ސެމީގައި އޭދަފުށި، ނައިވާދޫ، ވިލިމާލެ އަދި ދެއްވަދޫ

Feb 9, 2026, 7:28 AM
ދެއްވަދޫގެ އިންމި މޮޅުވި ޕެނަލްޓީ އަށް ފަހު އުފާފާޅުކުރަނީ.--- ފޮޓޯ: އަދަދު ސްޕޯޓްސް / އިމޭޖަސް. އެމްވީ

ދެއްވަދޫގެ އިންމި މޮޅުވި ޕެނަލްޓީ އަށް ފަހު އުފާފާޅުކުރަނީ.--- ފޮޓޯ: އަދަދު ސްޕޯޓްސް / އިމޭޖަސް. އެމްވީ

ރާއްޖޭގެ އެންމެ ބޮޑު ފުޓްސަލް މުބާރާތް، ހިއުންޑާއި ގޯލްޑަން ފުޓްސަލް ޗެލެންޖު 2026 ގެ ކުއާޓާ ފައިނަލް މެޗުތަކުން މޮޅުވެ، ހދ. ނައިވާދޫ، ބ. އޭދަފުށި، ވިލިމާލެ އަދި ގއ. ދެއްވަދޫން މުބާރާތުގެ ސެމީ ފައިނަލަށް ދަތުރުކޮށްފި އެވެ.

އޭދަފުށްޓާއި ދުވާފަރު ކުޅުނު މެޗު 2-2 އިން އެއްވަރުވެ، ޕެނަލްޓީގައި އޭދަފުށި މޮޅުވީ 6-4 އިންނެވެ. ނައިވާދޫން ވަނީ ކުއާޓާ ފައިނަލުގައި، އއ. މަތިވެރި އަތުން 4-2 އިން މޮޅުވެފަ އެވެ. ވިިލިމާލޭން 5-1 އިން ދ. ކުޑަހުވަދޫ އަތުން މޮޅުވިއިރު، ތ. ތިމަރަފުށްޓާއި ގއ. ދެއްވަދޫގެ މެޗު 3-3 އިން އެއްވަރުވެ، ޕެނަލްޓީގައި ދެއްވަދޫން ކުރިހޯދީ 8-6 އިންނެވެ.

ރޭ ކުޅުނު ކުއާޓާ ފައިނަލްގައި އޭދަފުށީގެ މުހައްމަދު ފާސިރު (ފާއްޓެ) ޖެހި ގޯލެއް ވީޑިއޯ ސަޕޯޓުން ބަލާފައި ނިންމީ ބަލައިނުގަތުމަށެބެ. އޭދަފުށީގެ އަލީ ނަސީމް (ދިއްލި) ހާފުގެ މެދެއްހާ ހިސާބުން ޖެހި ގޯލުން ލީޑުނެގިއިރު، ދުވާފަރުގެ ކިކް-އިންއެއްގައި ފޮނުވާލި ބާރު ބޯޅައެއް މިސްރާބު ބަދަލުވީ އޭދަފުށީގެ އިމްތިޝާލް އަބްދުލް ރަހީމް އަތުން ބައިކޮޅަށް ގޯލަށް ވަދެގެންނެވެ. އޭދަފުށީގެ ހުސައިން ޝަރީފް (މުޑާ) އެ ޓީމަށް ލީޑުނަގައިދީފައިވަނިކޮށް، ޕްވަޕްލޭގައި ކުރިއަށް ޖެހި، ދުވާފަރުން 38 ސިކުންތު ބާކީ އޮއްވައި އެއްވަރުކުރީ ނޫހު އިބްރާހިމް ޖެހި ލަނޑުންނެވެ.

ޕެނަލްޓީގައި މޮޅުވުމުން އޭދަފުށީ ކުޅުންތެރިން އުފާފާޅުކުރަނީ.---- ފޮޓޯ: އަދަދު ސްޕޯޓްސް / އިމޭޖަސް.އެމްވީ

ޕެނަލްޓީގައި މި ފަހަރު ވެސް އޭދަފުށީގެ ތަރި އަކީ ކީޕަރު މުހައްމަދު ޝާން އެވެ. ޝާން ވަނީ ދެ ޕެނަލްޓީ މަތަކޮށްފަ އެވެ. މި ފަަހަރުގެ ގޯލްޑަން ޗެރިޓީ ޝީލްޑާއި ޒޯން ތިނެއްގެ ތަށި އޭދަފުށްޓަށް ޕެނަލްޓީ ޖަހައިގެން ހޯދީ ވެސް ޝާންގެ ހުށިޔާރުކަމާ އެކު އެވެ.

މިދިޔަ އަހަރުގެ ފައިނަލުގައި ކުޅުނު ނައިވާދޫގެ ކެޕްޓަން، ޔާމީން މުހައްމަދު (ޔާންޓެ) ގެ ލަނޑުން އެ ޓީމު ލީޑުނެގި މި މެޗުގައި، މުހައްމަދު ޝަފްރާޒް ޖެހި ލަނޑުން އެއްވަރުކުރި އެވެ. ނައިވާދޫން ދެ ވަނަ ފަހަރަށް ލީޑު ހޯދީ ހުސައިން މައިޝާން (ޓޯނު) ޖެހި ލަނޑުންނެވެ. މަތިވެރީގެ ކީޕަރު، ހުސެއިން ސަބީލް (ސައްބެ) އަށް ރަތް ކާޑެއް ދެއްކިއިރު، ނައިވާދޫން އަނެއް ލަނޑުތައް ޖެހީ، މުހައްމަދު އަސްލަމް (މޯންޑެ) އާއި މެޗުގެ މޮޅު ކުޅުންތެރިޔާ އަހުމަދު ހަމީދު (އައްމަޑޭ) އެވެ. މަތިވެރީގެެ ފަހު ލަނޑު ޖެހި އަބްދުﷲ ފިޒާން އަބްދުލް ގަފޫރު (ފިޒޭ) އަށް ވަނީ ރަތް ކާޑެއް ދައްކައިފަ އެވެ.

ނައިވާދޫ ޓީމުގެ ޔާންޓެ ލަނޑު ޖެހުމަށް ފަހު އުފާފާޅުކުރަނީ.---- ފޮޓޯ: އަދަދު ސްޕޯޓްސް / އިމޭޖަސް.އެމްވީ

ތިމަރަފުށިން ރޭގެ މެޗުގައި އަބްދުﷲ ޒިޔާންގެ ގޯލުން ލީޑުނެގިއިރު، ދެއްވަދޫން ފުރަަތަމަ ހާފުގައި ނަތީޖާ އަނބުރާލީ މުހައްމަދު އިމްރާން (އިންމި) ޖެހި ދެ ގޯލުންނެވެ. ދެ ވަނަ ހާފުގައި އިބްރާހިމް ސިނާހު (ސިނާ) ތިމަރަފުށްޓަށް އެއްވަރުކޮށްދިންއިރު، ދެއްވަދޫގެ ފަސް ފައުލު ހަމަވި ފަހުން ކުރި ހަ ވަނަ ފައުލަށް ދިން ދުރު ޕެނަލްޓީން އަހުމަދު އަފްލާޒު ޖެހި ގޯލުން ތިމަރަފުށިން ލީޑުނެގި އެވެ. އެކަމަކު، އޭގެ ފަހުން، ތިމަރަފުށީގެ މުހައްމަދު ތޯހިރު (ތޯއްޓޭ) އަށް ދެ ވަނަ ރީނދޫ ކާޑާ އެކު ރަތް ކާޑު ދެއްކި ފަހުން، ދެއްވަދޫގެ އަލީ ހައިޝަމް (ޗުމްޕު) ލަނޑު ޖަހައި، ދެއްވަދޫ އަށް އެއްވަރުކޮށްދިނެވެ.

ޕެނަލްޓީގައި ދެ ޓީމުގެ ޕެނަލްޓީގެ ތެރެއިން ވެސް ނާކާމިޔާބުވީ ސިނާ ޖެހި ޕެނަލްޓީއެވެ. ދެއްވަދޫން ކީޕަރު ސާއިމް ޕެނަލްޓީ އަށް އެރުވި ނަމަވެސް ފަހުން، ޕެނަލްޓީ ތެރެއިން، ސާއިމްގެ ބަދަލުގައި އިބްރާހިމް ޝަޒްލީލް ކުޅެން ނެރުމާ އެކު، އޭނާ ވަނީ ސިނާގެ ޕެނަލްޓީ މަތަކޮށްފަ އެެވެ. ދެއްވަދޫ މޮޅުވި ޕެނަލްޓީ ވައްދާލީ މެޗުގެ މޮޅު ކުޅުންތެރިޔާ އިންމި އެވެ.

ކުޑަހުވަދޫ ކޮޅަށް ވިލިމާލެ އަށް ލަނޑުތައް ޖަހައިދިނީ، އިސްމާއީލް ވަޖީހު (ވައްޖެ)، އިސްމާއީލް ވިފާގު (އިއްސެ)، އަހުމަދު ބައްސާމް މުހައްމަދު ނައީމް (ބައްކު) ލަނޑު ޖެހިއިރު، އަނެއް ލަނޑަކީ، ކުޑަހުވަދޫގެ ހާރޫން އިބްރާހީމް (ހާންޑޯ) އަތުން ބައިކޮޅަށް ވަން ގޯލެކެވެ. މެޗުގައި، ކުޑަހުވަދޫގެ ލަނޑު ޖެހީ މުހައްމަދު އަރީޝް އެވެ.

އޭދަފުށްޓާއި ނައިވާދޫ އަދި ވިލިމާލެ އާއި ދެއްވަދޫ ކުޅޭ ސެމީ ފައިނަލް މެޗުތައް އޮތީ ބުދަ ދުވަހުގެރޭގަ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox