ކުޅުންތެރިއަކު މަދުކޮށް ކުޅެ ބަންގްލަދޭޝް އިން ޕާކިސްތާނާ އެއްވަރުކޮށްފި

Jun 1, 2026, 6:01 PM
ޑައިމަންޑް ޖުބިލީ އިންޓަނޭޝަނަލް މުބާރާތުގައި ޕާކިސްތާނާއި ބަންގްލަދޭޝް އިން ކުޅުނު މެޗުގެ ތެރެއިން.--- ފޮޓޯ: އިމޭޖަސް،އެމްވީ

ޑައިމަންޑް ޖުބިލީ އިންޓަނޭޝަނަލް މުބާރާތުގައި ޕާކިސްތާނާއި ބަންގްލަދޭޝް އިން ކުޅުނު މެޗުގެ ތެރެއިން.--- ފޮޓޯ: އިމޭޖަސް،އެމްވީ

ރާއްޖޭގެ ފުޓްބޯޅަ އަށް 75 އަހަރު ފުރުމުގެ މުނާސަބަތުގައި މިއަދު ރާއްޖޭގައި ފެށި ޑައިމަންޑް ޖުބިލީ އިންޓަނޭޝަނަލް މުބާރާތުގައި ކުޅުނު ފުރަތަމަ މެޗުގައި ބަންގްލަދޭޝް އިން ކުޅުންތެރިއަކު މަދުކޮށް މެޗު ނިންމާލަން ޖެހުނުއިރު، 0-0 އިން ލަނޑެއް ނުޖެހި، ޕާކިސްތާނާ އެއްވަރުވެއްޖެ އެވެ. 

ގަލޮޅު ދަނޑުގައި މިއަދު ހަވީރު ކުޅުނު މެޗުގައި ބަންގްލަދޭޝް އިން މެޗުގެ ފަހު 30 ވަރަކަށް މިިނިޓް ކުޅުނީ ކުޅުންތެރިއަކު މަދުކޮށެވެ، އެ ގޮތުން، މެޗުގެ 62 ވަނަ މިނިޓްގައި، ބަންގްލަދޭޝްގެ ކެޕްޓަން، މޮންޖުރޫރް ރަހުމާނަށް ސީދާ ރަތެއް ދެއްކީ ބޯޅަ ނެތިސް ޕާކިސްތާންގެ ކީޕަރު، ޔޫސުފް އިޖާޒް ބަޓް އަށް ހަމަލާ ދިނުމުންނެވެ. 

ގަދަ ހޫނުގައި ފެށި މިއަދުގެ މެޗުގައި ބަންގްލަދޭޝް އިން ވަނީ ޖުމްލަކޮށް ބަލާއިރު ޕާކިސްތާންގެ ތަޖުރިބާކާރު ކުޅުންތެރިން ކައިރިީގައި ރަނގަޅު ކުޅުމެއް ދައްކައިފަ އެވެ. އެ ގޮތުން، ލަނޑު ޖަހާނެ ރަނގަޅު ފުރުސަތުތައް ވެސް ތަނަވަސްކޮށްފައިވެ އެވެ.

Advertisement

މުބާރާތުގައި އެވްރެޖް 23 އަހަރުގެ ސްކޮޑެއް ގޮވައިގެން ބައްދަލުކުރާ ބަންގްލަދޭޝް އިން ފުރަތަމަ ހާފުގައި ލީޑުނަގަން ތަނަވަސްކުރި އެންމެ ރަނގަޅު ފުރުސަތު ލިބުނީ އެ ޓީމުގެ އިފްތިއާރު ހުސެއިން އަށެވެ. އޭނާ އަށް އޭރިއާތެރެއިން ލިބުނު ފުރުސަތުގައި ފޮނުވާލި ބޯޅަ ޕާކިސްތާން ކީޕަރު ޔޫސުފް ބަޓް ވަނީ މަތަކޮށްފަ އެވެ. އަދި، ބަންގްލަދޭޝްގެ ނަޒްމުލް ހުދާ ފައިސަލް އޭރިއާބޭރުން ފޮނުވާލި ހަމަލާ ދިޔައީ ދަނޑިކައިިރިން ބޭރުންނެވެ. 

ފުރަތަމަ ހާފުގައި ބަންގްލަދޭޝްގެ ޑިފެންސް ތެރެއިން ބޯޅަ ހިފައިގެން ގޮސް، ޕާކިސްތާންގެ ފޯވާޑް އޯޓީޒް ހާން ގޯލެއް ޖެހޭތޯ ކުރި މަަސައްކަތް ކާމިޔާބެއްނުވި އެވެ. ދެ ވަނަ ހާފުގައި ޕާކިސްތާނުން ގިނަ ކުޅުންތެރިން އެޓޭކަށް ފޮނުވައިގެން ގިނަ ފުރުސަތުތައް ތަނަވަސްކުރަން މަސައްކަތްކުރި އެވެ.

އެ ގޮތުން، މެޗުގެ 56 ވަނަ މިނިޓްގައި ޕާކިސްތާންގެ އަލަމްގީރް އަލީ ހާން ގާޒީ އޭރިއާބޭރުން  ފޮނުވާލި ބޯޅައެއް އަމާޒުވީ ގޯލުގެ ދަނޑިއަށެވެ. އަދި، އޭރިއާތެރެއިން އެ ޓީމުގެ އަލީ ހައިދަރު ޝާހު ފޮނުވާލި ޝޮޓް، ބަންގްލަދޭޝްގެ ކީޕަރު، މެހެދީ ހަސަން ސަރާބޯން ވަނީ މަތަކޮށްފަ އެވެ. ހައިދަރު އާއި އަލަމްގީރަކީ ބަދަލަކަށް މެޗުގައި ކުޅެން އެރި ދެ ކުޅުންތެރިންނެވެ. 

ބަންގްލަދޭޝްގެ މިރާޖުލް އިސްލާމް ކުޅެން އަރައި، އޭރިއާތެރެއިން ފައުލެއް ކުރި ކަމަށް ޕެނަލްޓީއެއް ހޯދަން ކުރި އެޕީލް ކާމިޔާބެއްނުވި އެވެ. އަދި، މި ހާފުގައި ބަންގްލަދޭޝް އިން ވަނީ ގިނަ ބޯޅަތަކެއްގައި ޕެނަލްޓީ ހޯދަން އެޕީލްކޮށްފަ އެވެ. އެކަމަކު، މެޗުގެ ރެފްރީ، ރާއްޖޭގެ މުހައްމަދު ޖާވިޒް ނިންމީ ޕެނަލްޓީއެއް ދޭ ވަރުގެ ފައުލެއް ނުހިނގާ ކަމަށެވެ. 

ހަތަރު ގައުމު ވާދަކުރާ ޑައިމަންޑް ޖުބިލީ މުބާރާތުގެ ދެ ވަނަ މެޗުގައި، މިރޭ 9 ޖަހާއިރު، ރާއްޖޭން ކުޅޭނީ އަފްގާނިސްތާނާ ދެކޮޅަށެވެ. 

ކޮމެންޓް

ފަހުގެ ޚަބަރު

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

އެފްއޭއެމްގެ އޮފިޝަލެއް ނެތް، ޓްރޮފީއާ ހަވާލުވީ ނޫސްވެރިއެއް!

ބަންގްލަދޭޝްގައި ބޭއްވި ސާފް ޗެމްޕިއަންޝިޕްގެ ފެއާ ޕްލޭ ޓްރޮފީ ރާއްޖެއަށް ލިބުނުއިރު، އެފްއޭއެމްގެ އޮފިޝަލަކު ނެތުމުން އެއާ ހަވާލުވީ ދިވެހި ނޫސްވެރިއެއް. އެފްއޭއެމް އިން ބުނި ގޮތުގައި ޓްރޮފީ ލިބޭކަން ސާފް އިން އެންގީ ވަރަށް ކުޑަ ވަގުތުކޮޅެއް އޮއްވާ ކަމަށާއި، ނޫސްވެރިއަކު ސްޓޭޖަށް އެރީ ސާފްގެ އޮފިޝަލުން އެދިގެން

އިންފަންޓީނޯގެ ޝަރުތު ހަމަވޭތޯ ގާނޫނީ ގޮތުން ބެލި

ފީފާގެ ރައީސްކަމަށް ހަތަރުވަނަ ދައުރަކަށް ކުރިމަތިލައްވާފައިވާ ޖިއާނީ އިންފަންޓީނޯގެ ޝަރުތު ހަމަވޭތޯ އިނގިރޭސި އެފްއޭއިން ގާނޫނީ ގޮތުން ބަލައިފި. ފީފާ ކައުންސިލުން ނިންމާފައިވަނީ އިންފަންޓީނޯގެ ފުރަތަމަ ދައުރަކީ ބާކީ އޮތް މުއްދަތެއް ފުރިހަމަކުރުން ކަމަށްވާތީ، އޭނާއަށް އިތުރު ދައުރަކަށް ކުރިމަތިލެވޭނެ ކަމަށް

އުމުރުން 38 އަހަރުގައި މަޓާ ފުޓްބޯޅަ ކުޅުން ހުއްޓާލައިފި

ސްޕެއިނާއެކު ވޯލްޑް ކަޕާއި ޔޫރޯ ކާމިޔާބުކޮށް، ޗެލްސީ އާއި މެންޗެސްޓާ ޔުނައިޓެޑް ފަދަ ބޮޑެތި ކްލަބްތަކަށް ކުޅުނު ހުއާން މަޓާ އުމުރުން 38 އަހަރުގައި ފުޓްބޯޅަ ކުޅުން ހުއްޓާލައިފިއެވެ. ކުޅުމުން ރިޓަޔާކުރި ނަމަވެސް، ކުރިއަށް އޮތް ތަނުގައިވެސް ފުޓްބޯޅައިގެ ދާއިރާއިން ފެންނާނެ ކަމަށް އޭނާ ވަނީ ބުނެފައެވެ.

ޕާކިސްތާން ފުޓްބޯޅަ ކުރިއަރާނީ ޕްރޮފެޝަނަލް ލީގެއް އޮވެގެން

ޕާކިސްތާން ފުޓްބޯޅަ ކުރިއެރުވުމަށްޓަކައި އެ ގައުމުގައި ވަރުގަދަ ޕްރޮފެޝަނަލް ލީގެއް އޮތުން މުހިންމު ކަމަށް ގައުމީ ކޯޗު ނޮލްބާޓޯ ސޮލާނޯ ބުނެފި. އޭނާ ފާހަގަކުރި ގޮތުގައި ހަމައެކަނި ބޭރުގައި ކުޅޭ ކުޅުންތެރިންނަށް ބަރޯސާވުމުގެ ބަދަލުގައި، ލޯކަލް ކުޅުންތެރިން ކުރިއެރުވޭނީ ގަވާއިދުން ކުޅޭނެ ލީގެއް އޮވެގެން

Newsletter

Get the latest news delivered straight to your inbox