ލެބްރަން ޖޭމްސް އާއިލާއާ މަޝްވަރާކޮށް ރިޓަޔާކުރުމާ މެދު ގޮތެއް ނިންމަނީ

May 2, 2025, 2:05 AM
ލެބްރަން ޖޭމްސް އާއިލާއާ މަޝްވަރާކޮށް ރިޓަޔާކުރުމާ މެދު ގޮތެއް ނިންމަނީ

ލޮސް އެންޖެލްސް، ޔުނައިޓެޑް ސްޓޭޓްސް (މެއި 2) - ލޮސް އެންޖެލްސް ލޭކާސް (އެލްއޭ ލޭކާސް) އަށް ކުޅެމުން އަންނަ ބާސްކެޓްބޯޅަ ލެޖެންޑް، ލެބްރަން ޖޭމްސް، 22 އަހަރަށް ވުރެ ގިނަ ދުވަސްވީ ޕްރޮފެޝަނަލް ކެރިއަރު ނިންމާލުމާ މެދު ގޮތެއް ނިންމަން އާއިލާއާ އެކު، މަޝްވަރާ ކުރަން ތައްޔާރުވެއްޖެ އެވެ.

ފަސް ވަނަ ފަަހަރަށް އެންބީއޭ ޗެމްޕިއަންޝިޕް ކާމިޔާބުކުރަން ޖޭމްސް، 40، ކުރި އުންމީދު ނިމުމަކަށް އައީ، އެލްއޭ ލޭކާސް އިން އެންމެ ފަހުން ކުޅުނު މެޗުން، މިނެސޯޓާ ޓިމްބަވުލްވްސް އަތުން ބަލިވުމުންނެވެ. މިއާ އެކު، ޕްލޭއޮފުން ޖާގަ ނުލިބި، އެލްއޭ ލޭކާސް ކެޓީ އެވެ.

މީގެ އެއް އަހަރު ކުރިން، 2024 ވަނަ އަހަރު ލޭކާސްއާ އެކު، ދެ އަހަރުގެ ކޮންޓްރެކްޓެއްގައި ސޮއިކުރި ޖޭމްސް ބުނީ، ކެރިއަރާ ގުޅޭ މުހިންމު ނިންމުމާ މެދު، އާއިލާއާ އެކު، މަޝްވަރާ ކުރަން އޮފް ސީޒަންގެ ބޭނުންކުރާނެ ކަމަށެެވެ.

Advertisement

"(އަންނަ ސީޒަނުގައި ކުޅޭނެ ކަމެއް) މި ވަގުތު ބުނަން ނޭނގޭ، ތިއަށް ދޭނެ ޖަވާބެއް ވެސް ނެތް،" ޖޭމްސް ބުންޏެވެ.

"އަހަރެންގެ އަންހެނުންނާއި އާއިލާ އާއި ދެން، ހެޔޮއެދޭ އެންމެންނާ އެކު، މި މަޝްވަރާތައް ގެންދަން ރަނގަޅު ވަގުތު މިއީ. އަހަރެން ވަރަށް ފުންކޮށް ވިސްނާފައި ކެރިއަރާމެދު ގޮތެއް ކަނޑައަޅާނަން،"

ނިމިދިޔަ ސީޒަނަކީ ޖޭމްސް ގިނަ ރެކޯޑްތަކެއް ހެދި އަހަރެކެވެ.

އެ ގޮތުން، އުމުރުން އެންމެ 18 އަހަރުގައި، ނެޝަނަލް ބާސްކެޓްބޯލް އެސޯސިއޭޝަން (އެންބީއޭ) މުބާރާތްތައް ކުޅެން ނުކުތް ޖޭމްސް އުމުރުން 40 އަހަރުގައި ވެސް އެ ލެވަލް ހިފަހައްޓައިި، 22 ވަނަ ސީޒަނުގައި ކުޅެ އެންމެ ގިނަ ސީޒަންގައި ކުޅުނު ކުޅުންތެރިޔާގެ ޝަރަފާ އެކު، ތާރީހުން ޖާގަހޯދި އެވެ. އަދި، ޕްރީ ސީޒަަން މެޗެއްގައި ފީނިކްސް ސަންސްއާ ދެކޮޅަށް ކުޅުނު މެޗެއްގައި، އެލްއޭ ލޭކާސް ޓީމަށް ޖޭމްސް އާއި އޭނާގެ ދަރިފުޅު، ބްރޯނީ ޖޭމްސް އެކުގައި ފުރަތަަމަ ފަހަރަށް ރަސްމީ މެޗެއްގައި ކުޅެ ތާރީހީ ކަމެއް ހާސިލްކުރި އެެވެ. މީގެ ކުރިން ބައްޕަ އާއި ދަރިފުޅު، އެންބީއޭ ލެވަލްގެ އެއްވެސް މެެޗެއްގައި އެކުގައި ކުޅެފައި ނުވެ އެވެ. އެހެންކަމުން، ޖޭމްސް ދެބަފައިންނަށް މި ހާސިލްކުރެވުނީ ތާރީހީ ކަމެކެވެ.

ޖޭމްސް ބުނީ، ބްރޯނީއާ އެކު، އެއްކޮށް މެޗެއްގައި ކުޅެ ހެދުނު ރެކޯޑަކީ، މި ސީޒަނުގެ އެންމެ ބޮޑު އުސްއަލި ކަމަށެވެ.

މީގެ އިތުރުން، މިދިޔަ ސީޒަނުގައި ޖޭމްސް ވަނީ، އެންބީއޭގައި 50،000 ޕޮއިންޓް ހަމަކުރި ފުރަތަަމަ ކުޅުންތެރިޔާގެ ޝަރަފް ވެސް ހޯދައިފަ އެވެ. މި ސީޒަނުގައި މުގުރާލި ދެން ހެދި ހާއްސަ ރެކޯޑަކަށް ބަލާއިރު، އެންމެ ގިނަ މެޗު 30 ޕޮއިންޓަށް ވުރެ ގިނައިން ސްކޯކޮށްގެން، މައިކަލް ޖޯޑަން 2003 ވަނަ އަހަރު ހެދި ރެކޯޑް ވެސް ވަނީ މުގުރާލައިފަ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox