ކަނޑުދަތުރުފަތުރާއި މޫދު ކުޅިވަރުގެ ސާމާނު ރާއްޖޭގައި ފުޅާދާއިރާއެއްގައި ވިއްކާ ސީ ގިއާގެ އީދު ސޭލްގައި 70 ޕަސަންޓާ ހަމައަށް ޑިސްކައުންޓް ދޭން ފަށައިފި އެވެ.
ސީ ގިއާ އިން ބުނީ ސޭލް ކުރިއަށްގެންދާ މުއްދަތުގައި ޝޯރޫމަށް ޒިޔާރަތްކުރާ ކަސްޓަމަރުންނަށް ވޯޓާސްޕޯޓްސް އިކުއިޕްމަންޓްތަކާއި، ކަނޑުމަތީގެ އެކި އާލާތްތަކުގެ އިތުރުން، އެންމެ ފަހުގެ ފެޝަންގެ އަންނައުނާއި ލައިފްސްޓައިލް އުފެއްދުންތައް ވަރަށް އަގުހެޔޮކޮށް ލިބިގެންދާނެ އެވެ.
މިއީ ކުރިއަށް އޮތް ބަންދު ދުވަސްތަކާ ދިމާކޮށް އަމިއްލަ ފަރާތްތަކަށާއި، ރިސޯޓުތަކާއި، ވޯޓާ ސްޕޯޓްސް ސެންޓަރުތަކަށް ބޭނުންވާ ސާމާނު އާކޮށްލުމަށް ލިބޭ ރަނގަޅު ފުރުސަތެއް ކަމަށް ސީ ގިއާ އިން ބުންޏެވެ.
އެ ކުންފުނީގެ އަމާޒަކީ މިފަދަ ޕްރޮމޯޝަންތައް މެދުވެރިކޮށް ކަސްޓަމަރުންނަށް ފައިދާހުރި ފުރުސަތުތަކެއް ހޯދައިދިނުމާއި، ރާއްޖޭގެ މެރިން އަދި ވޯޓާ ސްޕޯޓްސް ސިނާއަތުގައި އެ ކުންފުނިން ކުރަމުންދާ މަސައްކަތްތައް އިތުރަށް ވަރުގަދަކުރުމަށް ކަމަށް ސީ ގިއާ އިން ބުންޏެވެ.
މި ސޭލްގެ މަގުސަދަކީ ކަސްޓަމަރުންނަށް ފެންވަރު ރަނގަޅު މެރިން، ޑައިވިން، ވޯޓާ ސްޕޯޓްސް އަދި ލައިފްސްޓައިލް އުފެއްދުންތައް ހެޔޮ އަގުގައި ފޯރުކޮށްދިނުން ކަމަށް އެ ކުންފުނިން ބުންޏެވެ.
ސީ ގިއާ އީދު ސޭލް މިހާރު ފެށިގެން ކުރިއަށްދާއިރު، މުދާ ހުސްވުމުގެ ކުރިން ވީހާވެސް އަވަހަށް ޝޯރޫމަށް ޒިޔާރަތްކޮށް، މި ހާއްސަ ޑިސްކައުންޓްތަކުގެ ބޭނުން ހިފުމަށް އެ ކުންފުނިން ކަސްޓަމަރުންނަށް ދައުވަތު އަރުވައެވެ.
ސީ ގިއާއަކީ ރާއްޖޭގެ މެރިން ސިނާއަތަށް ބޭނުންވާ ފެންވަރު ރަނގަޅު އުފެއްދުންތައް ފޯރުކޮށްދިނުމުގައި ފާހަގަކޮށްލެވޭ ކުންފުންޏެކެވެ.
