ފާސްކުރި ބަޖެޓަށް ވުރެ ރައީސް އޮފީހުގެ ހަރަދު 36 މިލިއަން ރުފިޔާ އިތުރު

Apr 23, 2026, 9:47 AM
މުހައްމަދު މުއިއްޒު

މުހައްމަދު މުއިއްޒު

ރައީސް އޮފީހަށް 2024 އަށް ރައްޔިތުންގެ މަޖިލީހުން ކަނޑައަޅައި ފާސްކުރި ބަޖެޓަށް ވުރެ 36 މިލިއަން ރުފިޔާ އިތުރަށް  ހަރަދުކޮށްފައިވާކަން ހާމަވެއްޖެ އެވެ. 

އޮޑިޓަ ޖެނެރަލް އޮފީހުން އާންމުކުރި އޮޑިޓް ރިޕޯޓުން ދައްކާ ގޮތުގައި ރައްޔިތުންގެ މަޖިލީހުން ރައީސް އޮފީހަށް ހިނގާނެ ހަރަދުގެ ގޮތުގައި ފާސްކޮށްދީފައިވަނީ ޖުމްލަ 204 މިލިއަން ރުފިޔާއެވެ. ނަމަވެސް، މާލީ އަހަރު ނިމުނުއިރު އެ އޮފީހުން ކޮށްފައިވާ ހަރަދުތަކުގެ ޖުމްލަ އަދަދު ވަނީ 240 މިލިއަން ރުފިޔާއަށް އަރާފަ އެވެ. މިއީ ފާސްކުރި ބަޖެޓާ އަޅާބަލާއިރު ގާތްގަނޑަކަށް 17 ޕަސެންޓުގެ އިތުރުވުމެކެވެ.

ބަޖެޓަށް ވުރެ އިތުރަށް ހަރަދުވާން މެދުވެރިވި މައިގަނޑު ސަބަބުތައްވެސް އޮޑިޓް ރިޕޯޓުގައި ވަނީ ތަފްސީލުކޮށްދީފަ އެވެ. އެގޮތުން އެންމެ ބޮޑު ހަރަދެއް ހިނގާފައިވަނީ މުވައްޒަފުންނަށް ދޭ އުޖޫރައާއި އިނާޔަތްތަކަށެވެ. މީގެ އިތުރުން، ރައީސުލްޖުމްހޫރިއްޔާއާއި އޮފީހުގެ އިސްވެރިން ރާއްޖެއާއި ރާއްޖޭން ބޭރަށް ކުރެއްވި ދަތުރުފަތުރުގެ ހަރަދުތައްވެސް ވަނީ ކަނޑައެޅި ބަޖެޓަށް ވުރެ ބޮޑުތަނުން އިތުރުވެފަ އެވެ.

Advertisement

އޮފީސް ހިންގުމަށް ބޭނުންވާ ތަކެތި ހޯދުމާއި، އިމާރާތާއި ވަސީލަތްތައް މަރާމާތު ކުރުމަށް ކުރި ހަރަދުތައްވެސް ހުރީ ފާސްކުރި މިންވަރަށް ވުރެ މަތީގައެވެ. ހަމައެއާއެކު، ސަރުކާރުން އެކި ފަރާތްތަކަށް ދޭ އެހީއާއި، ބައިނަލްއަގުވާމީ ޖަމިއްޔާތަކަށް ދައްކަންޖެހޭ އިސްތިރާކާއި، އެކި ދާއިރާތަކަށް ދީފައިވާ ސަބްސިޑީގެ ހަރަދުތައް ވެސް އިތުރުވެފައިވެ އެވެ. 

ހަރަދު އިތުރުވެފައިވާ ދާއިރާތައް

ތަފުސީލްފާސްކުރި ބަޖެޓު (މިލިއަން ރުފިޔާއިން)ހަރަދު (މިލިއަން ރުފިޔާއިން)
މުވައްޒަފުންނަށް ހިނގި ހަރަދު131.8133.8
ދަތުރުފަތުރުގެ ހަރަދު14.933.8
އޮފީސް ހިންގުމުގެ ތަކެތި6.410.7
މަރާމާތު5.212.5
އިޝްތިރާކާއި ސަބްސިޑީ4.36.0

މުވައްޒަފުންނަށް ކޮށްފައިވާ ހަރަދާއި ދަތުރުފަތުރުގެ ހަރަދު ބޮޑުވެފައި ވާއިރު 2024 ވަނަ އަހަރަކީ ރައްޔިތުންގެ މަޖިލީހުގެ އިންތިހާބު އޮތް އަހަރެވެ. އަދި މި ސަރުކާރުން ގިނަ އަދަދަކަށް ސިޔާސީ މުވައްޒަފުން ރައީސް އޮފީހަށް ވެސް ވައްދާފައިވެ އެވެ. 

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox