ގާނޫނު އަސާސީ އާއި ލާމަޒުކަޒީ ގާނޫނު ބަދަލުކޮށް، ލާމަރުކަޒީ ނިޒާމުގެ ތެރެއިން އަތޮޅު ކައުންސިލުތައް އުނިކުރުމަށް ފަހު ހުވާކުރާ ފުރަތަމަ ސިޓީ ކައުންސިލުތަކާއި ރަށު ކައުންސިލުތަކަށް އިންތިހާބުވީ ކައުންސިލަރުންނާއި އަންހެނުންގެ ތަރައްގީއަށް މަސައްކަތް ކުރާ ކޮމިޓީ (ޑަބްލިޔުޑީސީ) އަށް އިންތިހާބުވީ މެންބަރުން މިއަދު ހުވާކޮށްފި އެވެ.
މިއަދު ހުވާކުރި ކައުންސިލަރުންނާއި ޑަބްލިޔުޑީސީ މެންބަރުންނަކީ ލާމަޒުކަޒީ ނިޒާމު ވުޖޫދުުރިން ފަހުން އިންތިހާބުކުރި ފަސް ވަނަ ކައުންސިލެވެ.
އެގޮތުން އެންމެ ފަހުން ބޭއްވި އިންތިހާބުގައި ފަސް ސިޓީ ކައުންސިލާއި 179 ރަށު ކައުންސިލު ހިމެނޭހެން 184 ކައުންސިލަރުން ހޮވަން ވޯޓު ދިނެވެ. މި އިންތިހާބުގައި ވޯޓު ލުމުގެ ހައްގު ލިބިފައިވާ 73 ޕަސެންޓެވެ.
މި ފަހަރު އިންތިހާބުކުރި ކައުންސިލުތަކުގެ ތެރެއިން ފަސް ސިޓީގެ މޭޔަރުކަމާއި ސިޓީ ކައުންސިލުގެ އަގުލަބިއްޔަތު ހޯދީ އިދިކޮޅު މޯލްޑިވިއަން ޑިމޮކްރެޓިކް ޕާޓީ (އެމްޑީޕީ) އިންނެވެ. ރަށު ކައުންސިލުތަކާއި ޑަބްލިޔުޑީސީގެ ގިނަ ގޮނޑިިތައް ކާމިޔާބުކުރީ ސަރުކާރު ހިންގާ ޕީޕަލްސް ނޭޝަނަލް ކޮންގްރެސް (ޕީއެންސީ) އިންނެވެ.
ކައުންސިލުތަކުގެ ފަސް ވަނަ ދައުރު
- ޖުމްލަ - 184 ކައުންސިލު
- ސިޓީ ކައުންސިލު (5) - މީގެ ތެރޭގައި ހިމެނެނީ މާލެ، އައްޑޫ، ފުވައްމުލަކުގެ އިތުރުން ކުޅުދުއްފުއްޓާއި ތިނަދޫ
- ރަށު ކައުންސިލު (179) - ރަށު ކައުންސިލުތަކަށް މެންބަރުން އިންތިހާބުކުރަނީ އާބާދީއަށް ބަލައިގެން.
- އާބާދީ 2000 އަށް ވުރެ މަދު 133 ރަށް - ތިން މެންބަރުން
- އަބާދީ 2000 އަށް ވުރެ ގިނަ 46 ރަށް - ފަސް މެންބަރުން
މި ކައުންސިލުތަކުން މިހާރު ޖާވާބުދާރީވާން ޖެހެނީ ލޯކަލް ގަވަމަންޓް އޮތޯރިޓީ (އެލްޖީއޭ) އަށެވެ.
