ފާޑުކިޔުން އަމާޒުވުމުން ހަމައެކަނި ސިޓީތަކުގައި އީދު ލައިޓް ދިއްލަން ނިންމައިފި

މި ފަހަރު އީދަށް ސިޓީތައް ފިޔަވައި އެހެން ރަށްރަށުގައި އީދު ލައިޓް ނުދިއްލާނެ ކަމަށާއި ސިޓީތަކުގައި ވެސް އީދު ލައިޓް ދިއްލާނީ ވަކި ސަރަހައްދުތަކެއްގައި ކަމަށް ސަރުކާރުން ބުނޭ -- ފޮޓޯ؛ ރައީސް އޮފީސް

މި ފަހަރު އީދަށް ސިޓީތައް ފިޔަވައި އެހެން ރަށްރަށުގައި އީދު ލައިޓް ނުދިއްލާނެ ކަމަށާއި ސިޓީތަކުގައި ވެސް އީދު ލައިޓް ދިއްލާނީ ވަކި ސަރަހައްދުތަކެއްގައި ކަމަށް ސަރުކާރުން ބުނޭ -- ފޮޓޯ؛ ރައީސް އޮފީސް

މެދުއިރުމަތީގައި މިހާރު ކުރިއަށްދާ ހަނގުރާމަ ކުރަމުންދާ ދަނޑިވަޅުގައި ރާއްޖޭގައި ކުލަގަދަކޮށް އީދު ފާހަގަކުރަން ތައްޔާރުވަމުންދާތީ އަމާޒުވަމުން އަންނަ ފާޑުކިޔުންތަކާއެކު އީދު ލައިޓް ހަމައެކަނި ސިޓީތަކުގައި ދިއްލުމަށް ސަރުކާރު ނިންމައިފި އެވެ.

ރައީސް އޮފީހުގައި ބޭއްވި ނޫސްވެރިންގެ ބައްދަލުވުމެއްގައި ފޮރިން މިނިސްޓަރު އަބްދުﷲ ހަލީލް ވިދާޅުވީ ހަމައެކަނި ސިޓީތަކުގައި އީދު ލައިޓު ދިއްލަން ނިންމީ ކެބިނެޓުގައި މަޝްވަރާ ކުރުމަށްފަހު ކަމަށެވެ.

މިގޮތުން މިފަހަރު އީދަށް ސިޓީތައް ފިޔަވައި އެހެން ރަށްރަށުގައި އީދު ލައިޓް ނުދިއްލާނެ ކަމަށާއި ސިޓީތަކުގައި ވެސް އީދު ލައިޓް ދިއްލާނީ ވަކި ސަރަހައްދުތަކެއްގައި ކަމަށް ހަލީލް ވިދާޅުވި އެވެ.

"އީދު ލައިޓުގައި ކެބިނެޓުގެ މަޝްވަރާއާ އެއްކޮށްު ރައީސް ނިންމަވާފައި އެއޮތީ ފިތުރު އީދު ދިއްލުން ރަށްރަށުގައި މިވަގުތުގައި ނުބާއްވާ ގޮތަށް ހަމައެކަނި ރާއްޖޭގެ ފަސް ސިޓީގައި މިކަން ކުރިއަށްގެންދާ ގޮތަށް. އެވެސް ކަނޑައެޅޭ ވަކި ލޮކޭޝަންތަކެއްގައި އެނގޭތޯ،" ހަލީލް ވިދާޅުވި އެވެ.

އިރާން ހަނގުރާމައާ ގުޅިގެން ދުނިޔޭގެ ބާޒާރުގައި ތެލާއި ތަކެތީގެ އަގުތައް އުފުލެމުން އަންނަ ދަނޑިވަޅެއްގައި އިމްޕޯޓަށް މުޅިން ބަރޯސާވެފައިވާ ރާއްޖޭގައި ބޮޑު ހޭދަކޮށްގެން ކުލަގަދަކޮށް އީދު ފާހަގަކުރަން ސަރުކާރުން އޮތީ ނިންމާފަ އެވެ.

އެމްއެންޑީއެފްއިން ވަނީ ސަރުކާރުގެ 10 ކުންފުންޏެއް ބައިވެރިކޮށްގެން އެމްއެންޑީއެފް އިސްވެ ތިން ދުވަހަށް މާލެ ސަރަހައްދުގައި އީދު ފާހަގަކުރަން ވަނީ ނިންމާފަ އެވެ. އޭގެ ތެރޭގައި ސްޓެލްކޯއާއި، އެމްޑަބްލިއުއެސްއީއާއި، ވެމްކޯއާއި، އެމްޕީއެލްއާއި، އެޗްޑީސީއާއި، އެސްޓީއޯއާއި، އެމްއޭސީއެލްއާއި، އާރުޑީސީއާއި، އެމްޓީސީސީ އަދި މިފްކޯ ހިމެނެ އެވެ.

ރާއްޖޭން ކުލަގަދަކޮށް އީދު ފާހަގަކުރުމަށް ތައްޔާރުވަމުން އަންނައިރު އޭޝިއާގެ ގިނަ ގައުމުތަކުން ވަނީ ހަރަދު ކުޑަކުރުމަށް ގިނަ ފިޔަވަޅުތަކެއް އަންނަނީ އަޅަމުންނެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox