ބާސްކެޓްބޯޅަ ތަރި ގިލްޖަސް-އަލެކްސަންޑާ އަށް 63 އަހަރުވީ ރެކޯޑެއް

Mar 14, 2026, 6:38 AM
ބާސްކެޓްބޯޅަ ތަރި ގިލްޖަސް-އަލެކްސަންޑާ އަށް 63 އަހަރުވީ ރެކޯޑެއް

އޮކްލަހޯމާ ސިޓީ، ޔުނައިޓެޑް ސްޓޭޓްސް (މާޗް 14) - އޮކްލަހޯމާ ސިޓީ ތަންޑާ އަށް ކުޅެމުން އަންނަ ކެނަޑާގެ ބާސްކެޓްބޯޅަ ތަރި، ޝޭ ގިލްޖަސް-އަލެކްސަންޑާ، އެންބީއޭގެ 63 އަަހަރުވީ ޕޮއިންޓު ރެކޯޑެއް މުގުރާލައިފި އެވެ.

އެންބީއޭގައި އޮކްލަހޯމާ ސިޓީ ތަންޑާސް އިން ބޮސްޓަން ސެލްޓިކްސް އަތުން 104-102 އިން މޮޅުވި މެޗުގައި ގިލްޖަސް-އަލެކްސަންޑާ ވަނީ 35 ޕޮއިންޓް އެއްކޮށްފަ އެވެ. މިއާ އެކު، އޭނާ މި ވަނީ ޖެހިޖެހިގެން 127 މެޗުގައި މަދުވެގެން 20 ޕޮއިންޓް ހަމަކޮށްފަ އެވެ. މިއީ، އެންބީއޭގެ އާ ރެކޯޑެކެވެ.

މީގެ ކުރިން، އެންމެ ގިނަ މެޗުގައި މަަދުވެގެން 20 ޕޮއިންޓް ހޯދާފައިވަނީ، ލެޖެންޑަރީ ކުޅުންތެރިޔާ، ވިލްޓް ޗަމްބަލެއިން އެވެ. އޭނާ ވަނީ 1961 ވަނަ އަހަރުގެ އޮކްޓޫބަރުން ފެށިގެން 1963 ވަނަ އަހަރުގެ ޖެނުއަރީއާ ހަމައަށް ޖެހިޖެހިގެން 126 މެޗުގައި، މަދުވެގެން 20 ޕޮއިންޓް އެއްކޮށްފަ އެެވެ.

އުމުރުން 27 އަހަރުގެ ގިލްޖަސް-އަލެކްސަންޑާ، މި ރެކޯޑާ ހަމައަށް އައުމުގެ ދަތުރު ފެށީ، 2024 ވަނަ އަހަރުގެ ނޮވެމްބަރު މަހުގެ އެއް ވަނަ ދުވަހު އެވެ. މިދިޔަ އަހަރުގެ އެންބީއޭ ޗެމްޕިއަންކަން، އޮކްލަހޯމާ ސިޓީ އަށް ހޯދައިދިނުމުގައި ބޮޑު ހިއްސާއެއް އޮތް، ގިލްޖަސް-އަލެކްސަންޑާ ބުނީ، ރެކޯޑެއް ފުރިހަމަވަނީ ހަގީގަތުގައި އޭގައި ކާމިޔާބެއް އެކުލެވިފައި އޮވެގެން ކަމަށެވެ.

އަދި، އޭނާ އަށް މި ފަދަ ބޮޑު ރެކޯޑެއް ހެދުނީ، ޓީމުގެ ހުރިހާ ކުޅުންތެރިންގެ ސަޕޯޓާއި ޓީމުން ހޯދި ކާމިޔާބީތަކާ އެކުގައި ކަމަށްވާތީވެ، މި ކަމުގެ އުފާ އަސްލު ފާހަގަކުރަން ޖެހޭ ކަމަށް ގިލްޖަސް-އަލެކްސަންޑާ ވަނީ ބުނެފަ އެވެ.

ބޮސްޓަން ސެލްޓިކްސް އަތުން އޮކްލަހޯމާ ސިޓީ ތަންޑާސް އަށް ލިބުނު މޮޅަކީ ޖެހިޖެހިގެން ހަތް ވަނަ މެޗުގައި ހޯދި ކާމިޔާބެވެ. އަދި، އޮކްލަހޯމާ ސިޓީ ތަންޑާސް އޮތީ އެންބީއޭގެ ވެސްޓާން ކޮންފަރެންސް ތާވަލުގެ ކުރީގަ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox