ލީވާންއާއި ޝަހުޒާންގެ ޖަލު ހުކުމް ބާތިލުކުރަން ހައިކޯޓަށް: "ކްރިމިނަލް ކޯޓުން ހުކުމްކުރީ އިޖުރާއަތުތަކާ ހިލާފަށް"

ލީވާން އަދި ޝަހުޒާން

ލީވާން އަދި ޝަހުޒާން

'އަދަދު' ގެ ލީވާން އަދި ޝަހުޒާން ޖަލަށްލުމަށް ކްރިމިނަލް ކޯޓުން ކުރި ހުކުމް ބާތިލުކުރުމަށް އެދި ދިވެހިރާއްޖޭގެ ހައިކޯޓަށް އިސްތިއުނާފީ މައްސަލައެއް ހުށަހަޅައިފި އެވެ. މި މައްސަލަ އިސްތިއުނާފުކޮށްފައިވަނީ ކްރިމިނަލް ކޯޓުގެ ނިންމުމަކީ ގާނޫނުއަސާސީއާއި ޖިނާއީ އިޖުރާއަތުގެ ގާނޫނާ ކަނޑައެޅިގެން ހިލާފަށް ނިންމާފައިވާ ނިންމުމެއް ކަމަށް ބުނެ އެވެ.

މި މައްސަލައިގެ އިސްތިއުނާފީ ނުކުތާތަކުގެ ތެރޭގައި، ކޯޓުތަކުގެ ގާނަށް ގެނެވުނު 4 ވަނަ އިސްލާހުގެ ދަށުން ކޯޓުތަކުން އަމިއްލަ އިސްނެގުމުގައި މައްސަލަ ނުހިންގޭނެ ކަމަށް ބަޔާންކޮށްފައިވާ މާއްދާއާ ހިލާފަށް މި މައްސަލަ ހިންގާފައިވުން ހިމެނެ އެވެ. ކޯޓުތަކުގެ ޤާނޫނުގެ 71-1 ވަނަ މާއްދާގައި ކޯޓުން އަމިއްލަ އިސްނެގުމުގައި މައްސަލަ ހިންގުމުގެ ބާރު ހަނިކޮށްފައިވާއިރު، ކްރިމިނަލް ކޯޓުން މި މައްސަލަ ބަލާފައިވަނީ ގާނޫނަކުން ލިބިދޭ ބާރެއްގެ ބަދަލުގައި ގަވާއިދަކުން ލިބިދޭ ބާރެއްގެ ދަށުން ކަމަށްވާތީ އެއީ ގާނޫނާ ހިލާފު އިޖުރާއަތެއް ކަމަށް އިސްތިއުނާފުގައި ފާހަގަކޮށްފައި ވެ އެވެ.

މީގެ އިތުރުން، ގާނޫނުލްއުގޫބާތުގެ 15 ވަނަ މާއްދާއާއި، ޖިނާއީ އިޖުރާއަތުގެ ގާނޫނުގެ 212 ވަނަ މާއްދާއާއި ހެއްކާ ބެހޭ ގާނޫނުގެ 139 ވަނަ މާއްދާއާ ހިލާފަށް، އެކަށީގެންވާ މިންވަރަށް ހެކި ވަޒަންކުރުމެއް ނެތި އަދަބު ކަނޑައަޅާފައިވާ ކަމަށްވެސް ބުނެފައި ވެ އެވެ.

ގާނޫނުއަސާސީގެ 53 ވަނަ މާއްދާއިން ކަށަވަރުކޮށްދޭ ގާނޫނީ ވަކީލެއްގެ އެހީތެރިކަން ހޯދުމުގެ ހައްގު ލީވާންއާއި ޝަހުޒާންއަށް ލިބިދީފައި ނުވާކަންވެސް އިސްތިއުނާފުގައި ވަނީ ފާހަގަކޮށްފަ އެވެ. ވަކީލަކު އައްޔަންކުރުމަށް އެންމެ ދެ ގަޑިއިރުގެ ފުރުސަތެއް ދިނުމަށްފަހު ޝަރީޢަތް ކުރިއަށް ގެންދިއުމަކީ ޖިނާއީ އިޖުރާއަތުގެ ޤާނޫނުގައި ބަޔާންކުރާ 10 ދުވަހުގެ މުއްދަތަށްވުރެ ކުރު މުއްދަތެއް ކަމަށާއި، މިއީ އަސާސީ ހައްގަކުން މަހުރޫމްކުރުން ކަމަށް ބަޔާންކޮށްފައި ވެ އެވެ.

ހަމައެއާއެކު، ގާނޫނުލްއުގޫބާތުގެ 533 ވަނަ މާއްދާގެ ދަށުން އަދަބު ކަނޑައެޅިއިރު، އެ މާއްދާގެ ދަށުން ތުހުމަތު އިއްވައި ދިފާއުގައި ވާހަކަ ދެއްކުމުގެ ފުރުސަތު ދީފައި ނުވާކަމަށްވެސް އިސްތިއުނާފީ މައްސަލައިގައި ވެ އެވެ. ޖިނާއީ ކުށެއްގެ ތުހުމަތު ކުރެވޭ ހިނދު، އެކަން ތަހުގީގުކުރުމުގެ ބާރު ފުލުހުންނަށް އަދި ދައުވާކުރުމުގެ ބާރު ޕްރޮސިކިއުޓަރ ޖެނެރަލަށް އޮންނައިރު، ކޯޓުން އަމިއްލައަށް ތަހުގީގުކޮށް، ދައުވާކޮށް، އަދަބު ކަނޑައެޅުމަކީ އަދުލު އިންސާފުގެ ނިޒާމުގެ ބޭރުން ހިންގާފައިވާ ކަމެއްގެ ގޮތުގައި ވަނީ ސިފަކޮށްފަ އެވެ.

އިސްތިއުނާފު ކުރި ފަރާތުން ބުނެފައިވަނީ، މި މައްސަލައިގައި ކްރިމިނަލް ކޯޓުން އަމަލުކޮށްފައިވަނީ ޝަރީއަތުގެ މަޖިލީހުން ބޭރުގައި ހިނގާ ކަންކަމުގައި ވަގުތުން އަދަބު ކަނޑައެޅުމުގެ ބާރު ކޯޓުތަކަށް ލިބިދީފައި ނުވާ ހާލަތެއްގައި ކަމަށެވެ. އެހެންކަމުން، މި ނިންމުމަކީ ބާތިލު ނިންމުމެއް ކަމަށް ކަނޑައަޅައިދިނުމަށް ހައިކޯޓުގައި ވަނީ އެދިފަ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox