ބަރަކާތްތެރި ރަމަޟާން މަހާ ދިމާކޮށް "ރަމަޟާން ޝޮޕް އެންޑް ވިން" ގެ ނަމުގައި އެލިއާ ސްޓޯރުން ވަރަށް ހާއްސަ ޕްރޮމޯޝަނެއް މިއަދު ފަށައިފިއެވެ.
މި ޕްރޮމޯޝަނަކީ ކޮންމެ އަހަރަކުވެސް ރަމަޟާން މަހުގެ އުފަލުގައި ކަސްޓަމަރުން ބައިވެރިކުރުވުމުގެ ގޮތުން އެލިއާއިން ބާއްވަމުން އަންނަ ސިލްސިލާ ހަރަކާތްތަކުގެ ބައެކެވެ.
މި ޕްރޮމޯޝަނުގެ ދަށުން، އެލިއާ ސްޓޯރުން ކުރައްވާ 500 ރުފިޔާއިން މަތީގެ ކޮންމެ ވިޔަފާރިއަކަށް، ހަފުތާއަކު ހޮވޭ ނަސީބުވެރި ފަރާތަކަށް އަގުހުރި އިނާމުތަކެއް ލިބުމުގެ ފުރުސަތު ވަނީ ހުޅުވާލެވިފައެވެ. އެގޮތުން ޕްރޮމޯޝަންގެ ފުރަތަމަ ހަފުތާގެ ނަސީބުވެރި ފަރާތަށް ބަދިގޭގައި ގެންގުޅޭ ސާމާނުގެ ފުރިހަމަ ސެޓެއް ލިބިގެންދާނެއެވެ.
މި ޕްރޮމޯޝަން ކުރިއަށް ގެންދިޔުމަށް ހަމަޖެހިފައިވަނީ މި ޖެނުއަރީން މާޗު 28 ގެ ނިޔަލަށެވެ.
ޕްރޮމޯޝަނާ ގުޅޭ އިތުރު މައުލޫމާތު ހޯއްދެވުމަށް އެލިއާ ސްޓޯރުގެ ޝޯރޫމަށް ޒިޔާރަތްކޮށް ނުވަތަ 3322835 އަށް ގުޅުއްވުމުން އިތުރު ތަފުސީލު ލިބިވަޑައިގަންނަވާނެއެވެ.
އިތުރަށް ކުރިއަށް ގެންދާ ޕްރޮމޯޝަންތަކުގެ ތެރޭގައި "އަބަދުވެސް ޔަމަހާ ރޯދަ ޕްރޮމޯ" ހިމެނެ އެވެ. މި ޕްރޮމޯޝަނަކީ ޔަމަހާ ސައިކަލާއި، އައުޓްބޯޑް އިންޖީނު އަދި ވޭވް ރަނާ އަށް ޚާއްސަ ޕްރޮމޯޝަންތަކެކެވެ.
ރިފަރަލް ޕްރޮމޯޝަން
މި ޕްރޮމޯޝަނުގެ ދަށުން ޔަމަހާ ސައިކަލުތަކަށް ހާއްސަ "ރިފަރަލް ޕްރޮމޯޝަން" އެއް ފަށާފައިވާއިރު، ސައިކަލެއް ގަންނަން ބޭނުންވާ ފަރާތެއްގެ ނަން ހުށަހަޅައި، އެ ފަރާތުން ސައިކަލު ގަނެ ނިންމުމުން، ނަން ހުށަހެޅި ފަރާތަށް 1,500ރ. ގެ އެލިއާ ވައުޗަރެއް ލިބެއެވެ.
މި ވައުޗަރު އެލިއާގެ ކޮންމެ ވިޔަފާރިއަކުންވެސް ބޭނުންކޮށްލެވޭނެއެވެ. މީގެ އިތުރުން އަލަށް ސައިކަލު ގަންނަ ކަސްޓަމަރަށް މި ޕްރޮމޯޝަންގެ ދަށުން ފުރަތަމަ ސާވިސް ހިލޭ ލބިގެންދެއެވެ. ޔަމަހާ ސައިކަލު އެއްފަހަރާ ފައިސާ ދައްކާ ފަރާތްތަކަށާއި އަދި މަހުން މަހަށް ފައިސާ ދައްކާ އަގު ހަމަކުރާ އުސޫލުން ސައިކަލު ބައްލަވައިގަންނަވާ ފަރާތްތަކަށް ވެސް މި ޕްރޮމޯޝަން ހުޅުވާލެވިފައިވާކަން އެލިއާއިން ހާމަ ކުރެއެވެ.
އައުޓްބޯޑު އިންޖީނުތަކަށް ހާއްސަ ޕްރޮމޯޝަން
ޔަމަހާ އިންޖީނުތަކަކީ ދިވެހީންގެ އިތުބާރު ހޯދާފައިވާ ރާއްޖޭގެ ކަނޑުތަކަށް ހެޔޮވަރު އައުޓްބޯޑު އިންޖީނު ބްރޭންޑެކެވެ. މި އިންޖީނުތަކަށް ޙާއްސަ ޕްރޮމޯޝަނެއްވެސް ފަށާފައިވާއިރު، އެންމެ ކުޑަ ހޯސްޕަވަރުން ފެށިގެން އެންމެ މަތީ ހޯސްޕަވަރުގެ އައުޓްބޯޑް އިންޖީނުތަކަށް ބޮޑެތި ޑިސްކައުންޓުތަކެއް ލިބުމުގެ އިތުރުން 175 ހޯސްޕަވަރުން ދަށުގެ އިންޖީނުތައް 24 މަސްދުވަހަށް އިންސްޓޯލްމަންޓް މުއްދަތު ބަހާލެވޭނެ ލުއި ޕްލޭންތަކެއް ލިބޭނެ އެވެ.
އެލިއާއިން ކުރިޔަށް މިގެންދާ ޕްރޮމޯޝަންތައް އިތުރަށް ފުރިހަމަކޮށް ކަސްޓަމަރުން ގަޔާވާ ހާއްސަ ފުރުސަތުތަކެއް ފަހިކޮށްދިނުމުގެ ގޮތުން، ވަނީ ޙާއްސަކޮށް ރޯދަ މަހަށް އަމާޒުކޮށްގެން އުމްރާއެއް ކުރުމުގެ ނަސީބު ލިބިގެންދާ ލަކީޑްރޯ ޕްރޮމޯޝަނެއްވެސް ފަށާފައެވެ.
މިގޮތުން ޖެނުއަރީ 20 އިން ފެށިގެން މާޗު 26ގެ ނިޔަލަށް، ޔަމަހާ ބްރޭންޑުގެ އައުޓްބޯޑް އިންޖީނު، ސައިކަލު ނުވަތަ ވޭވްރަނާ ގަންނަ ހުރިހާ ފަރާތްތަކަށްވެސް މި ގުރުއަތުގައި ބައިވެރިވުމުގެ ފުރުސަތު ލިބިގެންދާނެއެވެ. ލަކީޑްރޯގެ ގުރުއަތުލުން މާޗު 28 ގައި ސޯޝަލް މީޑިއާ މެދުވެރިކޮށް ނަގާނެ އެވެ،
މި ޕްރޮމޯޝަންތަކާއި ގުޅޭ އިތުރު ތަފުސީލު ހޯއްދުމަށް އެލިއާގެ ޝޯރޫމަށް ޒިޔާރަތްކޮށް ނުވަތަ 3009797 އަށް ގުޅުއްވައިގެން ވެސް އިތުރު މަޢުލޫމާތު ލިބޭނެ އެވެ.
