ސްޕޭސް އެކްސް ހިއްސާގެ ބާޒާރަށް: މަސްކު ފުރަތަމަ ޓްރިލިއަނަރަށް ވުމުގެ ފުރުސަތު

May 21, 2026, 2:30 AM
އީލޮން މަސް

އީލޮން މަސް

އިލޮން މަސްކުގެ ޖައްވީ އިދާރާ، ސްޕޭސް އެކްސް އާންމުކޮށް ހުޅުވާލައިގެން ހިއްސާ ވިއްކުމަށް ނުވަތަ އައިޕީއޯއަކަށް އެމެރިކާގެ ކަމާބެހޭ އިދާރާތަކަށް ހުށަހަޅައިފި އެވެ.

މި ނިންމުމާއެކު، ދުނިޔޭގެ އެންމެ މުއްސަނދި މީހާގެ މަގާމުގައި ހުރި މަސްކަށް ދުނިޔޭގެ ތާރީހުގައި ފުރަތަމަ ފަހަރަށް ޓްރިލިއަނަރަކަށް ވުމުގެ ފުރުސަތު ބޮޑުވެފައިވާ ކަމަށް މާލީ މާހިރުން ބުނެއެވެ.

ވޯލް ސްޓްރީޓްގެ ތާރީހުގައިވެސް ކުރިމަތިލާ އެންމެ ބޮޑު އައިޕީއޯގެ ގޮތުގައި ބެލެވޭ މި ހިއްސާ ވިއްކުން އަންނަ މަހު ފެށުމަށް ތައްޔާރުވަމުންދާއިރު، ބާޒާރުގައި މި ކުންފުނި ތަމްސީލުކުރާނީ އެސްޕީސީއެކްސްގެ ނަމުގައެވެ.

ސްޕޭސް އެކްސްއަކީ ރޮކެޓް އުފެއްދުމުގެ އިތުރުން ސްޓާލިންކްގެ ނަމުގައި ސެޓެލައިޓް މެދުވެރިކޮށް އިންޓަނެޓްގެ ޚިދުމަތް ދޭ ކުންފުންޏެކެވެ. މީގެ އިތުރުން މަސްކުގެ އާޓިފިޝަލް އިންޓެލިޖެންސް ކުންފުނި އެކްސްއޭއައި ވެސް މިހާރު ހިންގަމުންދަނީ ސްޕޭސް އެކްސްގެ ދަށުންނެވެ.

މި ކުންފުނީގެ އަގު ގާތްގަނޑަކަށް 1.25 ޓްރިލިއަން ޑޮލަރަށް އަރާނެ ކަމަށް އަންދާޒާ ކުރެވޭއިރު، ކުންފުނީގެ މެޖޯރިޓީ ހިއްސާ އޮންނަ މަސްކުގެ މިލްކިއްޔާތުގައި ހުރި ހިއްސާގެ އަގު އެކަނިވެސް 600 ބިލިއަން ޑޮލަރަށްވުރެ މައްޗަށް އަރާނެއެވެ.

މިދިޔަ އަހަރު މަސްކު ވަނީ ފަސްސަތޭކަ ބިލިއަން ޑޮލަރުގެ މިލްކިއްޔާތެއް ހަމަކުރި ފުރަތަމަ މީހާގެ ޝަރަފު ހޯދާފައެވެ. އެހެންކަމުން ސްޕޭސް އެކްސް ބާޒާރަށް ނެރުމުން އޭނާގެ ޖުމްލަ މުއްސަނދިކަން އެއް ޓްރިލިއަން ޑޮލަރަށްވުރެ މައްޗަށް އަރާނެއެވެ.

މި އައިޕީއޯއާ ގުޅިގެން ހުށަހެޅި ލިޔެކިޔުންތަކުން ސްޕޭސް އެކްސްގެ މާލީ ހާލަތު ފުރަތަމަ ފަހަރަށް ވަނީ އާންމުވެފައެވެ. މިދިޔަ އަހަރު އެ ކުންފުންޏަށް އާމްދަނީގެ ގޮތުގައި 18.6 ބިލިއަން ޑޮލަރު ލިބުނު ނަމަވެސް، 4.9  ބިލިއަން ޑޮލަރުގެ ގެއްލުމެއް ވަނީ ވެފައެވެ. އަދި މި އަހަރުގެ ފުރަތަމަ ތިން މަސްދުވަހު  4.7  ބިލިއަން ޑޮލަރުގެ ވިޔަފާރި ކުރިއިރު، 4.3 ބިލިއަން ޑޮލަރުގެ ގެއްލުން ވެފައިވާކަން ލިޔެކިޔުންތަކުން ދައްކައެވެ. ކުންފުނީގެ މިލްކިއްޔާތުގައި 102 ބިލިއަން ޑޮލަރުގެ މުދާ ހުރި ނަމަވެސް، 60.5  ބިލިއަން ޑޮލަރުގެ ދަރަނި އޮތްކަންވެސް ވަނީ ހާމަވެފައެވެ.

މާލީ ގޮންޖެހުންތަކުގެ އިތުރުން، ސްޕޭސް އެކްސްއަށް ގާނޫނީ ގިނަ މައްސަލަތަކެއްވެސް ވަނީ ކުރިމަތިވެފައެވެ. އެގޮތުން ގާނޫނީ ހަރަދުތަކަށް އެކަނިވެސް ބައި ބިލިއަން ޑޮލަރަށްވުރެ ގިނަ ފައިސާ ހޭދަވާނެ ކަމަށް ކުންފުނިން ލަފާކުރެއެވެ. މީގެ ތެރޭގައި އެކްސްއޭއައިގެ ގްރޮކް ޗެޓްބޮޓް ބޭނުންކޮށްގެން އަންހެނުންނާއި އަންހެން ކުދިންގެ ފޮޓޯތައް ބޭނުންކޮށްގެން ބަދުއަހުލާގީ މަންޒަރުތައް އުފައްދާ ކަމަށް ބުނެ ހުށަހަޅާފައިވާ މައްސަލަތައް ހިމެނެއެވެ.

މަސްކު ވަނީ އެކްސްއޭއައި އުވާލައި، އޭއައިގެ ހުރިހާ މަސައްކަތެއް ސްޕޭސް އެކްސްގެ ދަށަށް ބަދަލުކުރަން ނިންމާފައެވެ. މީގެ އިތުރުން ކުރިން ޓުވިޓާގެ ނަމުން މަޝްހޫރުވި އެކްސް ސޯޝަލް މީޑިއާ އެޕަކީވެސް މިހާރު ސްޕޭސް އެކްސްގެ ދަށުން ހިންގާ ތަނެކެވެ.

ކޮމެންޓް

ފަހުގެ ޚަބަރު

ސިމްޑީގެ ވިޔަފާރި ހާދާލަށް ފުޅާކުރަނީ

ސިމްޑީ ގްރޫޕްގެ ވިޔަފާރި ހދ. އަތޮޅުގައި ފުޅާކުރުމަށްޓަކައި ކުޅުދުއްފުށީގެ "މިތުރު" ކުންފުންޏާއެކު ސަބް-ޑިސްޓްރިބިއުޝަން އެއްބަސްވުމެއްގައި މިއަދު ވަނީ ސޮއިކޮށްފައެވެ. މި ޕާޓްނަޝިޕްގެ ސަބަބުން ސިމްޑީން އެތެރެކުރާ ބައިނަލްއަގުވާމީ މަގުބޫލު ބްރޭންޑްތަކުގެ މުދާ އެ އަތޮޅުގެ ރީޓެއިލް ފިހާރަތަކަށާއި އާންމުންނަށް ފަސޭހަކަމާއެކު ލިބޭނެ އިންތިޒާމު ހަމަޖެހިގެންދާނެއެވެ.

ވިލާ ކޮލެޖާއި މާރޕް ގުޅިގެން މެންޓަރޝިޕް ޕްރޮގްރާމެއް

ވިލާ ކޮލެޖާއި މާރޕް ގުޅިގެން ވަޒީފާ އަދާކުރާ ފަރާތްތަކަށް ޚާއްޞަ މެންޓަރޝިޕް ޕްރޮގްރާމެއް ފަށާފައިވަނީ ދިވެހި ލީޑަރުން ބިނާކޮށް ސީނިއަރ މެނޭޖްމަންޓް މަޤާމުތަކަށް މީހުން ތައްޔާރުކުރުމަށެވެ. މި ޕްރޮގްރާމުގެ ދަށުން ތަޖުރިބާކާރުންގެ އެހީތެރިކަމާއެކު ގްރެޖުއޭޓުންނަށް ޢަމަލީ ހުނަރުތައް ދަސްކޮށްދީ، މަތީ ތަޢުލީމާއި އިންޑަސްޓްރީއާ ދެމެދު އޮތް ގުޅުން ވަރުގަދަކުރުމަށް ވަނީ އަމާޒު ހިފާފައެވެ.

ޓްރީ ޓޮޕް ހިތާނީ ކޭމްޕުގެ ރަޖިސްޓްރޭޝަން ހުޅުވާލައިފި

ޓްރީ ޓޮޕް ހޮސްޕިޓަލުގެ މިއަހަރުގެ ފުރަތަމަ ހިތާނީ ކޭމްޕުގައި ބައިވެރިވުމަށް ރަޖިސްޓަރީވުމުގެ ފުރުސަތު ޑިސެމްބަރު 17 ގެ ނިޔަލަށް ވަނީ ހުޅުވާލާފައެވެ. ތަޖުރިބާކާރު ޑޮކްޓަރުންގެ ޓީމަކުން ކުރިއަށްގެންދާ މި ކޭމްޕުގެ ހިތާނުކުރުމުގެ އޮޕަރޭޝަންތައް ކުރިއަށްދާނީ ޑިސެމްބަރު 12 އިން ޖެނުއަރީ 11 ގެ ނިޔަލަށެވެ. މި ޕެކޭޖުގެ ދަށުން ކޮންސަލްޓޭޝަނާއި، ލެބޯޓަރީ ޓެސްޓުތަކުގެ އިތުރުން އޮޕަރޭޝަނަށްފަހު ބޭނުންވާ ފަރުވާގެ ހިދުމަތްތައް ލިބިގެންދާނެއެވެ.

ޓޯޓަލް ފިޒިއޯއިން އެލައިޑްގެ ހިދުމަތް ގަބޫލުކުރަން ފަށައިފި

ފިޒިއޮތެރަޕީގެ ޚިދުމަތްދޭ "ޓޯޓަލް ފިޒިއޯ" ކްލިނިކުން ބަލިމީހުންނަށް ލުއިފަސޭހަކޮށްދިނުމުގެ ގޮތުން އެލައިޑް އިންޝުއަރެންސް ގަބޫލުކުރަން ފަށައިފިއެވެ. ޒަމާނީ ވަސީލަތްތަކާއެކު ފަރުވާދޭ މި ކްލިނިކުން މިހާރުވެސް ޕޮލިސް، އެމްއެންޑީއެފް އަދި ސޮލަރެލް އިންޝުއަރެންސްގެ ޚިދުމަތް ލިބޭއިރު، އިތުރު އިންޝުއަރެންސްތައް މެދުވެރިކޮށް ޚިދުމަތް ލިބޭނެ އިންތިޒާމު ހަމަޖެއްސުމަށް ދަނީ މަސައްކަތް ކުރަމުންނެވެ.

ލަކްސް ގްލޯގެ ދެވަނަ ފިހާރަ މަޖީދީމަގުގައި ހުޅުވައިފި

މަޝްހޫރު ކޮސްމެޓިކްސް ބްރޭންޑް "ލަކްސް ގްލޯ" ގެ ދެވަނަ ފިހާރަ މާލޭގެ މަޖީދީމަގުގައި ހުޅުވައިފިއެވެ. މި ފިހާރައިން ބައިނަލްއަގުވާމީ ބްރޭންޑްތަކުގެ ސްކިންކެއާ އަދި މޭކަޕް ސާމާނު ޓެސްޓުކޮށްލުމާއި، ފަންނީ ލަފާ ހޯދައިގެން ވަގުތުން ގަނެވޭނެ އިންތިޒާމު ވަނީ ހަމަޖެހިފައެވެ. ފިހާރަތަކުގެ އިތުރުން އެ ބްރޭންޑުގެ ވެބްސައިޓް މެދުވެރިކޮށް އޮންލައިންކޮށް އޯޑަރުކުރުމުގެ ފުރުސަތުވެސް ކަސްޓަމަރުންނަށް ވަނީ ހުޅުވާލެވިފައެވެ.

ކްލީވިއާ ރެސިޑެންސް: ޒަމާނީ ބޯހިޔާވަހިކަން އާ މަޝްރޫއެއް

ޕޭން ރިއަލް އެސްޓޭޓުން އަލަށް ތައާރަފްކުރި "ކްލީވިއާ ރެސިޑެންސް" މަޝްރޫއަކީ މެދުފަންތީގެ އާމްދަނީ ލިބޭ ފަރާތްތަކަށް އަމާޒުކޮށްގެން ހިންގާ އަތްފޯރާ އަގުތަކެއްގެ ބޯހިޔާވަހިކަމުގެ މަޝްރޫއެކެވެ. މި މަޝްރޫއުގެ ދަށުން ޒަމާނީ ފެންވަރުގެ އެއް ކޮޓަރި އަދި ދެ ކޮޓަރީގެ އެޕާޓްމަންޓްތައް ލިބޭއިރު، ފައިސާ ދެއްކުމުގައި ލުއި ގޮތްތަކެއް ވަނީ ހަމަޖައްސާފައެވެ.

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

Newsletter

Get the latest news delivered straight to your inbox