ނޭޕާލް އަށް ފީފާ ސަސްޕެންޝަނެއް އައުމުގެ ބިރު ބޮޑުވެއްޖެ

Mar 26, 2026, 7:31 AM
ނޭޕާލް އަށް ފީފާ ސަސްޕެންޝަނެއް އައުމުގެ ބިރު ބޮޑުވެއްޖެ

ކަތުމަންޑޫ، ނޭޕާލް (މާޗް 26) - ނޭޕާލްގެ ސަރުކާރުގެ ފަރާތުން ކުޅިވަރު އެސޯސިއޭޝަންތަކުގެ ބެލެނިވެރި ފަރާތް، ނޭޝަނަލް ސްޕޯޓްސް ކައުންސިލުން އެ ގައުމުގެ ފުޓްބޯޅަ އެސޯސިއޭޝަން (އަންފާ) ތިން މަސްދުވަހަށް ސަސްޕެންޑް ކުރަން ނިންމައިފި އެވެ.

ސްޕޯޓްސް ކައުންސިލްގެ މި ނިންމުމާ އެކު، ސަރުކާރުގެ ނުފޫޒު ނޭޕާލްގެ ފުޓްބޯޅަ އަށް ފޯރި ކަމަށް ނިންމައި، ދުނިޔޭގެ މައި ފުޓްބޯޅަ އިދާރާ، ފީފާ އިން ނޭޕާލް ސަސްޕެންޑް ކުރުމުގެ ފުރުސަތު ވަނީ ބޮޑުވެފަ އެވެ.

އެ ގޮތުން، ސްޕޯޓްސް ކައުންސިލްގެ ހިންގާ ގަވާއިދުން ލިބިދޭ ބާރުގެ ބޭނުންކޮށް އަންފާ ސަސްޕެންޑް ކުރަން ނިންމި އެންމެ ބޮޑު ސަބަބަކީ، ދާދި ފަހުން ބާއްވަން މަސައްކަތްކުރި އަންފާގެ އިންތިހާބުގެ ކަންކަން ސްޕޯޓްސް ކައުންސިލުން ދިން ލަފަޔާ އެއްގޮތަށް ކުރިއަށް ނުގެންދިއުމުންނެެވެ. ފެބްރުއަރީ 11 ގައި ބާއްވަން ނިންމި އަންފާގެ އިންތިހާބު ނޭޕާލުގެ ޕަޓާން ހައި ކޯޓުން ޖެނުއަރީ މަހު ނިންމި ނިންމުމާ އެއްގޮތަށް ހުއްޓިފައި އޮތް ނަމަވެސް، އަންފާ އިން މަސައްކަތް ކުރަމުން އައީ މާދަމާ އެ އިންތިހާބު ބޭއްވުމަށެވެ.

އެކަމަކު، އިއްޔެ ސްޕޯޓްސް ކައުންސިލުން މި ވަނީ އަންފާ ސަސްޕެންޑްކޮށްފަ އެވެ. ސަސްޕެންޑްކުރަން ނިންމީ، އަންގާރަ ދުވަހު، އަންފާ އަށް ޖަވާބުދާރީވާން ދިން 24 ގަޑިއިރުގެ މުހުލަތުގެ ތެރޭގައި އެކަން ކޮށްފައިވަނީ، ސްޕޯޓްސް ކައުންސިލުން ލަފާ ދޭ ގޮތާ އެއްގޮތަށް ކަމަށްނުވާތީ އެވެ.

ސްޕޯޓްސް ކައުންސިލުން ތިން މަހަށް އަންފާ ސަސްޕެންޑްކުރުމާ އެކު، މި މުއްދަތުގައި އަންފާ އިން ބާއްވާ އެއްވެސް މުބާރާތެއް ބަލައިނުގަންނަން ނޭޕާލް ސަރުކާރުން މި ވަނީ ނިންމައިފަ އެވެ.

ސަރުކާރުން އަންފާ ހިންގުމަށް ނުފޫޒު ފޯރުވާ ކަމަށް ބުނާ ވާހަކަ އަކީ ހަގީގަތެއް ނޫން ކަމަށް ސްޕޯޓްސް ކައުންސިލުން ވަނީ ބުނެފަ އެވެ. އަދި، އެ ކަމަށް ބަލައި، ފީފާ އިން އަންފާ ސަސްޕެންޑްނުކުރާނެ ކަމަށް ސްޕޯޓްސް ކައުންސިލުން ދެކުނު ނަމަވެސް، މީގެ ކުރިން މި ފަދަ ކަންކަމުގައި ފީފާ އިން ގައުމުތައް ސަސްޕެންޑް ކޮށްފައި އެބަހުއްޓެވެ.

އޭގެ ތެރޭގައި، ދެކުނު އޭޝިއާގެ ގައުމުތައް ކަމަށްވާ ޕާކިސްތާން، އިންޑިއާ އަދި ސްރީ ލަންކާ ވެސް ހިމެނެ އެވެ.

ނޭޕާލުން ވަނީ ރާއްޖޭގައި މިހާރު ކުރިއަށްދާ ސާފް 20 އަހަރުން ދަށުގެ ފުޓްބޯޅަ މުބާރާތުގައި ފުރަތަމަ ކުޅުނު ދެ މެޗުން މޮޅުވެ، ބާކީ މެޗެއް އޮއްވައި މުބާރާތުގެ ސެމީ ފައިނަލުގެ ޖާގައެއް ޔަގީންކޮށްފަ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox