ޝަމްއާންގެ ފޯނުގައި ހުރިކަމަށް ބުނި ކޮރަޕްޝަންގެ ހެކީގެ މައުލޫމާތު ހިއްސާކޮށްފައެއް ނެތް: ފުލުހުން

އިމިގްރޭޝަންގެ ކުރީގެ ކޮންޓްރޯލަރު، މުހައްމަދު ޝަމްއާން ވަހީދު؛ އޭނާގެ މައްޗަށް ދައުލަތުން އުފުލި ތިން ދައުވާ ވެސް ސާބިތުވާ ކަމަށް ކަނޑައަޅައި 25 އަހަރަށް ޖަލަށް ލުމަށް ކްރިމިނަލް ކޯޓުން ވަނީ ހުކުމްކޮށްފައި --

އިމިގްރޭޝަންގެ ކުރީގެ ކޮންޓްރޯލަރު، މުހައްމަދު ޝަމްއާން ވަހީދު؛ އޭނާގެ މައްޗަށް ދައުލަތުން އުފުލި ތިން ދައުވާ ވެސް ސާބިތުވާ ކަމަށް ކަނޑައަޅައި 25 އަހަރަށް ޖަލަށް ލުމަށް ކްރިމިނަލް ކޯޓުން ވަނީ ހުކުމްކޮށްފައި --

މަގާމުގެ ނުފޫޒު ނަގަމަ ގޮތުގައި ބޭނުންކޮށްގެން ބިދޭސީއެއްގެ އަތުން ފައިސާ ފޭރުނު ކަމަށް ސާބިތުކޮށް 25 އަހަރުގެ ޖަލު ހުކުމެއް އިއްވާފައިވާ އިމިގްރޭޝަންގެ ކުރީގެ ކޮންޓްރޯލަރު، ޝަމްއާން ވަހީދުގެ ފޯނުގައި ހުރި ކަމަށް ބުނާ ކޮރަޕްޝަންގެ ހެކީގެ މައުލޫމާތު ފުލުހުންނާ ހިއްސާކޮށްފައި ނުވާ ކަމަށް ފުލުހުން ބުނެފި އެވެ.

ޝަމްއާންގެ މައްޗަށް ދައުލަތުން އުފުލި ދައުވާތަކަކީ އޭނާ ފްރޭމް ކުރުމަށްޓަކައި އުފައްދާފައިވާ ކަންތައްތަކެއް ކަމަށް ބުނެ އޭނާ ކުރި ތުހުމަތުތަކަށް ރައްދު ދިނުމަށް ފުލުހުން މިއަދު ނެރުނު ބަޔާނުގައި ބުނީ ފުލުހުންގެ އަތުގައި އޮތް ޝަމްއާންގެ ފޯނުގެ ޕާސްވޯޑު ވެސް އެއްވެސް އިރެއްގައި ފުލުހުންނަށް އޭނާ ދީފައި ނުވާ ކަމަށެވެ.

"ޖޫން 9، 2026 ވަނަ ދުވަހު މުހައްމަދު ޝަމްއާން، ފުލުހުންގެ ބެލުމުގެ ދަށުގައި އޮތް އޭނާގެ ފޯނުގައި ކޮރަޕްޝަނާ ގުޅޭ ހެކި ހުރި ކަމަށް މީޑިއާ މެދުވެރިކޮށް ބުނި ނަމަވަސް، ތަހުގީގުގެ އެއްވެސް މަރުހަލާއެއްގައި އަދި ޑިސެމްބަރު 25، 2025 ވަނަ ދުވަހު މުހައްމަދު ޝަމްއާން ވަހީދު ބަންދުން ދޫކޮށްލިފަހުން މިނިވަނެއްގެ ގޮތުގައި އުޅުނުއިރު ވެސް އެފަދަ އެއްވެސް މައުލޫމާތެއް ފުލުހުންނާ ހިއްސާކޮށްފައެއް ނުވެ އެވެ،" ފުލުހުން ބަޔާނުގައި ބުންޏެވެ.

Advertisement

ކޮރަޕްޝަންގެ ވާހަކަ ހެއްކާ އެކު ދެންނެވުމުން ރައީސް ވިދާޅުވީ ޒާތީ ވަނީ ކަމަށް: ޝަމްއާން

ބިދޭސީން ގެނައުމުގެ ކޯޓާ އާއި ވޯކް ޕާމިޓް ދޫކުރުމުގައި ހޯމް މިނިސްޓަރު އިހުސާން ކޮރަޕްޝަން ހިންގާ ކަމުގެ ހެކި ރައީސް މުއިއްޒަށް ހުށަހެޅުމުން، އެއީ ޒާތީ ކަމެއް ކަމަށް ރައީސް ވިދާޅުވި ކަމަށް ކުރީގެ އިމިގްރޭޝަން ކޮންޓްރޯލަރު ޝަމްއާން ވިދާޅުވެއްޖެއެވެ. ޝަމްއާން މިހެން ވިދާޅުވީ އޭނާގެ މައްޗަށް އުފުލާފައިވާ ޖިނާއީ ދައުވާތަކުގެ ހުކުމް ކުރުމުގެ ކުރިން ސޯޝަލް މީޑިއާގައި ކުރެއްވި ޕޯސްޓެއްގައެވެ.

އެ ބަޔާނުގައި ބުނީ ފުލުހުން ހިންގާ ތަހުގީގުތަކަކީ އެއްވެސް ފަރާތެއް ނުފޫޒެއް ނެތި ވަކި ފަރާތަކަށް ނުޖެހި ގާނޫނީ އިޖުރާއަތްތަކާ އެއްގޮތަށް ކުރިއަށް ގެންދާ ތަހުގީގުތަކެއް ކަމަށެވެ.

އަދި، ޖިނާއީ ކުށެއް ހިނގާފައިވާ ކަމަށް ބުނެ ކުރެވޭ ކޮންމެ ތުހުމަތަކާ ގުޅޭގޮތުން ވެސް އެކަށީގެންވާ ހެއްކެއް ނުވަތަ މައުލޫމާތެއް އެ މުއައްސަސާއަށް ހުށަހަޅައިފި ނަމަ އެ މައްސަލައެއް ތަހުގީގު ކުރާނެ ކަމަށް އެ ބަޔާނުގައި ބުންޏެވެ.

"ކޯޓަކުން ނިންމާފައިވާ ނިންމުމަކާމެދު އެއްވެސް ފަރާތަކުން ހިތްހަމަނުޖެހޭނަމަ ނުވަތަ އެ ނިންމުނެއް މުރާޖައާ ކުރަންޖެހޭ ކަމަށް ދެކޭނަމަ، އެކަމަށް އޮންނަ ގާނޫނީ ހައްލަކީ ޝަރުއީ ނިޒާމުގެ ތެރެއިން ލިބިދޭ އިސްތިއުނާފު ކުރުމުގެ ހައްގުގެ ބޭނުން ކުރުން ކަމަށް ދިވެހި ފުލުހުންގެ ހިދުމަތުން ދެކެމެވެ،" ފުލުހުންގެ ބަޔާނުގައި ބުންޏެވެ.

ޝަމްއާންގެ ތުހުމަތުތައް ދޮގުކޮށް ފުލުހުން ބުނީ ތަހުގީގު ކުރިއަށް ގެންދިޔައީ އިޖުރާއަތްތަކާ އެއްގޮތަށް ކަމަށް

އިމިގްރޭޝަންގެ ކުރީގެ ކޮންޓްރޯލަރު ޝަމްއާން ވަހީދު ފްރޭމްކޮށްފައިވާ ކަމަށް ކުރާ ތުހުމަތުތައް ދޮގުކޮށް، އެ މައްސަލަ ތަހުގީގުކުރީ އެއްވެސް ނުފޫޒެއް ނެތި ގާނޫނީ އިޖުރާއަތްތަކާ އެއްގޮތަށް ކަމަށް ފުލުހުން ބުނެފިއެވެ.

ފުލުހުން މިއަދު ނެރުނު ބަޔާނުގައި އިތުރަށް ބުނީ، ޝަމްއާންގެ މައްޗަށް އެ މުއައްސަސާއިން ތަހުގީގު ހިންގާފައި ވާނީ އިޖުރާއަތްތަކާ އެއްގޮތަށް ކަމަށެވެ. އަދި ތަހުގީގުގައި ނިންމުންތައް ނިންމާފައި ވާނީ ވެސް ތަހުގީގަށް ލިބުނު މައުލޫމާތަށް ބިނާކޮށް ކަމަށެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox