ޕެރަގުއޭ ބަލިކޮށް އެމެރިކާ އިން ވޯލްޑް ކަޕް ފެށީ ގަދަކޮށް

Jun 13, 2026, 8:16 AM
ފީފާ ވޯލްޑް ކަޕްގައި ޕެރަގުއޭ ކޮޅަށް ލަނޑު ޖެހުމަށް ފަހު އެމެރިކާގެ ބަލޮގަން އުފާފާޅުކުރަނީ.

ފީފާ ވޯލްޑް ކަޕްގައި ޕެރަގުއޭ ކޮޅަށް ލަނޑު ޖެހުމަށް ފަހު އެމެރިކާގެ ބަލޮގަން އުފާފާޅުކުރަނީ.

ލޮސް އެންޖެލްސް، ޔުނައިޓެޑް ސްޓޭޓްސް (ޖޫން 13) - ޕެރަގުއޭ 4-1 އިން ބަލިކޮަށް، މި ފަހަރުގެ ފީފާ ވޯލްްޑް ކަޕްގެ ބޮޑުބައި ކުޅުމަށް ހަަމަޖެހިފައިވާ އެމެރިކާ އިން މުބާާރާތުގެ ފެށުން ވަރުގަދަކޮށްފި އެވެ. 

މިއީ، ޕެރަގުއޭ އަތުން އެމެރިކާ އިން ޖެހިޖެހިގެން ހޯދި ތިން ވަނަ މޮޅެވެ. އަނެއްކޮޅުން، މިއީ ވޯލްޑް ކަޕްގެ މެޗަކުން އެމެރިކާ މޮޅުވި އެންމެ ތަފާތު ބޮޑު ނަތީޖާ އެވެ. 

ޕެރަގުއޭ އިން މިއަދުގެ މެޗުގެ ފުރަތަމަ އެޓޭކް ކުރި ނަމަވެސް އޭގެ ފަހުން، ފުރަތަމަ ހާފުގައި މުޅިން ހެން ކުޅުނީ އެމެރިކާ އިންނެވެ. އަދި، އެ ޓީމުން ވަނީ މެޗުގެ ހަތް ވަނަ މިނިޓްގައި ލަނޑު ޖަހައިފަ އެވެ. މިއީ، އެމެރިކާގެ ކްރިސްޓިއަން ޕުލިސިޗް އާއި ވެސްޓަން މެކްކެނީ ގުޅިގެން ކުރި އެޓޭކެއް ހުއްޓުވަން އުޅުމުގެ ތެރޭގައި ޕެރަގުއޭގެ ޑަމިއަން ބޮބަޑިއްޔާ އަތުން ބައިކޮޅަށް ވަން ގޯލެކެވެ. 

Advertisement

އެމެރިކާ އިން ފުރަތަމަ ގޯލާ އެކު ލިބުނު ކޮންފިޑެންސާ އެކު، އިތުރަށް ކުުޅުން ރަނގަޅުކުރި އެވެ. އަދި، ފުރަތަަމަ ހާފުގައި އިތުރު ދެ ގޯލު ޖެހި އެވެ. އެ ގޮތުން، އެމެރިކާ އިން ފުރަތަމަ ހާފުގައި ޖެހި އަނެއް ދެ ލަނޑު ވެސް ކާމިޔާބުުކުރީ ފްލޯރިއަން ބަލޮގަން އެވެ. މެޗުގައި ބަލޮގަން ޖެހި ފުރަތަމަ ގޯލު އޮފްސައިޑް ވީ ނަމަވެސް، 31 ވަނަ މިނިޓްގައި އޭރިއާތެރެއަށް ޕުލިސިޗް ދިން ބޯޅައަކުން ހަަމަޖެހިލައިފައި ގޯލަށް ބޯޅަ ވައްދާލައި ބަލޮގަން ވަނީ އެމެރިކާގެ ލީޑުފުޅާކޮށްދީފަ އެވެ. 

ފުރަތަމަ ހާފުގެ އިތުރު ވަގުތުގެ ފަހު ވަގުތު އެމެރިކާ އިން ތިން ވަނަ ލަނޑު ޖެެހީ ބަލޮގަން އެވެ. މިއީ، އިންޑިވިޖުއަލީ މޮޅު ގޯލެކެވެ. ޕެރަގުއޭގެ ޑިފެންސް ފަހަތަށް އެމެރިކާގެ މަލިކް ޓިލްމަން ދިން ބޯޅަ ކޮންްޓްރޯލް ކުރުމަށް ފަހު، ބަލޮގަން ވަނީ ޕެރަގުއޭގެ ޑިފެންޑަރު، އޮމާރް އަލްޑެރޭޓޭ ކައިރިން ނައްޓާލުމަށް ފަހު ވަނީ ގޯލުގެ މަތީ ކަނަށް ބޯޅަ އަމާޒުކޮށްލައިފަ އެވެ. 

ޕެރަގުއޭ އިން ދެ ވަނަ ހާފުގައި ކުޅެން ނުކުމެ، ފުރަތަމަ ހާފަށް ވުރެން ހުރިހާ ގޮތަކުން ރަނގަޅު ކުޅުމެއް ދެއްކި އެވެ. އެކަމަކު، އެމެރިކާގެ ގޯލްކީޕަރު، މެޓް ފްރީސް ޓެސްޓް ކޮށްލެވޭ ވަރުގެ ހަމަލާތަކެއް އުފައްދަން ވަގުތު ނެގި އެވެ. އެ ގޮތުން، ޕެރަގުއޭ އިން ލަނޑެއް ޖެހޭތޯ ކުރަމުން އައި މަސައްކަތް ކާމިޔާބުވީ މެޗުގެ 71 ވަނަ މިނިޓްގަ އެވެ. މި ލަނޑު ޖެހީ ޖޫލިއޯ އެންސީސޯ ދިން ބޯޅައަކުން މައުރީސިއޯ އެވެ. ބަދަލަކަށް ކުޅެން އެރި މައުރީސިއޯ ވަނީ ތިރިތިރިން ގޯލަށް ބޯޅަ ފޮނުވާލައިފަ އެވެ.  

މެޗުގެ އިތުރު ވަގުތުގެ ތެރޭގައި އެމެރިކާގެ ފަހު ލަނޑު ޖެހީ ޖިއޯ ރެއިނާ އެވެ. ބަދަލަކަށް ކުޅެން އެރި ރެއިނާ އެރިއާރޮނގުކައިރިން ފޮނުވާލި ބޯޅަ އަމާޒުވީ ގޯލުގެ މަތީ ކަނަށެވެ. 

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox