ގައުމީ އެތުލެޓިކްސް މުބާރާތުގެ އެންމެ މޮޅު އެތުލީޓުންގެ މަގާމު ޝާޔާ އާއި ނާއިކް އަށް

Jun 20, 2026, 7:16 PM
ގައުމީ އެތުލެޓިކްސް މުބާރާތުގެ އެންމެ މޮޅު އަންހެން އެތުލީޓުގެ މަގާމު ޝާޔާ ހޯދިއިރު، އެންމެ މޮޅު ފިިރިހެން އެތުލީޓަކީ ނާއިކް.--- ފޮޓޯ: އިމޭޖަސް.އެމްވީ

ގައުމީ އެތުލެޓިކްސް މުބާރާތުގެ އެންމެ މޮޅު އަންހެން އެތުލީޓުގެ މަގާމު ޝާޔާ ހޯދިއިރު، އެންމެ މޮޅު ފިިރިހެން އެތުލީޓަކީ ނާއިކް.--- ފޮޓޯ: އިމޭޖަސް.އެމްވީ

 މިއަދު ނިމިގެންދިޔަ، 35 ވަނަ ގައުމީ އެތުލެޓިކްސް މުބާރާތުގެ އެންމެ މޮޅު އަންހެން އަދި ފިރިހެން އެތުލީޓުންގެ މަގާމު، ޓްރެކް އެންޑް ފީލްޑް އެެސޯސިއޭޝަންގެ ޔޫސުފް ނާއިކް ވަޖީހު އާއި އައިޝަތު ޝާޔާ ޝަފީއު އަށް ލިބިއްޖެ އެވެ.

ޝާޔާ ވަނީ މި އަހަރު ފުރަތަމަ ބޭއްވި އެސޯސިއޭޝަން ޗެމްޕިއަންޝިޕްގެ ވެސް އެންމެ މޮޅު އަންހެން އެތުލީޓުގެ މަގާމު ހޯދައިފަ އެވެ. އޭނާ ވަނީ މި ފަހަރުގެ ގައުމީ މުބާރާތުގައި، ބޮޑު ކުރިއެރުމަކާ އެކު ރާއްޖޭގެ ގައުމީ ޝޮޓް ޕުޓް އުކުމުގެ ގައުމީ ރެކޯޑް މުގުރާލައިފަ އެވެ.

ބޮޑު ކުރިއެރުމަކާ އެކު ޝާޔާ، ޝޮޓް ޕުޓް އުކުމުގެ ގައުމީ ރެކޯޑް މުގުރާލައިފި

35 ވަނަ ގައުމީ އެތުލެޓިކްސް މުބާރާތުގައި 10.20 މީޓަރު ދުރަށް ޝޮޓް ޕުޓް އުކައިގެން، އައިޝަތު ޝާޔާ ޝަފީއު ރާއްޖޭގެ ގައުމީ ރެކޯޑް އާކޮށްފި މިއީ މިދިޔަ އަހަރު އޭނާ ހެދި 9.80 މީޓަރުގެ ރެކޯޑަށް ވުރެ 40 ސެންޓިމީޓަރުގެ ކުރިއެރުމެއް. ޝާޔާގެ އަމާޒަކީ ބައިނަލްއަގުވާމީ ފެންވަރުގައި ވާދަކޮށް، 11 މީޓަރަށް ވުރެ ދުރަށް އުކައިގެން އިތުރު ކާމިޔާބީތައް ހޯދުން

މީގެ ކުރިން، މިދިޔަ އަހަރުގެ ގައުމީ މުބާރާތުގައި ޝާޔާ އެ ރެކޯޑް އާ ކުރީ، 9.80 މީޓަރު ދުރަށް އެއްލައިގެންނެވެ. މިއަދު ކުރިއަށްދިޔަ ގައުމީ އެތުލެޓިކްސް މުބާރާތުގައި ޝާޔާ އެ ރެކޯޑް މުގުރާލީ، އިތުރު 40 ސެންޓިމީޓަރު ދުރަށް އެއްލައި، 10.20 މީޓަރަށް ކުރިއަށް ޖައްސާލައިގެންނެވެ.  ޝާޔާ ވަނީ ގައުމީ މުބާރާތުގެ ޑިސްކަސް އުކުމުން ވެސް ރަން މެޑަލް ހޯދައިފަ އެވެ. އެއި، 29.70 މީޓަރު ދުރަށް އެއްލައިގެންނެވެ. 

ޝޮޓްޕުޓްގައި ޝާޔާގެ ފަހަތުން ދެ ވަނަ އަށް ދިޔަ، ޓްރެކް އެންޑް ފީލްޑް އެސޯސިއޭޝަންގެ އައިޝާ އައިލީން އަހުމަދު ވަނީ 8.76 މީޓަރު ދުރަށް އެއްލައިފަ އެވެ. އަދި، ތިން ވަނަ އަށް ދިޔަ، އައިޝަތު އައިނީ މުހައްމަދު ވަނީ 8.03 މީޓަރު ދުރަށް އެއްލައިފަ އެވެ.  އަދި ޑިސްކަސް އިވެންޓުގައި، ދެ ވަނަ އަށް ދިޔަ އައިނީ ވަނީ 25.77 މީޓަރު ދުރަށް އެއްލައިފަ އެވެ. އަދި، ތިން ވަނަ ހޯދި އައިޝަތު ލީން ވަނީ 21.87 މީޓަރު ދުރަށް އެއްލައިފަ އެވެ. 

މިދިޔަ އަހަރުގެ އެތުލެޓިކްސް އެސޯސިއޭޝަން ޗެމްޕިއަންޝިޕްގެ ހައި ޖަމްޕް އިވެންޓްގައި ވާދަކޮށް އޭރު 16 އަހަރުގެ ނާއިކް، 16 އަހަރުވީ ރާއްޖޭގެ ފިރިހެން ހައި ޖަމްޕް ގައުމީ ރެކޯޑް މުގުރާލި އެވެ. ނާއިކް، އެ ފަަހަރު، އެ ރެކޯޑް މުގުރާލީ 1.88 މީޓަރު މަތިން ފުއްމައިގެންނެވެ. މި ފަހަރުގެ ގައުމީ މުބާރާތުގައި ނާއިކް ވަނީ އެ ރެކޯޑް އަލުން އާ ކޮށްފަ އެވެ. އެއީ، 1.91 މީޓަރު މައްޗަށް ފުއްމަައިގެންނެވެ. 

ހައި ޖަމްޕް އިވެންޓުން ދެ ވަނަ ހޯދި ލޫތު ބިން އަލީ ޝަރީފް ވަނީ 1.65 މީޓަރު މަތިން ފުއްމައިފަ އެވެ. އަދި، ތިން ވަނަ ހޯދި އީސާ ޖާހިޒު އަޖުހަދު ވަނީ 1.60 މީޓަރު މަތިން ފުއްމައިފަ އެވެ.

ޓްރިޕަލް ޖަމްޕު އިވެންޓްގައި ވާދަކޮށް ނާއިކް ދިޔައީ ދެ ވަނަ އެވެ. އެއީ، 12،25 މަތިން ފުއްމައިގެންނެވެ. އެއް ވަނަ އަށް ދިޔަ، މުހައްމަދު ޖައިލަމް ވަލީދު ވަނީ 12.68 މީޓަރުން. ފުއްމައިފަ އެެވެ. ތިން ވަނަ ހޯދި އީސާ ޝަފީއު ފުންމީ 12.10 މީޓަރުންނެވެ. ލޯންގް ޖަމްޕް އިވެންޓުން ނާއިކް ދިޔައީ ތިން ވަނަ އެވެ. 

މި ފަހަރުގެ ގައުމީ އެތުލެޓިކްސް މުބާރާތުގެ އެންމެ މޮޅު އަންހެން އަދި ފިރިހެން ކްލަބަކީ ވެސް ދިވެހި ސިފައިންގެ ކްލަބް އެވެ.  ފިރިހެން ބައިން ސިފައިން ވަނީ 253.5 ޕޮއިންޓް ސްކޯކޮށްފަ އެވެ. ދެ ވަނަ އަށް ދިޔަ ޓްރެކް އެންޑް ފީލްޑް އެސޯސިއޭޝަނަށް ލިބުނީ 211 ޕޮއިންޓެވެ. އަންހެން ބައިން، ސިފައިންނަށް 230 ޕޮއިންޓް ލިބުނުއިރު، ޓްރެކް އެންޑް ފީލްޑް އެސޯސިއޭޝަނަށް ލިބުނީ 209 ޕޮއިންޓެވެ.

ފަސް އަހަރަށް ފަހު ޓްރެކް އެންޑް ފީލްޑް އެސޯސިއޭޝަނަށް މި ވަނީ ގައުމީ އަންހެން މުބާރާތުގެ މޮޅު އަންހެން ޓީމުގެ މަގާމު ގެއްލިފަ އެވެ. އަނެއްކޮޅުން، މިދިޔަ 21 ވަރަކަށް އަހަރު ތެރޭ، ގައުމީ އެތުލެޓިކްސް މުބާރާތުގެ އެންމެ މޮޅު ފިރިހެން ޓީމުގެ މަގާމު ދެ ފަހަރެއް ފިޔަވައި ހުރިހާ ފަހަރަކު ހޯދީ ސިފައިންނެވެ. 

މި ފަހަރުގެ ގައުމީ އެތުލެޓިކްސް މުބާާރާތުގައި، ޖުމްލަ އެކު، 153 އެތުލީޓުން ވާދަކުރެ އެވެ. އެއީ، އަންހެން 56 އެތުލީޓުންނާއި ފިރިހެން 97 އެތުލީޓުންނެވެ. އެއީ، ޖުމްލަ 19 ކްލަބަކަށް ނިސްބަތްވާ އެތުލީޓުންނެވެ. އެންމެ ގިނަ އެތުލީޓުން ނިސްބަތްވަނީ ދިވެހި ސިފައިންގެ ކްލަބް (36) އާއި ޓްރެކް އެންޑް ފީލްޑް އެސޯސިއޭޝަން (40) އެވެ.  

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox