ފަދަ އެއްވެސް އެއްޗެއް ފެނިފައެއް ނުވާ ކަމަށް އެމްއެންޑީއެފުން ބުންޏެވެ. 

އެމްއެންޑީއެފްއިން ބުނި ގޮތުގައި މި ކަނޑުއޮޅިއަކީ ބައިނަލްއަގުވާމީ ގޮތުން ކަނޑު ދަތުރުފަތުރުކުރުމުގައި އާންމުކޮށް ރާއްޖޭގެ ސަރަހައްދު ހުރަސްކުރުމަށް ބޭނުންކުރާ ސަރަހައްދެކެވެ.

މި ބޯޓު އެމްއެންޑީއެފުން ހުއްޓުވައި ގދ. ތިނަދޫ ބޭރަށް ގެންދިޔަ އެވެ. 

މިކަމާ ގުޅިގެން އިތުބާރު ކުރެވޭ މަސްދަރަކުން ބުނީ، މި ދެ އުޅަނދަކީ އިންޑިއާ ކަނޑުގެ ސަރަހައްދުގައި ޑްރަގް ޓްރެފިކް ކުރާ ކަމަށް ތުހުމަތު ކުރެވޭ ދެ އުޅަނދު ކަމަށެވެ. 

"އޭގެ އެއްވެސް އުޅަނދެއްގައި މަހެއް ނެތް. މަސްވެރިކަން ކުރަންދަލެއް އޮތް. މިއީ ގާނޫނާ ހިލާފު ހަރަކާތްތަކެއް ހިންގާ ކަމަށް ވަރަށް ބޮޑަށް ތުހުމަތު ކުރެވޭ އުޅަނދުތަކެއްކަން ބެލެވޭ،" އޭނާ ބުންޏެވެ.

"އެހެންވެ، ރާއްޖޭގެ ސަރަހައްދަށް ހުއްދަ ނެތި ވަނުމުން އެކަން މަސްވެރިކަމާ ގުޅޭ ގާނޫނުގެ ދަށުން ވެސް ތަހުގީގު ކުރެވިދާނެ ވެރިން ބޭނުން ނަމަ." 

މި ބޯޓުތަކުގައި ޒަމާނީ މުއާސަލާތީ ވަސީލަތްތަކާއި، ސްޓާލިންކް ސެޓެލައިޓް ބަހައްޓައިގެން އިންޓަނެޓުގެ ހިދުމަތް ވެސް ހޯދަމުންދާ ކަމަށް އެ މަސްދަރުން ކަށަވަރުކޮށްދެއެވެ.

ބޯޑަރު ބެލެހެއްޓުން ދޯހަޅިވެ ގޮތް ނޭނގޭ ދެ ބޯޓެއް ވަގަށް ވަދެފައިވާކަން ސިފައިންނަށް އެނގުނީ ހަފުތާއެއް ފަހުން

ހުއްދަނެތި ރާއްޖޭގެ ކަނޑުގެ ސަރަހައްދަށް ވަދެ، މާލެ ކައިރީގައި ދެ އުޅަނދެއް ބަނދަރުކޮށްގެން އޮންނަތާ ހަފުތާއެއްވީ ފަހުން ސަލާމަތީ ހިދުމަތްތަކަށް އެކަން އެނގިއްޖެއެވެ. އިންޑިއާގެ ކެޕްޓަނުން ތިބި މި ދެ އުޅަނދު ފާސްކޮށްފައިވާއިރު، މި ހާދިސާއާ ގުޅިގެން ރާއްޖޭގެ ބޯޑަރު ބެލެހެއްޓުމުގެ ނިޒާމާ މެދު ވަނީ ސުވާލުތަކެއް އުފެދިފައެވެ.

ރާއްޖޭގެ ސަރަހައްދުތައް ބަލަހައްޓަން ރާޑަރުތައް ހަރުކޮށް، އަދި މިފަހުން އަސްކަރީ ޑްރޯންތައް ގެނެސްފައިވާއިރު، މީގެ ދުވަސްކޮޅެއްގެ ކުރިން ވެސް މާލޭ ސަރަހައްދަށް ވަގަށް ވަދެ ދެ ބޯޓެއް ބަނދަރުކޮށްފައި އޮތްކަން އެނގުނީ، އެތަކެތި އޮންނަތާ ހަފުތާއެއް ފަހުންނެވެ.

މިފަހަރު ވެސް އިރާނުގެ ބޯޓުތައް ފާހަގަކޮށް ރިޕޯޓްކުރީ ސަރަހައްދީ ރާޑަރުތަކުން ނުވަތަ ސާވައިލަންސްގެ ތެރެއިންނެއް ނޫނެވެ. އެއީ އެ ސަރަހައްދުގައި މަސްވެރިކަން ކުރަން އުޅުނު ދިވެހި މަސްދޯންޏަކުންނެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox