މޮރިޝަސް އިން ރާއްޖެއާ ގުޅުން ކަނޑާލި މައްސަލައިގައި ސަރުކާރުގެ ބަހެއް ނެތް

Feb 28, 2026, 9:40 AM
ސަރުކާރުގެ ތަރުޖަމާނު ހީނާ ވަލީދު: މޮރިޝަސް އިން ރާއްޖެއާ ގުޅުން ކަނޑާލީ 45 އަހަރާއި ދުވަސްކޮޅަކަށް ފަހު -- ފޮޓޯ: ރައީސް އޮފީސް

ސަރުކާރުގެ ތަރުޖަމާނު ހީނާ ވަލީދު: މޮރިޝަސް އިން ރާއްޖެއާ ގުޅުން ކަނޑާލީ 45 އަހަރާއި ދުވަސްކޮޅަކަށް ފަހު -- ފޮޓޯ: ރައީސް އޮފީސް

މޮރިޝަސް އިން ދިވެހިރާއްޖެއާއެކު ބޭއްވި ހާރިޖީ އަދި ސިޔާސީ ގުޅުން ކަނޑައިލި މައްސަލައިގައި ސަރުކާރުން އެއްޗެއް ނުބުންޏެވެ.

މޮރިޝަސް އިން ދިވެހިރާއްޖެއާ ޑިޕްލޮމެޓިކް ގުޅުން ކަނޑާލީ ޗާގޯސްގެ ސިޔާދަތީ ލިބެނީ އެ ގައުމަށް ކަމަށް ކަނޑައަޅައި ބައިނަލްއަގްވާމީ ކޯޓުތަކުން ނިންމާފައިވާ ނިންމުންތަކަށް ބޯނުލަނބާނެ ކަމަށް ރައީސް މުހައްމަދު މުއިއްޒު ވިދާޅުވުމުންނެވެ.

އޭގެ އިތުރުން، މޮރިޝަސްއަށް ޗާގޯސް ދޭން އިނގިރޭސިވިލާތުން ނިންމާފައިވާ ނިންމުމާ ދެކޮޅު ހަދައި، އެ ނިންމުން ތަންފީޒުވިޔަ ނުދޭން ރާއްޖެއިން އެކި ގޮތް ގޮތުން މަސައްކަތް ކުރުމަކީ ވެސް ޑިޕްލޮމެޓިކް ގުޅުން ކަނޑާލަން ޖެހުނު ސަބަބެއް ކަމަށް މޮރިޝަސް އިން ބުނެ އެވެ.

މޮރިޝަސްގެ ނިންމުން ދިވެހި ސަރުކާރަށް އަންގައި، އެ ނިންމުން އާންމުކޮށް އިއުލާނު ކުރިއިރު ވެސް ދިވެހި ސަރުކާރުން އެކަމާމެދު އެއްޗެއް ނުބުނެ އެވެ. ރައީސް އޮފީސް އަދި ރައީސްގެ ތަރުޖަމާނު ވެސް އެކަމަށް އެއްޗެއް ވިދާޅެއް ނުވެ އެވެ.

މި މައްސަލައިގައި ކޮމެންޓެއް ހޯދަން ރައީސްގެ ތަރުޖަމާނު ހީނާ ވަލީދަށް މި ނޫހުން ގުޅި ނަމަވެސް ހަބަރު ޝާއިއު ކުރުމާ ހަމައެއް ބަހެއް ލިބޭ ގޮތް ވަނީ ނުވެފަ އެވެ.

ދިވެހިރާއްޖެއާއެކު އޮތް ގުޅުން މޮރިޝަސް އިން މި ކަނޑައިލީ، ދެ ގައުމުގެ މެދުގައި ޑިޕްލޮމެޓިކް ގުޅުން ގާއިމް ކުރިތާ 45 އަހަރާއި ކުޑަ ދުވަސްކޮޅެއް ފަހުންނެވެ. ރާއްޖެއިން މޮރިޝަސްއާއެކު ޑިޕްލޮމެޓިކް ގުޅުން ގާއިމް ކުރީ ކުރީގެ ރައީސް މައުމޫން އަބްދުލްގައްޔޫމްގެ ވެރިކަމުގައި ޖެނުއަރީ 15، 1981، ގަ އެވެ.

ޗާގޯސްގެ ސިޔާދަތީ ބާރު މޮރިޝަސްއަށް ލިބޭ ކަމަށް ކަނޑައެޅީ އިންޓަނޭޝަނަލް ކޯޓް އޮފް ޖަސްޓިސް އިންނެވެ. އޭގެ ފަހުން މޮރިޝަސް އިން ވަނީ ޗާގޯސް އާއި ރާއްޖެއާ ދެމެދު ބޯޑަރު ކަނޑަައަޅަން އިންޓަނޭޝަނަލް ޓްރައިބިއުނަލް ފޯ ލޯ އޮފް ދަ ސީސް (އިޓްލޮސް) އަށް ގޮސްފަ އެވެ.

ކޮންމެ ގައުމަކަށް ވެސް އެ ގައުމުގެ ފަސްގަނޑުން ފެށިގެން 200 ނޯޓިކަލް މޭލު ލިބޭއިރު، ރާއްޖޭގެ ދެކުނުން މި ސަރަހައްދު ޗާގޯސްއަށް ލިބޭ ބަޔާ ފުށުއަރަ އެވެ. އިޓްލޮސް އިން ނިންމީ ފުށުއަރާ ސަރަހައްދުގެ ބޮޑު ބައި ރާއްޖެއަށް ދިނުމަށެވެ.

ފެބްރުއަރީ 5، ގައި ރައީސް މުއިއްޒުގެ އޯޑަރަށް ދިވެހި ސިފައިން ވަނީ އިޓްލޮސް އިން މޮރިޝަސް އަށް ދިން ކަނޑުގެ ސަރަހައްދަށް ވެރިވެގަނެ، އެ ސަރަހައްދުގެ ކޮންޓްރޯލް ނަގައިފަ އެވެ. ދިވެހި ސަރުކާރުން ބުނަނީ އެ ސަރަހައްދު މިހާރު ވެސް އޮތީ ދިވެހި އަސްކަރިއްޔާގެ ބެލުމުގެ ދަށުގައި ކަަމަށެވެ.

"ކަނޑުގެ ސަރަހައްދުތަކާ ބެހޭ ގާނޫނުގައިވާ ދިވެހިރާއްޖޭގެ އާކިޕެލޮޖިކް ބޭސް ޕޮއިންޓުތަކަށް ހަވާލާދީ ދިވެހިރާއްޖޭގެ ހާއްސަ އިގްތިސާދީ ސަރަހައްދަކީ ދޫކޮށްލި ކަނޑުގެ ސަރަހައްދު ހިމެނޭ ގޮތަށް ގާނޫނުގައި މިހާރު ވެސް ކަނޑައަޅާފައިވާ ސަރަހައްދުކަމަށް ނިންމައި، ތިޔަ އިއްޒަތްތެރި މަޖިލިސް މެންބަރުންގެ ހާޒިރުގައި އެކަން އިއުލާނުކުރަން،" މިއަހަރުގެ ރިޔާސީ ބަޔާން އިއްވަވަމުން މުއިއްޒު ވިދާޅުވެފައިވެ އެވެ.

މޮރިޝަސް އިން ޗާގޯސް އަށް ދައުވާ ކުރަނީ، ފްރާންސުން ސަތާރަސްތޭކައިގެ އަހަރުތަކުގެ ތެރޭގައި ޗާގޯސް ހިފުމަށްފަހު އެތަނުގެ ވަޒަންވެރިން މޮރިޝަސްއަށް ފޮނުވާލާފައިވާތީ އެވެ. ނަމަވެސް، ދިވެހި ސަރުކާރުން ބުނަނީ ރާއްޖޭގެ ވެރިކަން ކުރި ބައެއް ބޭފުޅުންގެ ސިޓީތަކުން ޗާގޯސްއަކީ ރާއްޖޭގެ ބައެއްގެ ގޮތުގައި އޮތް ކަން ސާބިތުވާ ކަމަށެވެ.

ދިވެހިންނާއި ދިވެހި ބަހުގެ ބައެއް ނިޝާންތައް ޗާގޯސްގެ ބައެއް އާސާރީ ގަބުރުސްތާނުތަކުން ފެނިފައިވާ ކަމަށް ވެސް ބައެއް މީހުން ބުނެ އެވެ. އެކަމަކު، ފަހުގެ ތާރީހެއްގައި ރާއްޖެއިން ޗާގޯސްއަށް ދައުވާކޮށްފައެއް ނުވެ އެވެ. އަދި ޗާގޯސް ހޯދަން އެއްވެސް މަސައްކަތެއް ކޮށްފައެއް ވެސް ނުވެ އެވެ. ޗާގޯސްއަކީ ރާއްޖޭގެ ބައެއް ކަމަށް ދައުވާ ކުރެވެން ފެށުނީ 2023 ވަނަ އަހަރު އިޓްލޮސް އިން ބޯޑަރު ކަނޑައަޅަން އުޅުމުންނެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox