ލެކްނޯ، ދިވެހިންނާއެކު ފަހުރުވެރި 25 އަހަރު: ކަސްޓަމަރުންނާއި ބައިވެރިންގެ އަގު ވަޒަންކޮށްފި

ރާއްޖޭގެ ބާޒާރުގައި ލެކްނޯ ވިއްކާތާ 25 އަހަރު ފުރުން ފާހަގަ ކުރުމަށް މި މަހުގެ 15 ވަނަ ދުވަހު ހޮޓެލް ޖެންގައި ބޭއްވި އިންވެންޓު. -- ފޮޓޯ: އެމްޔޫ ސްޓޯރު

ރާއްޖޭގެ ބާޒާރުގައި ލެކްނޯ ވިއްކާތާ 25 އަހަރު ފުރުން ފާހަގަ ކުރުމަށް މި މަހުގެ 15 ވަނަ ދުވަހު ހޮޓެލް ޖެންގައި ބޭއްވި އިންވެންޓު. -- ފޮޓޯ: އެމްޔޫ ސްޓޯރު

ދުނިޔޭގެ މަޝްހޫރު ޖޫސް ބްރޭންޑެއް ކަމަށްވާ "ލެކްނޯ" ރާއްޖޭގެ ބާޒާރަށް ތައާރަފުކުރިތާ 25 އަހަރު ފުރުން ކުލަގަދަކޮށް ފާހަގަކޮށްފި އެވެ.

މި ތާރީހީ ކާމިޔާބު ފާހަގަކުރުމަށްޓަކައި ފެބްރުއަރީ 15، 2026 ގައި، ހޮޓެލް ޖެންގައި ހާއްސަ އިވެންޓެއް ބާއްވައި، ވޭތުވެދިޔަ 25 އަހަރު ދުވަހު ލެކްނޯއަށް އެއްބާރުލުން ދިން ކަސްޓަމަރުންނާއި، ވިޔަފާރީގެ ބައިވެރިން އަދި ކީ-ކްލައިންޓުންގެ އަގު ވަނީ ވަޒަންކޮށްފަ އެވެ.

މި ހަފުލާގައި ބައިވެރިވުމަށް ލެކްނޯ ދުބާއީގެ އިސް މަންދޫބުންގެ ވަފުދެއް ޒިޔާރަތްކުރި އެވެ. މިއީ ބްރޭންޑާއި ރާއްޖޭގެ މާކެޓާ ދެމެދު އޮތް ވަރުގަދަ ގުޅުން ރަމްޒުކޮށްދިން ކަމެއް ކަމަށް، ލެކްނޯ ރާއްޖެއަށް އެތެރެކޮށް ވިއްކާ، އެމްޔޫ ސްޓޯރުން ބުންޏެވެ.

މި ހަފުލާގެ ތެރެއިން ލެކްނޯގެ ބައިނަލްއަގުވާމީ ކުރިއެރުމާއި، ބްރޭންޑްގެ ދަތުރު އަދި ރާއްޖޭގެ ބާޒާރަށް އެ ބްރޭންޑް ތައާރަފްވެ، މިއަދާ ހަމައަށް އައި ގޮތުގެ ޕްރެޒެންޓޭޝަނެއް ދެއްކި އެވެ.

މި ވޭތުވެދިޔަ 25 އަހަރުގެ ތެރޭގައި ލެކްނޯއަށް ރާއްޖޭގެ ބާޒާރުގައި ލިބިފައިވާ ބޮޑު ކާމިޔާބީއަކީ އެ ބްރޭންޑަށް ކަސްޓަމަރުން ކުރާ އިތުބާރު ކަމަށާއި އެހެންވެ، ބްރޭންޑްގެ ކުރިއެރުމުގައި އެންމެ ބޮޑު ހިއްސާއެއްވި ފަރާތްތަކަށް ހާއްސަ އެވޯޑު ދިނެވެ.

ރާއްޖޭގައި ލެކްނޯގެ ރަސްމީ ޑިސްޓްރިބިއުޓަރުކަން ކުރާ އެމްޔޫ ސްޓޯރާއި ލެކްނޯއާ ދެމެދު އޮތް ގާތް ގުޅުންވެސް ވަނީ މި އިވެންޓުގައި ފާހަގަކޮށްފައެވެ.

އެމްޔޫ ސްޓޯރުން މާކެޓް ފުޅާކުރުމަށް ކުރާ މަސައްކަތްތަކަށް ތައުރީފުކޮށް، ކުރިއަށް އޮތް ތަނުގައިވެސް އާ އުފެއްދުންތަކާއި އީޖާދީ ހިދުމަތްތަކާއެކު ރާއްޖޭގެ ކަސްޓަމަރުންނާ ގާތުން މަސައްކަތް ކުރާނެ ކަމުގެ ޔަގީންކަން ލެކްނޯ ކުންފުނިން ވަނީ ދީފައެވެ.

ކޮމެންޓް

ފަހުގެ ޚަބަރު

ސިމްޑީގެ ވިޔަފާރި ހާދާލަށް ފުޅާކުރަނީ

ސިމްޑީ ގްރޫޕްގެ ވިޔަފާރި ހދ. އަތޮޅުގައި ފުޅާކުރުމަށްޓަކައި ކުޅުދުއްފުށީގެ "މިތުރު" ކުންފުންޏާއެކު ސަބް-ޑިސްޓްރިބިއުޝަން އެއްބަސްވުމެއްގައި މިއަދު ވަނީ ސޮއިކޮށްފައެވެ. މި ޕާޓްނަޝިޕްގެ ސަބަބުން ސިމްޑީން އެތެރެކުރާ ބައިނަލްއަގުވާމީ މަގުބޫލު ބްރޭންޑްތަކުގެ މުދާ އެ އަތޮޅުގެ ރީޓެއިލް ފިހާރަތަކަށާއި އާންމުންނަށް ފަސޭހަކަމާއެކު ލިބޭނެ އިންތިޒާމު ހަމަޖެހިގެންދާނެއެވެ.

ވިލާ ކޮލެޖާއި މާރޕް ގުޅިގެން މެންޓަރޝިޕް ޕްރޮގްރާމެއް

ވިލާ ކޮލެޖާއި މާރޕް ގުޅިގެން ވަޒީފާ އަދާކުރާ ފަރާތްތަކަށް ޚާއްޞަ މެންޓަރޝިޕް ޕްރޮގްރާމެއް ފަށާފައިވަނީ ދިވެހި ލީޑަރުން ބިނާކޮށް ސީނިއަރ މެނޭޖްމަންޓް މަޤާމުތަކަށް މީހުން ތައްޔާރުކުރުމަށެވެ. މި ޕްރޮގްރާމުގެ ދަށުން ތަޖުރިބާކާރުންގެ އެހީތެރިކަމާއެކު ގްރެޖުއޭޓުންނަށް ޢަމަލީ ހުނަރުތައް ދަސްކޮށްދީ، މަތީ ތަޢުލީމާއި އިންޑަސްޓްރީއާ ދެމެދު އޮތް ގުޅުން ވަރުގަދަކުރުމަށް ވަނީ އަމާޒު ހިފާފައެވެ.

ޓްރީ ޓޮޕް ހިތާނީ ކޭމްޕުގެ ރަޖިސްޓްރޭޝަން ހުޅުވާލައިފި

ޓްރީ ޓޮޕް ހޮސްޕިޓަލުގެ މިއަހަރުގެ ފުރަތަމަ ހިތާނީ ކޭމްޕުގައި ބައިވެރިވުމަށް ރަޖިސްޓަރީވުމުގެ ފުރުސަތު ޑިސެމްބަރު 17 ގެ ނިޔަލަށް ވަނީ ހުޅުވާލާފައެވެ. ތަޖުރިބާކާރު ޑޮކްޓަރުންގެ ޓީމަކުން ކުރިއަށްގެންދާ މި ކޭމްޕުގެ ހިތާނުކުރުމުގެ އޮޕަރޭޝަންތައް ކުރިއަށްދާނީ ޑިސެމްބަރު 12 އިން ޖެނުއަރީ 11 ގެ ނިޔަލަށެވެ. މި ޕެކޭޖުގެ ދަށުން ކޮންސަލްޓޭޝަނާއި، ލެބޯޓަރީ ޓެސްޓުތަކުގެ އިތުރުން އޮޕަރޭޝަނަށްފަހު ބޭނުންވާ ފަރުވާގެ ހިދުމަތްތައް ލިބިގެންދާނެއެވެ.

ޓޯޓަލް ފިޒިއޯއިން އެލައިޑްގެ ހިދުމަތް ގަބޫލުކުރަން ފަށައިފި

ފިޒިއޮތެރަޕީގެ ޚިދުމަތްދޭ "ޓޯޓަލް ފިޒިއޯ" ކްލިނިކުން ބަލިމީހުންނަށް ލުއިފަސޭހަކޮށްދިނުމުގެ ގޮތުން އެލައިޑް އިންޝުއަރެންސް ގަބޫލުކުރަން ފަށައިފިއެވެ. ޒަމާނީ ވަސީލަތްތަކާއެކު ފަރުވާދޭ މި ކްލިނިކުން މިހާރުވެސް ޕޮލިސް، އެމްއެންޑީއެފް އަދި ސޮލަރެލް އިންޝުއަރެންސްގެ ޚިދުމަތް ލިބޭއިރު، އިތުރު އިންޝުއަރެންސްތައް މެދުވެރިކޮށް ޚިދުމަތް ލިބޭނެ އިންތިޒާމު ހަމަޖެއްސުމަށް ދަނީ މަސައްކަތް ކުރަމުންނެވެ.

ލަކްސް ގްލޯގެ ދެވަނަ ފިހާރަ މަޖީދީމަގުގައި ހުޅުވައިފި

މަޝްހޫރު ކޮސްމެޓިކްސް ބްރޭންޑް "ލަކްސް ގްލޯ" ގެ ދެވަނަ ފިހާރަ މާލޭގެ މަޖީދީމަގުގައި ހުޅުވައިފިއެވެ. މި ފިހާރައިން ބައިނަލްއަގުވާމީ ބްރޭންޑްތަކުގެ ސްކިންކެއާ އަދި މޭކަޕް ސާމާނު ޓެސްޓުކޮށްލުމާއި، ފަންނީ ލަފާ ހޯދައިގެން ވަގުތުން ގަނެވޭނެ އިންތިޒާމު ވަނީ ހަމަޖެހިފައެވެ. ފިހާރަތަކުގެ އިތުރުން އެ ބްރޭންޑުގެ ވެބްސައިޓް މެދުވެރިކޮށް އޮންލައިންކޮށް އޯޑަރުކުރުމުގެ ފުރުސަތުވެސް ކަސްޓަމަރުންނަށް ވަނީ ހުޅުވާލެވިފައެވެ.

ކްލީވިއާ ރެސިޑެންސް: ޒަމާނީ ބޯހިޔާވަހިކަން އާ މަޝްރޫއެއް

ޕޭން ރިއަލް އެސްޓޭޓުން އަލަށް ތައާރަފްކުރި "ކްލީވިއާ ރެސިޑެންސް" މަޝްރޫއަކީ މެދުފަންތީގެ އާމްދަނީ ލިބޭ ފަރާތްތަކަށް އަމާޒުކޮށްގެން ހިންގާ އަތްފޯރާ އަގުތަކެއްގެ ބޯހިޔާވަހިކަމުގެ މަޝްރޫއެކެވެ. މި މަޝްރޫއުގެ ދަށުން ޒަމާނީ ފެންވަރުގެ އެއް ކޮޓަރި އަދި ދެ ކޮޓަރީގެ އެޕާޓްމަންޓްތައް ލިބޭއިރު، ފައިސާ ދެއްކުމުގައި ލުއި ގޮތްތަކެއް ވަނީ ހަމަޖައްސާފައެވެ.

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

Newsletter

Get the latest news delivered straight to your inbox