އަމާނާ ތަކަފުލްއިން މަސްވެރި އަދި މުދާ އުފުލާ އުޅަނދުތަކަށް "އޮޑި ބޫސްޓަ" ތައާރަފުކޮށްފި

ފިނޭންސް މިނިސްޓަރު މޫސާ ޒަމީރު އާއި އަމާނާ ތަކަފުލްގެ އިސްވެރިން މިއަދު މެރިން އެކްސްޕޯގައި ހުރި އެ ކުންފުނީގެ ސްޓޯލްގައި.

ފިނޭންސް މިނިސްޓަރު މޫސާ ޒަމީރު އާއި އަމާނާ ތަކަފުލްގެ އިސްވެރިން މިއަދު މެރިން އެކްސްޕޯގައި ހުރި އެ ކުންފުނީގެ ސްޓޯލްގައި.

އަމާނާ ތަކަފުލްއިން މަސްވެރި އުޅަނދުތަކާއި މުދާ އުފުލާ އުޅަނދުތަކަށް ހާއްސަކޮށްގެން، އިތުރު ފައިދާތަކާއެކު "އޮޑި ބޫސްޓަ ތަކަފުލް" ތައާރަފުކޮށްފިއެވެ.

އިއްޔެ ފެށި އެކްސްޕޯގައި ތައާރަފުކުރި މި ޕެކޭޖަކީ އުޅަނދަށް ލިބޭ ގެއްލުމުގެ އިތުރުން، އުޅަނދު މަރާމާތަށް ނުވަތަ މަސައްކަތް ހުއްޓިފައި އޮންނަ ވަގުތުތަކުގައި އާމްދަނީއަށް ލިބޭ އުނިކަމުން ރައްކާތެރިކަން ހޯދައިދިނުމަށް ފަރުމާކޮށްފައިވާ ހާއްސަ ހިދުމަތެކެވެ.

މި ޕެކޭޖުގެ ދަށުން އުޅަނދު ބޭނުންނުކުރެވި ހުންނަ ދުވަސްތަކުގައި "ލޮސް އޮފް ހަޔަރ" ގެ ގޮތުގައި މާލީ އެހީތެރިކަން ލިބިގެންދާނެ އެވެ. އެގޮތުން، ދުވާލަކު 3،000ރ. އާ ހަމައަށް، ގިނަވެގެން 40 ދުވަހުގެ މުއްދަތަށް އާމްދަނީގެ އިނާޔަތް ލިބެއެވެ.

Advertisement

މިއީ އަހަރަކު ޖުމްލަ 120،000ރ. ގެ މާލީ ރައްކާތެރިކަމެކެވެ. އަދި އުޅަނދު އެއްކޮށް ހަލާކުވެއްޖެ ހާލަތެއްގައި، އެއްވެސް "ވެއިޓިންގް ޕީރިއަޑް" އެއް ނެތި ބަދަލު ލިބޭނެ އިންތިޒާމު ވަނީ ހަމަޖައްސާފައެވެ.

އުޅަނދުގެ އިތުރުން، އޭގައި މަސައްކަތްކުރާ ފަރާތްތަކަށްވެސް މި ޕެކޭޖުގެ ދަށުން ސިއްހީ ރައްކާތެރިކަން ލިބިގެންދެއެވެ. މީގެ ތެރޭގައި ހޮސްޕިޓަލްގައި އެޑްމިޓްކޮށްގެން ފަރުވާ ހޯދުމަށް 100،000ރ. އާ ހަމައަށް ކަވަރޭޖް ލިބޭއިރު، މީގެ ފައިދާ އުޅަނދުގެ ވެރިފަރާތާއި، ކެޕްޓަން އަދި ފަޅުވެރިންނަށް ލިބޭނެއެވެ. މި މެޑިކަލް އެހީތެރިކަމަކީ ރާއްޖޭގެ އިތުރުން އިންޑިއާ އަދި ސްރީލަންކާގެ ހޮސްޕިޓަލްތަކުންވެސް ލިބޭނެ ހިދުމަތެކެވެ.

އުޅަނދު އިންޝުއަ ކުރުމުގައި ދެ ގޮތަކަށް ފުރުސަތު އޮވެއެވެ. އެއީ، އުޅަނދު އެއްކޮށް ހަލާކުވެއްޖެ ހާލަތެއްގައި ބަދަލު ލިބޭ "ޓޯޓަލް ލޮސް އޮންލީ" ކަވަރޭޖާއި، އުޅަނދަށް ލިބޭ އެކި ކަހަލަ ގެއްލުންތަކަށް ބަދަލު ލިބޭ "ފުލް ކަވަރ" އެވެ. މި ހިދުމަތް ދެނީ ބައިނަލްއަގުވާމީ މެރިން މިންގަނޑުތަކެއް ކަމަށްވާ "އިންސްޓިޓިއުޓް ޓައިމް ކްލޯޒަސް" އާ އެއްގޮތްވާ ގޮތުގެ މަތިންނެވެ.

މި ހިދުމަތާ ބެހޭ އިތުރު މައުލޫމާތު އަމާނާ ތަކަފުލްގެ ވެބްސައިޓުން ނުވަތަ އެ ކުންފުނީގެ ހޮޓްލައިން 3315262 އަށް ގުޅައިގެން ލިބޭނެއެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox