ޗާގޯސްއަށް ދާން ރާއްޖެ އައި ނައިޖެލް ފަރާޖު: "އަހަރެން ހުއްޓުވީ ދިވެހި ސަރުކާރަށް ޕްރެޝަރު ކޮށްގެން"

ޗާގޯސްއަށް ދާން ރާއްޖެ އައި ނައިޖެލް ފަރާޖު: "އަހަރެން ހުއްޓުވީ ދިވެހި ސަރުކާރަށް ޕްރެޝަރު ކޮށްގެން"

ރާއްޖޭގެ ދެކުނުން އޮންނަ ޗާގޯސް ޖަޒީރާއަށް ދަތުރުކުރުމަށް އައިސް ހުރި އިނގިރޭސިވިލާތުގެ ރިފޯމް ޕާޓީގެ ލީޑަރު އަދި ގާނޫނު ހަދާ މަޖިލީހުގެ މެންބަރު ނައިޖެލް ފަރާޖު ހުއްޓުވީ އެ ގައުމުގެ ސަރުކާރުން ދިވެހި ސަރުކާރަށް ޕްރެޝަރު ކޮށްގެން ކަމަށް އޭނާ ތުހުމަތު ކުރައްވައިފި އެވެ.

އިނގިރޭސިވިލާތުން ޗާގޯސްގެ ސިޔާދަތީ ބާރު މޮރިޝަސްއަށް ދޫކޮށްލި މައްސަލައާ ދެކޮޅު ހެދުމުގެ ގޮތުން ޗާގޯސްއަށް ނިސްބަތްވާ ހަތަރު މީހުން އެ އަތޮޅުގައި ދާއިމީ ގޮތެއްގައި ވަޒަންވެރިވުމަށް މިދިޔަ ހަފުތާގައި ވަނީ ގޮސްފި އެވެ. އެ މީހުން އެ ތަނުން ފޭބުމަށް އިނގިރޭސި ސަރުކާރުން އަންގާފައިވާއިރު އެ ގައުމުގެ އިދިކޮޅު ފަރާތްތަކުން އަންނަނީ އެއީ ކުރެވޭނެ ކަމެއް ނޫން ކަމަށް ބުނެ ބޮޑުވަޒީރު ކިއެ ސްޓާމާގެ ސަރުކާރަށް ފިއްތުންތައް ކުރިމަތި ކުރުވަމުންނެވެ.

އެ މީހުންނަށް އެހީތެރިކަން ފޯރުކޮށްދިނުމުގެ ގޮތުން ބައެއް ސާމާނާއެކު ނައިޖެލް ފަރާޖު ރާއްޖެ އައީ މިދިޔަ ހަފްތާގެ ތެރޭގައި ކަމަށް މީޑިއާ ރިޕޯޓުތައް ބުނެ އެވެ. އެ މީހުންނަށް ބޭނުންވާ ކާނާ އާއި ބޭހާއި އިންސާނީ އެހީ ފޯރުކޮށްދިނުމަށް ބޯޓެއް ފޮނުވުމަށް ފަރާޖު ދިޔައީ މަސައްކަތް ކުރަމުންނެވެ.

އޭނާގެ ސޯޝަލް މީޑިއާ ޕްލެޓްފޯމްތަކުގައި އާންމުކުރި ވީޑިއޯއެއްގައި ނައިޖެލް ފަރާޖު ވަނީ އޭނާ ހުއްޓުވުމަށް ދިވެހި ސަރުކާރާއި ރައީސް މުހައްމަދު މުއިއްޒުއަށް ސްޓާމާގެ ސަރުކާރުން ޕްރެޝަރު ކުރަމުންދާ ކަމަށް ވިދާޅުވެފަ އެވެ.

އެ ގައުމުގެ "ދަ ޓެލެގްރާފް" ނޫހަށް ދިން އިންޓަވިއުއްގައި ފަރާޖު ވިދާޅުވި ގޮތުގައި އެ މައުލޫމާތު އޭނާއާ ހިއްސާކުރީ ދިވެހި ސަރުކާރުގެ އިސް އޮފިޝަލެކެވެ.

"އިނގިރޭސި ރައްޔިތަކު އިނގިރޭސިވިލާތުގެ ސަރަހައްދަކަށް ދިޔަ ނުދީ ހުއްޓުވުމަށް މިފަދަ މަސައްކަތެއް ކޮށްފާނެ ކަމަށް އަހަންނަށް ގަބޫލެއް ނުކުރެވޭ. އަހަންނަށް މައުލޫމާތު ދިން ފަރާތުން ބުނި ގޮތުގައި، އިނގިރޭސި ދައުލަތުން އަހަންނާ މެދު "ވަރަށް ބޮޑަށް ކަންބޮޑުވެ"، އަހަރުން މިތަނަށް އައީ ކީއްވެގެންތޯ އޮޅުންފިލުވަން ބޭނުންވި،" ފަރާޖު ވިދާޅުވެފައިވެ އެވެ.

މިކަމާ ގުޅިގެން މިހާތަނަށް ދިވެހި ސަރުކާރުން އެއްވެސް ބަހެއް ބުނެފައެއް ނުވެ އެވެ.

އިނގިރޭސިވިލާތުން ޗާގޯސްގެ ސިޔާދަތީ ބާރު މޮރިޝަސްއަށް ދޭން އެއްބަސްވީ އދ. އިން އެދެމުންދާތާ އެތައް އަހަރެއް ފަހުންނެވެ. އެގޮތަށް އެކަން ކުރުމަށް އަންގާ އިންޓަނޭޝަނަލް ކޯޓު އޮފް ޖަސްޓިސް (އައިސީޖޭ) އިން ވަނީ އެޑްވައިޒަރީ އޮޮޮޕީނިއަންއެއް ނެރެފަ އެވެ.

ޗާގޯސްގެ ސިޔާދަތީ ބާރު މޮރިޝަސްއަށް ލިބޭ ކަމަށް ބައިނަލްއަގުވާމީ ކޯޓުން ވެސް ވަނީ ނިންމާފަ އެވެ. މޮރިޝަސް އިން ޗާގޯސްގެ ސިޔާދަތީ ބާރަށް ދައުވާ ކުރަނީ، އަސްކަރީ ބޭސް އަޅަން ޗާގޯސްގެ 2000 އެއްހާ މީހުން މޮރިޝަސްއަށް ފޮނުވާލީމަ އެވެ.

އޭގެ ތެރެއިން ގިނަ މީހުން ދިރިއުޅެނީ މިހާރު މޮރިޝަސް އާއި އިނގިރޭސިވިލާތުގަ އެވެ. ގިނަ މީހުން ބޭނުންވަނީ އެނބުރި ޗާގޯސްއަށް ދިޔުމަށެވެ.

ޗާގޯސްގެ ރަށަކަށް އެރި ހަތަރު މީހުންގެ ތެރެއިން ލީޑަރެއްގެ ގޮތުގައި ހުރި މިސްލީ މިންޑަރިން ބުނި ގޮތުގައި އެ މީހުން މި ވަގުތު އުޅެނީ ޓެންޓުގަ އެވެ. އަދި ކުރިއަށް އޮތް ދުވަސްތަކުގައި އިތުރު މީހުން އެ މީހުންނާ ބައިވެރިވުމަށް އެ އަތޮޅަށް އަންނާނެ އެވެ.

ޗާގޯސްއަށް ނިސްބަތްވާ ބަޔަކު އެ އަތޮޅަށް ގޮސްފައި މިވަނީ މިވަގުތު އޮތް މުހައްމަދު މުއިއްޒުގެ ސަރުކާރުން އެ ތަން ހޯދުމަށް މަސައްކަތް ކުރަމުންދާ ކަމަށް ބުނެފައި ވަނިކޮށެވެ.

ސިޔާދަތީ ބާރު ރާއްޖެއަށް ލިބުން މާ ހައްގު ކަމަށް ވިދާޅުވެ، އިނގިރޭސިވިލާތުގެ ސަރުކާރަށް ސިޓީއެއް މުއިއްޒު ދެ ސިޓީއެއް ފޮނުވި އެވެ. އެއް ސިޓީ ނޮވެމްބަރު 2024، ގައި ފޮނުވިއިރު ދެވަނަ ސިޓީ ފޮނުވީ ޖެނުއަރީ 2026، ގަ އެވެ.

އެ ސިޓީތަކަށް ބެލުމެއް ނެތި އިނގިރޭސި ސަރުކާރުން ވަނީ މޮރިޝަސްއާއެކު ވެފައިވާ އެއްބަސްވުމާ އެކު ކުރިއަށް ދިޔުމަށް ނިންމާފަ އެވެ. ނަމަވެސް، ޑިއޭގޯ ގާސިއާގައި އަސްކަރީ ބޭސް ހިންގާ އެމެރިކާގެ ރައީސް ޑޮނާލްޑް ޓްރަމްޕު ވަނީ އެ ޑީލަށް ފެހި ސިގްނަލް ދިނުމަށް ފަހު އަލުން އަނބުރާ އެކަން ނުކުރުމަށް ގޮވާލާފަ އެވެ.

މި ވަގުތު އެ ޑީލް އަދި ފައިނަލް ކޮށްފައި ނުވެ އެވެ. ބެލެވޭ ގޮތުގައި އިނގިރޭސި ސަރުކާރުން އަމަލުކުރާނީ އެމެރިކާއިން ބޭނުންވާ ގޮތަށެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox