މާލޭ ސިޓީ ކައުންސިލްގެ އާމްދަނީ ދެ ބިލިއަން ރުފިޔާއަށް ޖައްސައިދޭނަން: ޒަރިޔަންދު

ގަލޮޅު ކަންމަތީގައި ރޭ ބޭއްވި ކެމްޕޭނު ހަރަކާތުގައި ޒަރިޔަންދު ވާހަކަ ދައްކަވަނީ. -- ފޮޓޯ: އަދަދު

ގަލޮޅު ކަންމަތީގައި ރޭ ބޭއްވި ކެމްޕޭނު ހަރަކާތުގައި ޒަރިޔަންދު ވާހަކަ ދައްކަވަނީ. -- ފޮޓޯ: އަދަދު

މާލޭ ސިޓީ ކައުންސިލްގެ އާމްދަނީ ކުރިއަށް އޮތް ފަސް އަހަރު ދުވަހުގެ ތެރޭގައި ދެ ބިލިއަން ރުފިޔާއަށް އިތުރުކޮށްދެއްވާނެ ކަމުގެ ވައުދާއެކު، އަމިއްލަ ގޮތުން މޭޔަރުކަމަށް ވާދަކުރައްވާ ކެންޑިޑޭޓް އިސްމާއީލް ޒަރިޔަންދު އޭނާގެ ބައެއް ތަސައްވުރުތައް ހާމަކުރައްވައިފި އެވެ.

ގަލޮޅު ކަންމަތީގައި ރޭ ބޭއްވި ހަރަކާތެއްގައި ވާހަކަ ދައްކަވަމުން ޒަރިޔަންދު ވިދާޅުވީ، މިހާރު މާލޭ ސިޓީ ކައުންސިލަށް ލިބެނީ 208 މިލިއަން. އޭގެ ތެރެއިން 125 މިލިއަން ލިބެނީ ވެހިކަލްތަކުގެ އަހަރީ ފީއަށް ކަމަށެވެ.

އޭނާ މޭޔަރުކަމަށް ކުރިމަތިލުމުގެ އެއް ބޭނުމަކީ މާލޭ ރައްޔިތުންނަށް ލިބޭ އާމްދަނީ އިތުރުކޮށް، 5 އަހަރު ތެރޭގައި އާމްދަނީ ދެ ބިލިއަން ރުފިޔާއަށް ހިއްލާލުމަށް ކަމަށް ޒަރިޔަންދު ވިދާޅުވި އެވެ.

Advertisement

ގަލޮޅު ކަންމަތީގައި ރޭ ބެއްވި ކެމްޕޭނު ހަރަކާތުގައި ޒަރިޔަންދު އާއި ސަޕޯޓަރުން.
ގަލޮޅު ކަންމަތީގައި ރޭ ބެއްވި ކެމްޕޭނު ހަރަކާތުގައި ޒަރިޔަންދު އާއި ސަޕޯޓަރުން.

ގަލޮޅު ކަންމަތީގައި ރޭ ބެއްވި ކެމްޕޭނު ހަރަކާތުގައި ޒަރިޔަންދު އާއި ސަޕޯޓަރުން.

މިދިޔަ އަހަރު މާލޭގެ ބިންތަކުގެ ކުލީގެ ގޮތުގައި ލިބުނީ އެންމެ 12 މިލިއަން ރުފިޔާ ކަމަށާއި، މިއޮތް ބޮޑު މާލޭގެ ބިންތަކުން ކުޑަ އާމްދަނީއެއް ލިބެނީ ރިޝްވަތު ނަގައި ނުއަގުގައި ބިންތައް ދޫކޮށްލާފައިވާތީ ކަމަށް ޒަރިޔަންދު ވިދާޅުވިއެވެ. އޭނާ ވިދާޅުވީ، މާލޭގެ ބައެއް އަމިއްލަ އިމާރާތްތަކުން މަހަކު ނުވަ ލައްކަ ރުފިޔާގެ އާމްދަނީއެއް ލިބޭއިރު، ސިޓީ ކައުންސިލަށް އެވަރު ނުލިބުމަކީ ބޮޑު އިހުމާލެއް ކަމަށެވެ.

މާލޭ ސިޓީއަށް ލިބޭ އާމްދަނީގެ 60 ޕަސެންޓަކީ ވެހިކަލްތަކުގެ ފީއިން ލިބޭ އާމްދަނީއަށް ވިޔަސް، މަގުތައް ރަނގަޅުކޮށް ޕާކުކުރެވޭނެ ގޮތް ހަދާފައިނުވާތީ އެކަމުގެ ކަންބޮޑުވުން ޒަރިޔަންދު ފާޅުކުރެއްވިއެވެ.

"އަޅުގަނޑު މާލޭ ސިޓީގެ މޭޔަރުކަމަށް މާތް ﷲ ގެ އިރާދަފުޅާއެކު އަންނަ ދުވަހަކީ، ހިދުމަތަކުން ފީ ނެގޭ ކަމެއްގައި ސީދާ އެ ހިދުމަތެއް ރަނގަޅުކުރުމަށް މަސައްކަތް ކުރާނެ ދުވަސް،" އޭނާ ވިދާޅުވިއެވެ.

މީގެ އިތުރުން، ސިނަމާލޭ ފްލެޓްތަކުގެ ހާލަތާ ގުޅޭގޮތުން އޭނާ ވިދާޅުވީ، "ސިނަމާލޭ ފްލެޓުތަކަކީ ޖައްސާފައި އޮތް ދަންތުރައެއް،" ކަމަށާއި، އެތަނުގެ މަތީ ފަންގިފިލާގެ ފާހާނާތަކުން ފެން ފޭބުމާއި ލިފްޓްތައް ހަލާކުވެފައި ހުރުމަކީ ކައުންސިލްގެ ނުކުޅެދުންތެރިކަން ހާމަވާ ކަމެއް ކަމަށެވެ.

އޭނާގެ މޭޔަރުކަމުގައި ބިދޭސީންގެ މައްސަލަތައް ހައްލުކުރަން މަސައްކަތް ކުރައްވާނެ ކަމަށާއި، އަދި ހާއްސަ އެހީއަށް ބޭނުންވާ މީހުންނާއި އަސާސީ ބޯހިޔާވެހިކަމަށް އިހުމާލުވެފައިވާ ކަންކަމަށް ހާއްސަ ސަމާލުކަމެއް ދެއްވާނެ ކަމަށް ވިދާޅުވިއެވެ. އަދި ހުޅުމާލެ އާއި މާލޭގައި ކުޅިވަރު ދަނޑުތައް އަޅާނެ ކަމަށް ވެސް ވިދާޅުވިއެވެ.

އޭނާއަކީ ވަކި ސިޔާސީ ލޯގޯއަކަށް ތަބާވާނެ މީހެއް ނޫން ކަމަށް ފާހަގަކުރައްވައި ވިދާޅުވީ، "މިއީ އެ މީހާ" ކަމަށާއި، އޭނާ ތަބާވާނީ ހަމައެކަނި މާލޭގެ ރައްޔިތުންނަށް ދޭންޖެހޭ ހިދުމަތްތަކަށް ކަމަށެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox