ބައިބަލާގެ ރަސްގެފާނު، ބީޖީ ބަލިކޮށް ޗެމްޕިއަންކަން ޒެޕޯއަށް، މިސްޓާ ބައިބަލާއަކީ ޒުވާން މާކީ

އީދު ބައިބަލާ ޗެލެންޖު 1447 ގެ ޗެމްޕިއަން ޓީމް، ޒެޕޯ ސްޕޯޓްސް ކްލަބަށް ތަށި ލިބުމުން އުފާ ފާޅުކުރަނީ -- ފޮޓޯ: ސްޕޯޓްސް މިނިސްޓްރީ

އީދު ބައިބަލާ ޗެލެންޖު 1447 ގެ ޗެމްޕިއަން ޓީމް، ޒެޕޯ ސްޕޯޓްސް ކްލަބަށް ތަށި ލިބުމުން އުފާ ފާޅުކުރަނީ -- ފޮޓޯ: ސްޕޯޓްސް މިނިސްޓްރީ

ބައިބަލާގެ ރަސްގެފާނު، ބީޖީ ސްޕޯޓްސް ކްލަބް ބަލިކޮށް އީދު ބައިބަލާ ޗެލެންޖު 1447 ގެ ޗެމްޕިއަންކަން ޒެޕޯ ސްޕޯޓްސް ކްލަބުން ހޯދައިފި އެވެ.

ހުޅުމާލޭގައި ރޭ ކުޅުނު ބައިބަލާ މުބާރާތުގެ ފައިނަލް މެޗު ޒެޕޯއިން ކާމިޔާބުކުރީ ގަދަ ހިފުމުގެ ފަސްވަނަ ހިފުން ކާމިޔާބު ކޮށްގެންނެވެ. ޒެޕޯއަށް މެޗު ކާމިޔާބު ކޮށްދިނީ މި އަހަރުގެ މުބާރާތުގެ މިސްޓާ ބައިބަލާގެ މަގާމު ހޯދި، މުހައްމަދު ނައްވާފް (މާކީ) ފަހު ހިފުމުގައި ބޭރުން އަރަ އެވެ.

ރޭގެ މެޗުގެ ފުރަތަމަ ގޭމުގައި ޒެޕޯ ކުޅުނީ އެތެރެއިންނެވެ. ބައިބަލާގެ ތަޖުރިބާކާރު ގިނަ ކުޅުންތެރިންތަކެއް ހިމެނުނު ބީޖީން ބޭރުން ކުޅެ، އެ ގޭމު ކާމިޔާބު ކުރީ ގޭމުގެ ބާކީ ތިން މިނެޓު އޮއްވަ އެވެ. ނަތީޖާ 9-4 ގައި އޮއްވައި، ތިން ކުޅުންތެރިން ބޭރުކޮށްގެން އެ ގޭމު ބީޖީއަށް ކާމިޔާބު ކޮށްދިނީ ކުރީގެ މިސްޓާ ބައިބަލާ، ފަރަހު ޝާމް އެވެ.

Advertisement

ޖަވާބުގައި، ޒެޕޯއިން ބޭރުން ކުޅެން އަރައި ދެވަނަ ގޭމު 6-5 އިން ކާމިޔާބުކުރީ 2:37 ސިކުންތު ބާކީ އޮއްވަ އެވެ. ޒުވާން ގިނަ ކުޅުންތެރިންތަކެއް ހިމެނުނު ޒެޕޯއަށް އެ ގޭމު ކާމިޔާބު ކޮށްދިނީ މި މުބަރާތުގައި ތަވާތު މޮޅު ކުޅުމެއް ދެއްކި މާކީ އެވެ.

މެޗުގެ ނަތީޖާ ނެރުމަށް ގަދަ ހިފުމަށް ގޮސް، ފުރަތަމަ ހަތަރު ހިފުމުގެ ތެރެއިން، ކޮންމެ ޓީމަކުން ވެސް ދެ ހިފުން ކާމިޔާބުކުރި އެވެ. އެންމެފަހު ހިފުމުގައި ގުރު ދިމާވީ ޒެޕޯއަށެވެ. އެ ޓީމުން ނިންމީ ބޭރުން ކުޅޭށެވެ.

މި އަހަރުގެ ބައިބަލާ މުބާރާތުގައި ޖުމުލަ 38 ޓީމު ވާދަކުރި އެވެ. މި އަހަރުގެ މުބާރާތް ކުރިއަށް ގެންގޮސްފައި ވަނީ މީގެ ކުރިއާ ތަފާތުކޮށް، ޑަބަލް އެލިމިނޭޝަން އުސޫލުންނެވެ. އެހެންކަމުން، މުބާރާތުގެ ކުއާޓާއާ ހަމައަށް ކޮންމެ ޓީމެއް ވެސް މުބާރާތާ އަލްވަދާއު ކިޔަން ޖެހުނީ ދެ މެޗުން ބަލިވުމުންނެވެ.

އޭގެ އިތުރުން މި އަހަރުގެ މުބާރާތުގެ ގަވާއިދަށް ގެނައި ބަދަލާއެކު، މީގެ ކުރިން ތިން ހަދަ ހިފުމުގެ، ތިން ހިފުމުގެ ބަދަލުގައި ފަސް ހިފުން ކުރިއަށް ގެންދާ ގޮތަށް ވަނީ އުސޫލު ބަދަލުކޮށްފަ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox