ގޯލްޑަން ފުޓްސަލް ޗެލެންޖް: ރިއްޕެ ދެކޭގޮތުގައި ކުޑަހުވަދޫ އަށް ފައިދާ ބޮޑީ ތަޖުރިބާގެ

Feb 5, 2026, 10:12 AM
ގޯލްޑަން ފުޓްސަލް ޗެލެންޖުގައި ކުޑަހުވަދޫގެ ކޯޗު ރިއްޕެ.---- ފޮޓޯ: އަދަދު ސްޕޯޓްސް / އިމޭޖަސް.އެމްވީ

ގޯލްޑަން ފުޓްސަލް ޗެލެންޖުގައި ކުޑަހުވަދޫގެ ކޯޗު ރިއްޕެ.---- ފޮޓޯ: އަދަދު ސްޕޯޓްސް / އިމޭޖަސް.އެމްވީ

މިއަދު ފަށާ ރާއްޖޭގެ އެންމެ ބޮޑު ފުޓްސަލް މުބާރާތް، ހިއުންޑާއި ގޯލްޑަން ފުޓްސަލް ޗެލެންޖު 2026ގެ ގަދަ 16 ބުރަށް ކުރިމަތިލާއިރު، ދ. ކުޑަހުވަދޫ އަށް ފައިދާ ބޮޑުކޮށް ފެންނަ އެއް ކަމަކީ އެ ޓީމުގައި ތަޖުރިބާ ހުރި ކުޅުންތެރިންނާ އެކު އޮތް ސްކޮޑެއް އޮތުން ކަމަށް ޓީމުގެ ކޯޗު، މުހައްމަދު ރިއްފަތު (ރިއްޕެ) ބުނެފި އެވެ.

ގޯލްޑަން ފުޓްސަލް ޗެލެންޖުގައި އެންމެ މަދު މެޗު ކުޅެން ލިބޭ އެއް ޓީމަކީ ދ. ކުޑަހުވަދޫ އެވެ. ޒޯން ބުރާއި އަތޮޅު ބުރުގައި މަދު މެޗު ނިސްބަތުން ކުޅެން ލިބި، މުބާރާތުގެ ނޮކައުޓް ބުރަށް ނުކުންނަން ޖެހުމަކީ ކުޑަހުވަދޫ އަށް ބޮޑު ޗެލެންޖަކަށްވާ ކަމެކެވެ. އަދި، މި ފަަހަރު ކުޑަހުވަދޫގެ ތައްޔާރީތައް ވެސް ލަހުން ފެށުނުއިރު، އެ ޓީމުން ވަނީ، އަތޮޅު ޗެމްޕިއަންކަން ހޯދައި، ޒޯން ފަހެއްގެ ތަށި އުފުލާލައިފަ އެވެ.

"އަސްލު ޒޯން ބުރުގައި ވެސް މަދު މެޗުތަކެއް ކުޅެން ޖެހިފައި ރައުންޑް އޮފް 16 އަށް އަންނައިރު މިހާ މަދު މެޗު ކުޅެން ޖެހިފައި، ދެން މި ކުޅެން ޖެހެނީ ރަނގަޅު ޓީމުތަކާ އެހެންވީމަ، އެ އުނދަގޫ އަންނާނެ. އެކަމަކު އެ އަށް ރެޑީވެގެން ނުކުންނާނީ،" ޒޯން ފައިނަލުގައި ދިއްގަރު އަތުން މޮޅުވި މެޗަށް ފަހު، ރިއްޕެ ބުންޏެވެ.

Advertisement

"މި ފަހަރު އަސްލު ތަންކޮޅެއް ސްކޮޑު އެކުލަވާލުން ތަންކޮޅެއް ލަސްވީ، އެހެންނޫނިއްޔާ ރަނގަޅު، ދެން، މިފަހަރު ތަންކޮޅެއް ޓީމަށް ރަނގަޅު ޕްލޭޔަރުން ލިބިފައި ތިބީ. މި ފަހަރު ސްކޮޑުގެ މި ތަފާތު އެކްސްޕީރިއަންސް ގިނަ ކުޅުންތެރިން ތިބެފައި، އެ ތަފާތު ޓީމުން މި ފެންނަނީ،"

މި ފަަހަރުގެ ގޯލްޑަން ފުޓްސަލް ޗެލެންޖުގެ ނޮކައުޓް ބުރުގައި ކުރިމަތިލާން ޖެހޭނީ ހުރިހާ ގޮތަކުން ބެލިޔަސް މީގެ ކުރިން ކުޅެފައި ނުވާނެ ފަދަ ޗެލެންޖިން މެޗުތަކެއް ކަމަށް ގިނަ ކޯޗުން އަންނަނީ ފާހަގަކުރަމުންނެވެ. ގޯލްޑަން ފުޓްސަލް ޗެލެންޖުގެ އެންމެ މޮޅު ކުޅުންތެރިޔާގެ މަގާމު ހޯދާފައިވާ ރިއްޕެ ބުނީ، މެޗުތައް ފަސޭހަވާނެ ކަމަށް ބެލެވޭނެ ޖާގައެއް ނެތް ކަމަށެވެ.

"ވަރަށް ޓަފް، ހަަމަ އެއްވެސް މެޗެއް އެއްވެސް ބަޔަަކަށް އީޒީ (ފަސޭހަ) ވެގެން ނުދާތަން މި ފެންނަނީ، ވަރަށް ޓަފްވާނެ ކަމަށް މި ބަލަނީ،" ރިއްޕެ ބުންޏެވެ.

ގަދަ 16 ބުރުގައި މިރޭ ކުޑަހުވަދޫން ބައްދަލުކުރާނީ ށ. އަތޮޅުގެ ޗެމްޕިއަން ކަނޑިތީމާ އެވެ.

ގަދަ 16 ބުރުގެ މެޗުތައް:

16:00: ރ. ދުވާފަރު - ސ. ހިތަދޫ

16:00: ބ. އޭދަފުށި - މާލެ، މައްޗަންގޯޅި

20:00: ހދ. ނައިވާދޫ - މ. ދިއްގަރު

20:00: އއ. މަތިވެރި - ލ. އިސްދޫ

21:30: ތ. ތިމަރަފުށި - ހއ. މާރަންދޫ

21:30: ގއ. ދެއްވަދޫ - ވ. ކެޔޮދޫ

22:45: ދ. ކުޑަހުވަދޫ - ށ. ކަނޑިތީމު

22:45: ކ. ގާފަރު - މާލެ، ވިލިމާލެ

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox