ހުޅުމާލެ ސެންޓްރަލް ޕާކުގައި މިއަދުން ފެށިގެން އަދީއްތަ ދުވަހުގެ ނިޔަލަށް ކުރިއަށްދާ ބިލްޑް އެކްސްޕޯ 2026 ގައި އެލިއާގެ ހާއްސަ ސްޓޯލްއެއް ގާއިމުކޮށް، އެ ކުންފުނިން ވިއްކާ އުފެއްދުންތައް ދައްކާލައި، ހިދުމަތްތަކާ ބެހޭ މައުލޫމާތު ފޯރުކޮށްދޭން ފަށައިފި އެވެ.
އެލިއާއިން ބުނީ އިމާރާތްކުރުމުގެ ދާއިރާގެ ގިނަ ފަންނީ މާހިރުންނާއި ކުންފުނިތަކުން ބައިވެރިވާ މި އެކްސްޕޯގައި އެލިއާގެ ސްޓޯލްއިން އެލިއާ ސްޓޯރާއި އެލިއާ ސޯމިލުން ފޯރުކޮށްދޭ މުހިންމު ސާމާނުތައް އެއް ފުރާޅެއްގެ ދަށުން ބަލާލެވޭނެ ކަމަށެވެ.
މި ފަހަރުގެ އެކްސްޕޯގައި އެލިއާގެ ސްޓޯލުން އެންމެ ހާއްސަ އިސްކަމެއް ދީފައިވަނީ ރާއްޖޭގައި މިހާރު މަގުބޫލުކަން ހޯދަމުން އަންނަ ޓޯޓަލް ޓޫލްސްގެ އުފެއްދުންތަކަށެވެ. އެލިއާއަކީ ރާއްޖޭގައި ޓޯޓަލް ޓޫލްސްގެ ރަސްމީ އެޖެންޓެވެ.
ޓޯޓަލް ޓޫލްސް ބްރޭންޑަކީ އިމާރާތްކުރުމުގެ ދާއިރާގައި މަސައްކަތްކުރާ ފަންނީ މީހުންނާއި އާންމު ދިރިއުޅުމުގެ ބޭނުންތަކަށް ބޭނުންވާ ސާމާނު ހޯދާ ފަރާތްތަކުގެ މެދުގައި އިތުބާރު ހޯދާފައިވާ، އަގުހެޔޮ އަދި އެހާމެ ފެންވަރު ރަނގަޅު ބްރޭންޑެކެވެ.
މީގެ އިތުރުން، އެލިއާ ސޯމިލްގެ ފަރާތުން ފެންވަރު ރަނގަޅު ލަކުޑީގެ ބާވަތްތައް ވެސް މި އެކްސްޕޯގައި ދައްކާލުމަށް ވަނީ ބަހައްޓާފަ އެވެ. ބޮޑެތި މަޝްރޫއުތަކަށާއި އަމިއްލަ އިމާރާތްކުރުމުގެ މަސައްކަތްތަކަށް ބޭނުންވާ ދެމެހެއްޓެނިވި އަދި ވަރުގަދަ ލަކުޑީގެ ބާވަތްތައް މެދުކެނޑުމެއް ނެތި ފޯރުކޮށްދިނުމަކީ އެލިއާގެ މައިގަނޑު އެއް އަމާޒެވެ.
މި އެކްސްޕޯގެ ޒަރީއާއިން ކަސްޓަމަރުންނަށް ބޭނުންވާ ލަކުޑީގެ މައުލޫމާތާއި، އެންމެ އެކަށީގެންވާ ބާވަތްތައް ހިޔާރުކުރުމުގެ ފުރުސަތު ލިބިގެންދާނެ ކަމަށް އެލިއާ އިން ބުންޏެވެ.
ފެންވަރު ރަނގަޅު މެޝިނަރީއާއި، ކަރަންޓު ސާމާނާއި، އިމާރާތްކުރުމަށް ބޭނުންވާ އެކި ބާވަތުގެ އާލާތްތައް ފޯރުކޮށްދިނުމުގައި އެލިއާއިން އަބަދުވެސް އިސްކަންދެނީ ކަސްޓަމަރުންގެ ހިތްހަމަޖެހުމަށާއި ހިދުމަތުގެ ފެންވަރު ހިފެހެއްޓުމަށް ކަމަށް އެ ކުންފުނިން ބުންޏެވެ.
ރާއްޖޭގެ ބާޒާރުގައި 60 އަހަރަށްވުރެ ގިނަ ދުވަހު ހިދުމަތް ދެމުން އަންނަ އެލިއާއަކީ ލަކުޑިއާއި ހާޑްވެއާގެ ކުޑަ ވިޔަފާރިއަކުން ފެށި ކުންފުންޏެކެވެ. އެ ކުންފުނި އަންނަނީ ރާއްޖޭގެ އިމާރާތްކުރުމުގެ ދާއިރާ ކުރިއެރުވުމުގައި މުހިންމު ދައުރެއް އަދާކުރަމުންނެވެ.
ބިލްޑް އެކްސްޕޯ ކުރިއަށްދާނީ ކޮންމެ ދުވަހެއްގެ ހަވީރު 16:00 އިން ރޭގަނޑު 22:00 ޖެހުމާ ހައަކަށެވެ. މި އެކްސްޕޯއަށް ޒިޔާރަތްކުރާ ފަރާތްތަކަށް އެލިއާގެ ސްޓޯލުން އާ އުފެއްދުންތައް ތަޖުރިބާކޮށްލުމުގެ ފުރުސަތު ލިބުމުގެ އިތުރުން، އިމާރާތްކުރުމުގެ ދާއިރާގައި ހުރި އެންމެ ފަހުގެ ވަސީލަތްތަކާ ބެހޭ މައުލޫމާތު ލިބިގެންދާނެ އެވެ.
