ބޯޑަރުގެ ސަލާމަތީ ކަންކަން ވަރުގަދަ ކުރަން ޖަޕާނު ސަރުކާރުން އެހީގެ ރާއްޖޭގެ ފޭޝަލް ރެކޮގްނިޝަން ސިސްޓަމެއް ހަދިޔާކޮށްފި އެވެ.
ޖަޕާނު ސަރުކާރުގެ ފަރާތުން މި ސިސްޓަމް ރާއްޖެއާ ހަވާލުކޮށްދެއްވީ ޖަޕާނުން ރާއްޖެއަށް ކަނޑައަޅާފައި ހުންނަ ސަފީރު، އިޝިގާމީ ރޫމިކޯ އެވެ.
އިމިގްރޭޝަނުން ބުނި ގޮތުގައި މި ފޭޝަލް ރެކޮގްނިޝަން ސިސްޓަމްގެ ސަބަބުން ބޯޑަރު މެނޭޖުމަންޓޫ ހަރުދަނާވެ، އައިޑެންޓިޓީ ވެރިފިކޭޝަން އިތުރުވެ، ފަސިންޖަރުން އެފިޝަންސީ ރަނގަޅު ވާނެ ކަމަށެވެ.
ރަސްމީކޮށް މި ނިޒާމާ ހަވާލުވާން ބޭއްވި ރަސްމިއްޔާތަށް ފަހު ޖަޕާނު ސަފީރު އަރިހުގައި ހޯމް މިނިސްޓަރު އަލީ އިހުސާނާއި އިމިގްރޭޝަން ކޮންޓްރޯލަރު އަހުމަދު ފަސީހު ވަނީ އާ ޓާމިނަލަށް ވަޑައިގެން، މި ނިޒާމު ބޭނުންކުރަމުންދާ ތަން ބައްލަވާލައްވާފަ އެވެ.
އެ ތަނުގައި އިމިގްރޭޝަން އޮފިސަރުން ވަނީ މި ނިޒާމުގެ ލައިވް ޑެމޮންސްޓްރޭޝަނެއް ކުރިއަށް ގެންގޮސްފަ އެވެ. އިމިގްރޭޝަނުން ބުނީ މި ޑެމޮންސްޓްރޭޝަންގައި އެ ނިޒާމުގެ ބޭނުންކޮށްގެން ރައްކާތެރި އަދި އެފިޝެންޓް އިމިގްރޭޝަން ކްލިއަރަންސްއަށް އެހީތެރިވުމުގައި އޭގެ ބޭނުން ދައްކާލާފައިވާ ކަމަށެވެ.
